NEHEMIYA 8:2 - Embimbiliya - Bíblia Sagrada em Umbundu

² Oco eteke liatete kosãi yepanduvali ocitunda Esera wa tumbika ovihandeleko kovaso ohongele yalume lakãi la vosi va kuete ale olondunge vioku yeva.

NEHEMIYA 8:2 Iomraidhean Croise

NEHEMIYA 10:29

va livandekakovo kuenda asongui vavo, va lisila lesingo okuti va endaenda lovihandeleko via Suku vina via eciwa ku Mose, ukuenje wa Suku, loku lava ovihandeleko lovisila viosi via Yehova, Ñala yetu, loku vi linga.

NEHEMIYA 13:1

Eteke liaco va tangela omanu velivulu lia Mose yu va sanga okuti mua sonehiwa okuti va Amoni la va Moavi lalimue eteke va tẽla oku iñila vekongelo lia Suku,

NEHEMIYA 8:18

Kuenje eteke keteke Esera wa tanga tanga velivulu liovihandeleko via Suku, tunde keteke liatete toke keteke lia sulako. Va sanjukila ofesta yaco oloneke epanduvali kuenje keteke liecelãla va linga efendelo li kola ndeci ca handelekiwa.

NEHEMIYA 8:9

Kuenje Nehemiya nguluvulu, la Esera usonehi, haeye ocitunda, la va Lewi, ava va longaisa omanu, va popia lomanu vati, Eteke lie tali li kola ku Yehova Suku yene. Oco ko ka lisiõsiõli pamue oku lila, momo omanu vosi va kala loku lila eci va yeva olondaka viovihandeleko.

NEHEMIYA 9:1

Keteke liakui avali lakuãla kosãi yaco va Isareli va liongolola loku likandangiya okulia loku wala ovikeleyi loku kapa eve polonumbutue viavo.

ISAYA 28:9

Eye nga o longisa elie? Leci a yeva o ci lombolola kulie?— kuava va sumũha ale,— pamue kuava vopiwa kavele?

OVISILA 23:24

Sapuila va Isareli, huti, Kosãi yepanduvali keteke liatete liosãi yaco ku kala owusa u kola. Eteke liaco li linga lionjivaluko. Onjivaluko yaco yi lalekiwa lolombela. Ku kala efendelo li kola liomanu vosi.

MALAKIYA 2:7

Momo vomela wocitunda mua sesamẽla okutata ukũlĩhĩso. Omanu va sesamẽla oku sanda ocihandeleko cange ci tunda vomẽla waye, momo eye omunga ya Yehova Ukualohoka.

ATENDELO 29:1

Keteke liatete kosãi epanduvali, vu kala lefendelo liowiñi wosi. Eteke liaco ka ci tava oku linga upange wovaka. Eteke liaco li linga eteke lioku sika olombeta.

OVILINGA 15:21

Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.

ESINUMUĨLO 17:18

Tuli a tumãla komangu yusoma waye, o sonẽha ovihandeleko evi velivulu liaye muẽle. O vi sonẽha ndomo vi kasi velivulu liovitunda va Lewi.

YEHOSUA 8:35

Kolondaka viosi Mose a handelekele, layimue ya sialako okuti Yehosua ka yi tangelele ohongele yosi ya Isareli, lakãi, lomãla, lovingendeleyi via tunga pokati kavo.