NEHEMIYA 4:2 - Embimbiliya - Bíblia Sagrada em Umbundu

² Eye wa popia la vakuavo kuenda lowiñi wa va Samaria, hati, Va Yudea ovo, va leñela ndoto, va kasi oku linga nye? Va tumbulula hẽ eci ca nyolehele? Anga va lumba? Va ci mala hẽ eteke liongongo? Nda hẽ va nola vali ovawe pokati kolondunda viovimalañanya viaco haivio via pia ale londalu?

NEHEMIYA 4:2 Iomraidhean Croise

ESERA 4:4

Oco omanu vakuafeka va sakalaisa omanu va Yuda loku va talisa ohali osimbu va tunga.

NEHEMIYA 12:27

Kotembo yefendelo lioku tumbika ocimbaka ca Yerusalãi oco va vanjiliya va Lewi kovitumãlo viavo viosi ha va va nena ko Yerusalãi okuti va kala kefendelo liaco lioku tumbika lesanju lolopandu lovisungo kuenda ovisikilo viñi viñi ndeci olosimbalu lolohalupa lotulialia.

NEHEMIYA 12:43

Eteke liaco va lumba ovilumba vinene, kuenje va yolela momo Suku wa va muisa esanju lia lua. Akãi lomãla vatito lavovo va yolela. Lonjolela ya kala vo Yerusalãi ya yevala kupãla.

NEHEMIYA 4:10

Yuda puãi wa popia hati, Ongusu ya vakuakututa ya tepuluka ca lua, kuenda ovimalañanya via lua. Ka tu tẽla oku tunga ocimbaka.

NEHEMIYA 6:15

Oco tua malusula ocimbaka eteke liakui avali latãlo kosãi yElulu, okuti tua peselelako oloneke akui atãlo la vivali.

OLOSAMO 83:4

Va linga vati, Kokeli, tu va nyõli okuti ka va lingi ofeka. Onduko ya Isareli ka yi ka ivalukiwe vali.

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 33:24

Kua limbukile eci ci kasi loku popia omanu ava, vati, Apata avali Yehova a nõlẽle kaliye wa a takumũla?— Oco va sepula omanu vange okuti ka va tendiwa vali ndofeka kovaso avo.

DANIELE 9:25

Oco kulĩha yapa, limbuka okuti tunde poku handeleka oku tumbulula loku tunga Yerusalãi toke pokuiya kua Mesiya, haeye Soma, pa kala olosemana epanduvali kuenda olosemana akũi epandu la vivali. Li tumbuluiwa kumue lolokololo viaco loluvila lua ñuala imbo, puãi kotembo yimue yohali.

HAVAKUKI 3:2

A Yehova, nda yeva oluhimo luove, lupange wove, a Yehova, ndu sumbila. U wamaisa pokati kanyamo. Pokati kanyamo u situlola. Vonyeño ivaluka oku linga ohenda.

SAKARIYA 12:8

Keteke liaco Yehova o teyuila olonungi via Yerusalãi lociteyuilo okuti eteke liaco ndaño ava va leñela pokati kavo va linga nda Daviti. Kuenje kokuavo epata lia Daviti li linga nda Suku, pamue ndungelo wa Suku, oku va songuila.

SAKARIYA 4:10

Momo wosi wa pembula eteke liovina vitito o yolela, kuenje o mõla opulumu peka lia Seruvavele. Epanduvali liaco o-o ovaso a Yehova, ana a ñuala ñuala koluali luosi.

I VA KORINDO 1:27

Puãi Suku wa nola ovina viuveke violuali ha kutisa lavio osõi vakualondunge. Suku wa nola ovina via leñela violuali ha kutisa osõi evi via kola.