NEHEMIYA 4:7 - Embimbiliya - Bíblia Sagrada em Umbundu

⁷ Puãi eci Sambalata la Toviya la va Arabia la va Amoni la va Asidode va yeva ndomo upange woku sakula ovimbaka u kasi oku amako, okuti apangu a fetika oku sitikiwa, oco va tema ca lua,

NEHEMIYA 4:7 Iomraidhean Croise

EFETIKILO 3:15

Ñapa ukuse pokati kene, love lukãi, lo pokati kombuto yove lombuto yaye. Eye o sasõla utue wove, kuenje ove u lumana kocisendemãi.

II OLOSOMA 24:2

Yehova wo katuila ovimuka via va Kaldea, lovimuka via va Suria, lovimuka via va Moavi, lovimuka via va Amoni. Wa vi katuila Yuda oku yi nyõla, ndondaka ya yehova yina a popele lomẽla wovakuenje vaye ovaprofeto.

II ASAPULO 20:1

Kovaso yaco va Moavi la va Amoni la vamue pova Meunimi va katuila Yehosafata ovita.

ESERA 5:8

A Soma, tua tuma oku ku sapuila okuti etu tuaile kofeka ya Yuda, konjo ya Suku o kola. Onjo yaco yi kasi loku tungiwa lovawe anene. Lovinendele vi kasi loku kapiwa kovimano. Upange waco u kasi loku lingiwa lombili, u kasi loku amako muẽle povaka avo.

NEHEMIYA 2:10

Sambalata puãi una u Horoni, kuenda ukuenje Toviya u Amoni eci va ci yeva, va ci suvuka ca lua, okuti umue weya oku kuatisa va Isareli.

NEHEMIYA 2:19

Haimo Sambalata u Horoni, la Toviya, upika u Amoni, la Geseme u Arabia, eci va ci yeva, va tu fuanguila loku tu yola epembe. Va pula vati, Nye eci wu kasi loku linga? Anga wu ñualelapo Soma?

NEHEMIYA 4:1

Eci Sambalata a yeva okuti tu kasi oku tunga ocimbaka, wa tokotelua lonyeno kuenje wa fuanguila va Yudea.

NEHEMIYA 4:6

Oco tua tunga ocimbaka kuenda tua ci sitika, tua ci katula toke pokati lakati, momo omanu va kala lutima woku talavaya.

NEHEMIYA 4:8

kuenje va tumbila pamosi ehala lioku iya oku yakisa Yerusalãi loku tatamisa upange waco.

NEHEMIYA 6:16

Kuenje eci ovanyali vetu vosi va ci yeva oco olofeka via tu ñuala via sakalala ca lua, kuenje via liketisa ca lua, momo va limbuka okuti upange waco wa lingiwa lekuatiso lia Suku yetu.

YEREMIYA 25:20

kuenda omanu vosi vañi vañi va kasi pokati kavo; kuenda olosoma viosi via Usi lolosoma viosi via va Filisiti,— ka Asikelone, ko Gasa, kuenda ke Ekerone, kuenda ocisupe ca Asitote, ke Edome, loko Moavi, kuenda omãla va Amone; olosoma viosi vioko Turo, lolosoma viosi via Sidono kuenda olosoma violofeka viokesinya liokalunga;

YEREMIYA 41:10

Oco Isameli wa ambata olomandekua viosi via siala vo Misipa, okuti omãla va Soma akãi, la vosi va siala vo Misipa, vana Nevusaradana, kesongo liolondavululi via lava elombe, a eca ku Gedeliya, omõla a Ahikama. Isameli, omõla a Netaniya, wa va ambata umandekua, kuenje wa tunda ha endi ku va Amone.

AMOSI 1:13

Ca popia Yehova ceci, hati, Mekonda liolohole vitatu viomãla va Amone, ndaño vikuala, oku tiula eyambulo lialio si kuatako. Momo va tola olomisi via va Gileada ha va amisako ongave yavo muẽle.

AMOSI 1:8

Ñundula olonungi via Asidode. Ñundulavo u o kuete epangati liuviali wa Asikelone. Mongoluila eka liange ke Ekerone. Lava va supa ku va Filisiti va nyõlẽha. Oco ca popia Ñala Yehova.

AMOSI 3:9

Sapuli kolombonge vioko Asuria, lokolombonge viofeka ye Egito, hoti, Liongoluili kilu liolomunda via Samaria. Vanji ovama a kasi vokati kayo, lakangiso a kasimo.

OVILINGA 5:33

Ovo, eci va yeva olondaka evi, va fungula kuenje va yongola oku va ipa.

ESITULUILO 12:17

Oco ocinyoha ca tema lukãi, yu ca enda, ca katuila ovita vakuambuto yaye va supapo, okuti vava va lava ovihandeleko via Suku, kuenje va imbila Yesu uvangi. Kuenje ca talama peseke liokalunga.

I SAMUELE 11:2

Puãi Nahase u Amoni wa popia lavo hati, Cimosi lika ndu kisiki ceci, Ene vosi ndu tofoli ovaso okondio okuti ci kutisa osõi va Isareli vosi. Kovaso yaco oco ndi likuminya lene ndomo ene vu mbumba.