NEHEMIYA 5:4 - Embimbiliya - Bíblia Sagrada em Umbundu

⁴ Vakuavo vali vati, Tua yekela ovapia etu loviumbo vietu viayuva ha tu feti olisimu.

NEHEMIYA 5:4 Iomraidhean Croise

I OLOSOMA 9:21

omãla vavo vana va sialele vofeka, haivo va Isareli ka va telele oku kundula pe, Salomone wa va konga ha va lingi apika toke etaili lilo.

ESERA 4:13

Oco a Soma, va kulihe okuti imbo liaco nda li tumbuluka, lovimbaka vialio nda vi tungiwa vali, kovaso, omanu vaco ka va tava vali oku feta elisimu pamue oku nena ulambu pamue oku feta owombo, kuenje ombango ya Soma yi tepuluka.

ESERA 4:20

Kuenda imbo liaco lia Yerusalãi lia kala kala lolosoma vinene haivio via viala ofeka yosi yokesinya loku fetisa alisimu loku lambuisa ulambu loku fetisa owombo.

ESERA 7:24

Ndu sapuilivo okuti ovitunda la va Lewi lolonjimbi lolondavululi la vosi vakuakuvumba vonjo yaco ya Suku ka ci tava oku va fetisa alisimu pamue ulambu pamue owombo.

NEHEMIYA 5:3

Vamue vakuavo vati, Tu kasi oku yekela ovapia etu loviumbo vietu lolonjo vietu ha tu sangi okulia pokati konjala eyi.

NEHEMIYA 9:37

Kuenda ovaima ayo a lua a kasi loku enda kolosoma vina wa vi kapa oku tu viala omo akandu etu alua. Va kasi oku tumila atimba etu lovinyama vietu ndocipango cavo. Pokati kaco tu kasi lohali ya lua.

OLOSAPO 22:7

Ohuasi yi viala olosuke; ukuakulevala o linga upika wu u levalisa.

YEHOSUA 16:10

Haimo lumue ka va tundisile va Kanana va kala vo Gesere. Oco va Kanana va tumãla pokati ka va Efarimi toke etaili lilo, puãi va linga apika voku linga upange wocikisika.