NEHEMIYA 8:12 - Embimbiliya - Bíblia Sagrada em Umbundu

¹² Oco omanu vosi va enda ha va li loku nyua loku tumisa ovikepa loku linga olofesta vinene, momo olondaka via va tangelua via va lomboloka.

NEHEMIYA 8:12 Iomraidhean Croise

I ASAPULO 29:22

Kuenje keteke liaco, va lia loku nyuila kovaso a Yehova lesanju lia lua. Va vialeka Salomone, omõla a Daviti, onjanja yavali, yu vo wavekela kovaso a Yehova ha lingi osoma, kuenda va waveka Sadoke ha lingi ocitunda.

NEHEMIYA 8:10

Kuenda Esera wa popia lavo hati, Kuendi, ka li evi vi pepa, loku nyua ovinyu vi sosa loku tumisa ovikepa kuava ka va angiliyile cimue, momo etali eteke li kola ku Suku. Ko ka nyumali momo esanju lioku sanjukila Yehova olio ongusu yene.

NEHEMIYA 8:11

Va Lewi lavovo va va lembeleka, vati, Liwekipo oku lisiõsiõla momo etali eteke li kola, oco ko ka sumui ño.

NEHEMIYA 8:13

Eteke liavali akulu vapata osi lovitunda la va Lewi va liongoluila ku Esera usonehi ha va pitulula lutate olondaka viovihandeleko.

ESTER 9:22

Oloneke viaco vivalokaiwa omo ovio oloneke va Yudea va sanga epuyuko kovanyali vavo. Osãi yaco yivalokaiwa omo oyo osãi esumuo liavo lia pongoloka esanju, lokulila ndonambi kua pongoloka epuyuko. Wa handeleka okuti oloneke viaco vi linga oloneke violofesta lonjolela, haivio oloneke vioku tuma olombanjaile omunu lomunu loku eca oviali kolosuke.

YOVI 23:12

Sia sinile ovihandeleko viomẽla waye. Olondaka viomẽla waye nda vi soleka vutima wange.

OLOSAMO 119:111

Ovisila viove nda vi tambula ndocipiñalo ka ci pui. Ovio onjolela yutima wange.

OLOSAMO 119:127

Oco sole ovihandeleko viove, ulu u sule, ndaño ulu wa fina.

OLOSAMO 119:130

Elomboluilo liolondaka viove li eca ocinyi, kuenje li loñoluisa olonjambawa.

OLOSAMO 119:14

Nda yolela onjila yovisila viove ndoku yolela ukuasi wosi.

OLOSAMO 119:16

Sanjukila ovisila viove. Si ivalako ondaka yove.

OLOSAMO 119:171

Omela yange yi ku sivaya momo wa ndongisa ovisila viove.

OLOSAMO 119:174

Nda livela eyovo liove, a Yehova. Ovihandeleko viove ovio esanju liange.

OLOSAMO 119:72

Ovihandeleko viomela wove via mbelelapo, okuti olohũlũkai viulu lopalata vi sule.

OLOSAMO 119:97

Sole simue ovihandeleko viove. Ndukuaku vi sokolola ño-o eteke liosi.

YEREMIYA 15:16

Olondaka viove via sangiwa kuenje nda vi lia. Olondaka viove via linga onjolela yange, havio esanju liutima wange. Momo nda tukuiwa londuko yove, a Yehova, a Suku yolohoka.

LUKA 24:32

Yu va livangula pokati vati, Ovitima vietu ka via tokotele hẽ osimbu a vangula letu vonjila, cina a tu situluila ovisonehua?

VA ROMA 7:18

Momo nda kũlĩha okuti vokati kange, okuti vetimba liange, ka muli cimue ciwa. Oku panga oku linga ciwa nda ndi ci tẽla, puãi oku ci linga, oco si tẽla.

ESITULUILO 11:10

Ava va tunga kilu lieve va yola epembe ovaprofeto vaco vavali, va sanjukila okufa kuavo, va liyolelisako loku liavela olombanjaile, omo ovaprofeto vaco va sakalaisaile ava va tunga kilu lieve.