NEHEMIYA 6:9 - Embimbiliya - Bíblia Sagrada em Umbundu

⁹ Momo vosi va yongola oku tu lingisa usumba vati, Ovaka avo a liweka kupange okuti ko lingiwa vali. Puãi, a Suku, kolisa ovaka ange.

NEHEMIYA 6:9 Iomraidhean Croise

II ASAPULO 15:7

Ene puãi kolisiko, ovaka ene ka a ka lende momo upange wene u kuete onima.

II ASAPULO 32:18

Olondaka Ciaco va vi kaluka lolukandi velimi lia va Yuda komanu va Yerusalãi vana va kala kilu liocimbaka, ha va va saluisa loku va yokokisa, oco va kuate imbo.

ESERA 1:6

Kuenje vosi va kala lavo va va kuatisa lovina viosi, lovikuata viopalata, levi viulu, lolonanga, lovinyama viupange, lovina via tĩla. Kilu liaco va vokiyako olombanjaile viocisola.

NEHEMIYA 6:14

A Suku, linga la Sambalata kuenda Toviya eci ca soka lovilinga viavo, kuenda uprofetisa Noadiya layevo, lovaprofeto vakuavo vana va yonguile oku ndingisa usumba.

OLOSAMO 138:3

Eteke nda vilikiya wa nambulula. Wa luisa ongusu yange yovutima.

OLOSAMO 56:3

Eci njokoka hu kolela.

OLOSAMO 68:35

Suku, Suku ya Isareli, vonembele yaye yi kola o lingisa usumba. O muisa omanu vaye upami lunene. Suku a sivayiwe.

OLOSAMO 71:1

Kokuove, a Yehova, oko nda wunda. Ñuatise okuti lalimue eteke ñutisiwa osõi.

ISAYA 40:29

O kolisa ava va lenda, o vokiya olohõlo ku ka vi kuete.

ISAYA 41:10

Ku ka kuate ohele, momo ñasi love. Ku ka yokoke, momo ndi Suku yove! Ame hu kolisa, hu kuatisa; hu kuata leka liange liondio hailio liesunga.

YEREMIYA 38:4

Oco olombuale via popia la Soma, viti, Tu ku pinga tuti, Tava okuti omunu u ipaiwa, momo poku popia olondaka ndevi o tepulula ongusu yovaka asualali va siala vimbo lilo, leyi yovaka omanu vosi. Momo omunu u ka yongola oku linga ciwa omanu valo te oku va linga cĩvi.

ESEKIELE 30:24

Ñolĩsa ovoko osoma ya Bavulono. Ñapa osipata yange peka liaye; puãi neya ovoko a Fareo, kuenje o kumbaila kovaso aye ndongase ya nyoñamẽla kokufa.

SAKARIYA 10:12

Ame ndi va kolisa longusu ya Yehova kuenje va endela vulamba wonduko yaye. Oco ca popia Yehova.

II VA KORINDO 12:9

Eye puãi wa ñumbulula hati, Ocali cange cu ku tẽla, momo unene wange u loñolohela poku pekengua. Oco sole cimue oku lipandela okupekengua kuange okuti unene wa Kristu u mbuila.

VA EFESO 3:16

Ndi likutilila okuti, ndeci ca soka lukuasi wulamba waye, haico Suku Isietu o kolisi longusu ye Espiritu liaye vovitima viene.

VA EFESO 6:10

Oku sulila ndinga siti, Kolisiko vu Ñala kuenda longusu yunene waye.

VA FILIPOI 4:13

Nẽla ovina viosi vu Kristu u o ñolaisa.

VA HEVERU 12:12

Oco, katuli ovoko a leñela, kolisi olongolo via yonga.

I PETULU 5:10

Kuenje, kovaso yoku tala ohali okasimbu kamue, oco Suku ukuacali cosi, haeye wo kovongeli kulamba waye ka u pui u kasi vu Kristu, eye muẽle o vu kanguisa, haeye o vu tumalisa loku vu pamisa.

I SAMUELE 30:6

Daviti wa sakalala cimue vutima momo omanu vo simila oku u sosola lovawe; omo omanu vosi va nyumãla vovitima, omunu omunu wa nyumalela omala vaye valume lomãla vaye vakãi. Daviti puãi wa likolisa vutima poku imba ovaso ku Yehova Suku yaye.