NEHEMIYA 9:1 - Embimbiliya - Bíblia Sagrada em Umbundu

¹ Keteke liakui avali lakuãla kosãi yaco va Isareli va liongolola loku likandangiya okulia loku wala ovikeleyi loku kapa eve polonumbutue viavo.

NEHEMIYA 9:1 Iomraidhean Croise

II SAMUELE 1:2

Eteke liatatu oco kueya umue wa tunda kocilombo ca Saulu, uwalo waye wa toka toka, wa litila eve kutue. Eci eya ku Daviti wa wila posi, wa fendela.

II ASAPULO 20:3

Oco Yehosafata wa yokoka kuenje wa likapela oku sanda Yehova, yu wa handeleka vo Yuda yosi oku likandangiya okulia.

II ASAPULO 7:10

Keteke liakui avali latatu liosãi yepanduvali, wa sandowaila omanu kolombalaka viavo, lovo va sanjuka lutima we yuka onjolela. Va sanjukila esumuluho Yehova a muisa Daviti la Salomone lomanu vaye va Isareli.

ESERA 8:21

Oco kekulo liolui Ahava oko nda handelekela oku likandangiya okulia okuti tu liketisa kovaso a Suku yetu loku likutilila okuti o tu ilikila onjila yocili omu tu endela, etu lomãla vetu lovikuata vietu.

ESERA 8:23

Oco tua likandangiya okulia loku ci likutilila ku Suku yetu kuenje Suku wa yeva ohutililo yetu.

NEHEMIYA 8:2

Oco eteke liatete kosãi yepanduvali ocitunda Esera wa tumbika ovihandeleko kovaso ohongele yalume lakãi la vosi va kuete ale olondunge vioku yeva.

ESTER 4:16

Kuende, kongolole va Yudea vosi va kasi vo Siusana. Va liñandangiyile okulia, ka va ka lie ndaño oku nyua oloneke vitatu, lutanya luteke. Ame lafeko vange letuvo tu likandangiya okulia ndene. Oco noke ngenda ku Soma, ndaño ocihandeleko citi, Ka ci tava oku enda. Nda fa, fa muẽle.

ESTER 4:3

Kuenda kolofeka viosi, kuna ondaka ya Soma locihandeleko caye via pitila, kua kala esumuo lialua pokati ka va Yudea, loku likandangiya okulia loku lila kuenda oku likekemba, kuenje va lua va pekela pikelei lopetiko.

YOVI 2:12

Eci vo muĩla kupãla ka vo limbukile, va kaluka loku lila, va tola olonanga viavo kuenje va imba oneketela vilu.

ISAYA 22:12

Keteke liaco Suku Yehova Ukualohoka wo laleki oku lila loku litetela kuenda oku lipemũla, loku wala ikelẽi.

YOELI 2:12

Puãi, ndaño cilo, lopo Yehova o li loku laleka, hati, Pongolokeli kokuange lutima wosi, loku likandangiya okulia, loku lila kuenda oku litetela.

OVISILA 23:34

Sapuila va Isareli huti, Keteke liekui latãlo kosãi yilo yepanduvali ku kala ofesta yolosinge yoku Yehova oloneke epanduvali.

OVISILA 23:39

Keteke liekui latãlo kosãi yepanduvali, eci wonguli ale ovaima ofeka, wu kala lofesta ya Yehova oloneke epanduvali. Keteke liatete ku kala owusa u kola loketeke liecelãla ku kala owusa u kola.

YEHOSUA 7:6

Yehosua wa tola uwalo waye, wa tuvika ocipala caye posi kovaso yocikasa ca Yehova, toke koñolosi, eye kumue lakulu va Isareli. Va litaila eve kovitue viavo.

ESITULUILO 11:3

Ngeca kolombangi viange vivali unene woku popia ovitumasuku ca soka ohũlũkãi kovita vivali kakui epandu koloneke. Osimbu va popia va wala wala ovikelei.

LIOLONGANJI 20:26

Oco va Isareli vosi kumue lomanu vosi, va lamana, yu veya ko Betele. Oko va lilila loku kala kovaso a Yehova. Eteke liaco va likandangiya okulia toke koñolosi. Va lumbila kovaso a Yehova ovilumba vioku pia elisi lovilumba viombembua.

I SAMUELE 4:12

Eteke liaco umue u Benjamini wa tila kovita, weya ko Silo, uwalo waye wa toka toka, kutue waye kua kala eve.

I SAMUELE 7:6

Oco vongolokela vo Misipa. Va tapa ovava kuenje va a itila kovaso a Yehova. Va likandangiya okulia eteke liaco kuenje va popia vati, Tua lingila Yehova ekandu. Samuele wa linga onganji ya va Isareli ko Misipa.