NEHEMIYA 8:16 - Embimbiliya - Bíblia Sagrada em Umbundu

¹⁶ Oco omanu vosi va tunda, va kopile ovianja viaco ha va tungi ovisala, omunu kilu lionjo yaye, omunu kilu lionjo yaye, kuenda vovitali viavo, kuenda vovitali vionjo ya Suku, kuenda kolusenje luokombundi yovava kuenda kolusenje luokumbundi ya Efarimi.

NEHEMIYA 8:16 Iomraidhean Croise

II SAMUELE 11:2

Ca pita okuti eteke limue kekumbi eci Daviti a pasuka pula waye kuenje wa kala loku ñuala ñuala kilu lionjo yosoma, oku vanja posi wa mõla umue ukãi o kasi loku yua. Ukãi waco wa posoka cimue.

II OLOSOMA 14:13

Yehoasi Soma ya Isareli wa kuatela Amasiya Soma ya Yuda, omõla a Yehoasi omõla a Ahasiya, ko Bete Siemese. Wa enda ko Yerusalãi, kuenje kocimbaka ca Yerusalãi wa lundulako ca soka ovita vikuãla kovikeya, tunde kombundi ya Efarimi toke kombundi yevindi.

II ASAPULO 20:5

Yehosafata wa talama vohongele ya Yuda la Yerusalãi, vonjo ya Yehova, kovaso yocitali cokaliye.

II ASAPULO 33:5

Wa tungila olohoka viosi viokilu ovotala, vovitali vivali vionjo ya Yehova.

NEHEMIYA 12:37

Va enda kombundi yokono ya kala kovaso. Va londa osikata yombonge ya Daviti apa pa lamanela kocimbaka konano yonjo ya Daviti toke oku pitila kombundi yovava kutundilo.

NEHEMIYA 12:39

Noke tua piãla kombundi ya Efarimi, lokombundi yale, lokombundi yolosãi, kuenda kombonge ya Hananele, leyi ya Hameya, toke kombundi yolomeme. Oco veya, va talama kombundi yokaliye.

NEHEMIYA 3:26

kumosi la vakuakuvumba vonembele, olonjo viavo via kala vo Ofele, ovo va semululako toke apa pa imba ovaso kombundi yavava, konele yutundilo, kuenda toke kohondo ya pama ya tungihinyiwako.

NEHEMIYA 8:1

Oco omanu vosi va liongoluila ndomunu umosi polusenje lua imba ovaso kombundi yovava. Va popia la Esera usonehi vati, Nena elivulu liovihandeleko via Mose vina Yehova a handelekele va Isareli.

NEHEMIYA 8:3

Yu wa vi tangela polusenje lua imba ovaso kombundi yovava, tunde komele toke ekumbi pongunji wa vi tangela kovaso alume lakãi la vosi va tẽla oku yevako. Omanu vosi va kala loku yevelela lutate eci ca tangiwa velivulu.

YEREMIYA 19:13

Olonjo viosi via Yerusalãi lolonjo violosoma via Yuda vi liñisiwa, vi vihisua nda Tofete. Momo kalusoka olonjo viaco va timãhãila insensu olohoka viokilu, kuenje va pesila ovilumba vioku nyua olosuku vikuavo.

YEREMIYA 32:29

Kuenje va Kaldea, ava va kasi loku yaka limbo lilo, veya va li temiha loku li yoka. Va yokavo olonjo vina kovailu avio va timãhãlako Baale insensu, haiko va pesila kolosuku vikuavo ovilumba vioku nyua oku ñokela onyeño.

ESINUMUĨLO 22:8

Eci o tunga onjo yokaliye, kolusoka luaco o ñualisako okacimbaka, sanga o vetisa onjo yove eko liosonde nda umue o kupukako.