NEHEMIYA 9:5 - Embimbiliya - Bíblia Sagrada em Umbundu

⁵ Kuenje va Lewi, kuenda Yesiua la Kadimiele la Bani la Hasiaviya la Siereviya la Hodiya la Siebaniya la Petahiya, va popia vati, Votoki loku sivaya Suku yene ukualoneke viosi hoti, Onduko yove yi kola haiyo ya piãla olopandu viosi lesivayo liosi, yi tumbangiyiwe.

NEHEMIYA 9:5 Iomraidhean Croise

I OLOSOMA 8:14

Soma wa pukukako, kuenje wa sumuluisa ohongele yosi ya Isareli, oco ohongele yosi ya Isareli ya talama vilu.

I OLOSOMA 8:15

Eye wa popia hati, Yehova Suku ya Isareli a sivayiwe, una wa popia lomela waye ku tate Daviti, loku ci lemulula leka liaye, hati,

I OLOSOMA 8:22

Oco Salomone wa talama vilu kovaso yutala wa Yehova, kovaso ohongele yosi ya Isareli, yu wõluila ovoko aye kilu,

I OLOSOMA 8:27

Puãi ocili Suku o tava hẽ oku tunga kilu lieve? Ota, vilu lovilu liovailu ku suimo! Oco hẽ, vonjo eyi nda ku tungila o suamo ndati?

I ASAPULO 16:36

Yehova Suku ya Isareli a sivayiwe, tunde ka ku ci toke ka ku ci. Omanu vosi va linga vati, Amene, kuenje va sivaya Yehova.

I ASAPULO 29:11

A Yehova, ekemalo liove! Unene wove, kuenda ulamba leyulo lunumbu, cosi cove, momo cosi ci kasi kilu leci ci kasi kilu lieve, cove! Usoma wove, a Yehova, kuenda ove wa kemãla, wa tulamela vosi, haive Fu!

I ASAPULO 29:13

Kaliye, a Suku yetu, tu ku imbila olopandu, tu sivaya onduko yove ya kemãla.

I ASAPULO 29:20

Daviti wa popia lohongele yosi, hati, Sivayi Yehova Suku yene! Oco ohongele yosi ya sivaya Yehova, Suku yolosekulu viavo. Va petamisa ovitue viavo, yu va fendela Suku, kuenda Soma.

II ASAPULO 20:13

Yuda yosi ya talama kovaso a Yehova, kumue loloñaña viavo lakãi vavo kuenda omãla vavo.

II ASAPULO 20:19

Va Lewi vopo va Kohata lava vopo va Korihi, va votoka vilu oku sivaya Yehova, Suku ya Isareli, lolukandi.

ESERA 3:11

Oco va imbila pamosi ovisungo viesivayo lolopandu ku Suku, vati, Momo eye ukuesunga. Ocisola caye ka ci pongoloka cenda ño hũ ku va Isareli. Kuenje omanu vosi va vilikiya londaka yalua eci va sivaya Yehova omo ociseveto conjo ya Yehova ca tungiwa.

NEHEMIYA 9:4

Kuenje Yesiua la Bani la Kadimiele la Siebaniya la Buni la Sierebiya la Bani la Keneni va talama kosikata ya va Lewi loku vilikiya Yehova Suku yavo lolukandi.

NEHEMIYA 9:6

Esera wa popia hati, Ove, ove lika, u Ñala. Ove wa tunga ilu lilu liovailu, lolombungululu viosi vi kasiko; haive wa tunga oluali lovina viosi vi kasimo, kuenda okalunga lovina viosi vi kasimo. Ove o vi tata tata ha vi kala kala lomuenyo. Avanda osi okilu a ku fendaila.

YOVI 1:21

Wa popia hati, Epõlõla nda tunda lalio vimo lia mãi hailio niukila lalio. Yehova wa eca, Yehova haeye wa tambula vali. Onduko ya Yehova yi sivayiwe.

OLOSAMO 106:2

Elie o tẽla oku tukula ovilinga violohõlo via Yehova, pamue oku yevalisa esivayo liaye liosi?

OLOSAMO 134:1

Ene akuenje va Yehova, ene wakuakuvumba uteke vonjo ya Yehova, enjui, sivayi Yehova.

OLOSAMO 145:2

Oloneke viosi hu panduila. Sivaya ño-o hũ onduko yove.

OLOSAMO 145:5

Ulamba wa piãla wuviali wove, lovilinga viove vi komohĩsa, ovio sinyanyẽha.

OLOSAMO 146:2

Osimbu ñasi lomuenyo sivaya Yehova. Njimbila Suku yange ovisungo viesivayo osimbu ñasi lomuenyo.

OLOSAMO 16:2

Mopia la Yehova siti, Ove wu Ñala yange. Si kuete esumũlũho likuavo te eli li tunda kokuove.

OLOSAMO 66:2

Imbi ovisungo viulamba wonduko yaye. Kemalisi esivayo liaye.

OLOSAMO 99:3

Va sivaye onduko yove yinene yi lingisa usumba. Eye o kola.

ETUNDILO 15:11

A Yehova, wa lisoka love pokati kolosuku hẽ elie? Wa lisoka love hẽ elie? Ulamba wove oku kola. Ovilinga viove vi lingisa usumba, o lingainga ovikomo.

ETUNDILO 15:6

Ondio yove, a Yehova, yi kemãlẽla ongusu. Ondio yove, a Yehova, yi sãsõla unyali.

DANIELE 2:20

Daniele yu wa linga hati, Onduko ya Suku yi sivayiwe oloneke vienda ño hũ, momo olondunge viaye, unene waye.

MATEO 11:25

Eteke liaco Yesu wa tuala hati, A Tate, a Cime cilu losi, hu sivaya omo wa sitikila ovina evi kolonoño la vakualondunge kuenje wa vi situluila komãla.

II VA KORINDO 4:6

Momo Suku, u wa linga hati, Vowelema mu tuile ocinyi, eye wa tuila vovitima vietu ha tuisa ukũlĩhiso wulamba wa Suku wokocipala ca Yesu Kristu.

ESINUMUĨLO 28:58

Nda ku likapela oku tẽlisa olondaka viosi viovihandeleko vilo via sonehĩwa velivulu lilo, okuti o sumbila onduko yilo yulamba kuenda yi kola, YEHOVA SUKU YOVE,

I PETULU 1:3

Suku, Isia ya Ñala yetu Yesu Kristu, a sivayiwe. Tua citiwa evali lohenda yaye ya lua, kuenje, omo Yesu Kristu a pinduiwa kuava va fa, oco tu kuete elavoko li kasi lomuenyo.

LIOLONGANJI 13:18

Ungelo wa Yehova wa popia laye hati, O pulila nye onduko yange? Oyo yi komohisa.