NEHEMIYA 8:9 - Embimbiliya - Bíblia Sagrada em Umbundu

⁹ Kuenje Nehemiya nguluvulu, la Esera usonehi, haeye ocitunda, la va Lewi, ava va longaisa omanu, va popia lomanu vati, Eteke lie tali li kola ku Yehova Suku yene. Oco ko ka lisiõsiõli pamue oku lila, momo omanu vosi va kala loku lila eci va yeva olondaka viovihandeleko.

NEHEMIYA 8:9 Iomraidhean Croise

II OLOSOMA 22:11

Eci Soma a yeva olondaka vielivulu liovihandeleko, oco wa tola uwalo waye.

II OLOSOMA 22:19

Omo utima wove ka wa sivile kuenje wa liketisa kovaso a Yehova eci wa yeva ondaka nda popela imbo lilo lava va tungamo ndokuti va linga ndelunda lesiñalo, kuenda omo wa tola uwalo wove loku lilila kovaso ange, oco lamevo nda ku yeva. Oco ca popia Yehova.

II ASAPULO 15:3

Osimbu yalua Isareli, ka kaile la Suku yocili, ndaño lulongisi umue wocitunda pamue ovihandeleko.

II ASAPULO 30:22

Oco Hesekiya wa kolisa lolondaka viaye va Lewi vosi vana va lekisa olondunge viwa kupange wa Yehova. Oloneke epanduvali omanu va lia okulia kuofesta loku lumba ovilumba viombembua loku pandula Yehova, Suku yolosekulu viavo.

II ASAPULO 34:19

Eci Soma a yeva olondaka viovihandeleko, wa tola uwalo waye.

II ASAPULO 34:21

Kuendi, ka muliliko ku Yehova, ame lava va supa kIsareli loko Yuda, mekonda liolondaka vielivulu lilo lia sangiwa. Onyeño yalua ya Yehova ya tu sukumuhila, momo olosekulu vietu ka via lavele ondaka ya Yehova, ha vi lingi ndeci cosi ca sonehiwa velivulu lilo.

II ASAPULO 35:3

Wa popia la va Lewi vana va longisa Isareli yosi, havio va kola ku Yehova, hati, Kapi ocikasa ci kola vonjo yina ya tungile Salomone, omõla a Daviti, Soma ya Isareli. Ko ka cambati vali kovitai viene. Kaliye vumbi Yehova Suku yene lomanu vaye va Isareli.

ESERA 2:63

Kuenje Nguluvulu wa va sapuila hati, Ka ci tava oku lia okulia ku kola te kua molẽha ocitunda ci tẽla oku pula ku Urimi la Tumimi.

ESERA 7:11

Soma Aretasesete wa soneha ukanda kocitunda Esera haeye ukuavisonehua, haeye wa piãla oku kũlĩha ovihandeleko via Yehova lovisila viaye vioku va Isareli. Ukanda waco wowu:

NEHEMIYA 10:1

Ava va ci kolisa lolonduko viavo vava: Nehemiya Nguluvulu, eye omõla a Hakaliya, Sedekiya,

NEHEMIYA 12:26

Ovo omanu va kalako koloneke via Yoiakimi, omõla a Yesuwa, omõla a Yocadaka, kuenda koloneke via Nehemiya, nguluvulu yaco, kuenda koloneke via Esera ocitunda haeye usonehi.

NEHEMIYA 7:65

Nguluvulu wa handeleka okuti ka ci tava oku lia kokulia ku kola te pa moleha ocitunda ci kuete Urimi la Tumimi.

NEHEMIYA 7:70

Akulu vamue vakuapata va eca olombongo vioku kuatisa upange. Nguluvulu muẽle wa eca ohulũkãi yolondalama viulu latasu akui atãlo kuenda uwalo woku walisa ovitunda ovita vitãlo kakui atatu.

NEHEMIYA 8:2

Oco eteke liatete kosãi yepanduvali ocitunda Esera wa tumbika ovihandeleko kovaso ohongele yalume lakãi la vosi va kuete ale olondunge vioku yeva.

UKUNDI 3:4

eteke lioku lila, kuenda eteke lioku yola; eteke lioku sinumũla, kuenda eteke lioku cĩla;

ISAYA 61:3

loku sapuila vakuakulila vo Siono elembeleko; loku piñainya eposuiso petiko, loku piñainya ulela wesanju poku lila. Poku nyumãla pa piñala uwalo wesivayo; okuti va tukuiwa oviti viesunga via kulĩlua ulamba wa Yehova.

HOSEA 4:6

Omanu vange va kasi loku nyõlẽha omo va kamba ukũlĩhiso. Omo ove wa pukula ukũlĩhĩso wange, oco lamevo hu pukulavo okuti ku lingi vali ocitunda cange. Lomo wa ivalako ovihandeleko via Suku yove, lamevo njivalavo omãla vove.

OVISILA 23:24

Sapuila va Isareli, huti, Kosãi yepanduvali keteke liatete liosãi yaco ku kala owusa u kola. Eteke liaco li linga lionjivaluko. Onjivaluko yaco yi lalekiwa lolombela. Ku kala efendelo li kola liomanu vosi.

MALAKIYA 2:13

Wa lingi vali eci, cokuti, vu yukisa utala wa Yehova lasuẽlẽla, loku lila, kuenda oku leña leña, momo eye ka vanji vali kocilumba cene, ndaño oku ci tambula lesanju Povaka ene.

VA ROMA 3:20

Momo, eci eye a tetulula, lomue ukuetimba o tendiwa ndukuesunga mekonda liovilinga vioku pokola ño kovihandeleko, omo okukũlĩha ekandu ku tunda kovihandeleko.

VA ROMA 7:9

Ame ale, cina sia kaile lovihandeleko, nda kala lomuenyo, puãi, eci ocihandeleko ceya, oco ekandu lia pinduka, lame nda fa.

ESINUMUĨLO 12:12

Kuenje ene lomãla vene valume, lomãla vene vakãi, lapika vene valume, lapika vene vakãi, ndaño va Lewi va kasi vovaimbo ene, momo ovo ka va kuete onepa pamue ocipiñalo kumue lene, vosi yene vu sanjukila kovaso a Yehova, Suku yene.

ESINUMUĨLO 12:7

kuenje haiko vu lila kovaso a Yehova, Suku yene. Kuenje ene lolonjo viene vu sanjukila onima yupange wovaka ene yina Yehova Suku yene o sumũluĩsa layo.

ESINUMUĨLO 16:11

Kuenje o kala lesanju kovaso a Yehova, Suku yove, ove, lomõlõve ulume, lomõlõve ukãi, lupika wove ulume, lupika wove ukãi, lu Lewi o kasi vimbo liove, locingendeleyi, losiwe, locimbumba, ava va kasi pokati kene. Vosi muẽle vu sanjukila pamosi vocitumãlo Yehova, Suku yove, a nola oku tungisilako onduko yaye onjo yoku kala.

ESINUMUĨLO 26:14

Osimbu nda kala loku lila, konepa yekui sia lileko. Eci sia yelele siopileko, ndaño oku eca konambi sia ecele. Nda pokola kondaka Ya Yehova, Suku yange. Nda telisa ovihandeleko viove viosi.

TIAGO 4:9

Sumui. Lili. Lisiõsiõli. Ovinjola viene vi pongoloke oku liyula, lesanju liene li pongoloke esumuo.