NEHEMIYA 2:5 - Embimbiliya - Bíblia Sagrada em Umbundu

⁵ Yu nda kumbulula Soma siti, Nda ca sunguluka ku Soma, kuenda nda ukuenje wove wa sanga ohenda kovaso ove, nda pinga okuti o ngeca si endi ko Yuda, kimbo liayambo olosekulu viange, okuti ndi li tunga vali.

NEHEMIYA 2:5 Iomraidhean Croise

II SAMUELE 14:22

Yoava wa wila posi, wa fendela, kuenje wa panduila Soma. Yoava wa popia hati, Etali, a cime cange Soma, ame ndukuenje wove nda kũliha okuti wa ndi sanjukila omo Soma wa tava kepingilo liukuenje wove.

ESERA 5:17

Oco cilo, a Soma, nda ca ku sunguluka, va tume oku vanjiliya vociseleko covisonehua, cina ci kasi ko Bavulono, nda hẽ ocili Soma Kuro wa tuma oku tunga onjo ya Suku vo Yerusalãi nda ndati. Kovaso yaco Soma a tu sapuileko onjongole yaye kondaka yilo.

NEHEMIYA 2:4

Soma yu wa mula hati, Nye o yongola puãi? Oco nda likutilila ku Suku yokilu.

NEHEMIYA 2:6

Inakulu yu wa tumãla la Soma. Soma wa mula hati, Ungende wove u pesela olosãi viñami? Otembo yipi o tiuka? Soma yu wa tava oku ngeca. Kuenje nda tukula otembo ndeyi nda sima.

ESTER 1:19

Nda Soma o panga, a tume ocihandeleko cusoma, kuenda ci sonẽhiwe pokati kovihandeleko via va Persia la va Media okuti ka ci tava oku ci pongolola. A handeleke, hati, Wasiti ka keye vali ku Soma Ahasuero. Soma a piñalisepo umue wo velapo.

ESTER 5:8

Nda Soma wa sanjukila, kuenda nda ca sunguluka ku Soma oku nyiha eci minga kuenda oku ndingila onjongole yange, Soma hẽla eye kumosi la Hamana kokulia ha va sokiyila kuenje hẽla ha tukula eci Soma a mula.

ESTER 7:3

Kuenje Inakulu Ester wa tambulula hati, A Soma, nda wa sanjukila kuenda nda Soma wa panga, popela omuenyo wange, olio epingilo liange. Popelavo epata liange, oyo onjongole yange.

ESTER 8:5

kuenje Ester wa katuka, wa talama kovaso a Soma. Wa popia hati, Nda ci sanjuisa Soma, kuenda nda Soma wa sanjukila, kuenda nda Soma wa sima hati, Ca sunguluka, kuenda nda utima wa Soma wa njelela, oco ocihandeleko ci sonẽhiwe oku nyõla ovikanda via Hamana, u Agagi, omõla a Hamedata, vina eye a sonẽhela oku nyõla va Yudea va kasi volofeka viosi via Soma.

OLOSAPO 3:4

oco o soliwa, kuenje o sanga oluhimo luwa ku Suku lo komanu.

DANIELE 9:25

Oco kulĩha yapa, limbuka okuti tunde poku handeleka oku tumbulula loku tunga Yerusalãi toke pokuiya kua Mesiya, haeye Soma, pa kala olosemana epanduvali kuenda olosemana akũi epandu la vivali. Li tumbuluiwa kumue lolokololo viaco loluvila lua ñuala imbo, puãi kotembo yimue yohali.

MATEO 23:27

Ene a vakuavisonehua, lene a va Fariseo, wakuambambe, ngongo yene! Momo wa lisoki ndolosonje via sieketiwa ocikela. Kilu via posoka puãi vokati mue yuka akepa omanu va fa leliño liosi.

RUTI 2:13

Oco aye wa linga hati, A cime cange, wa ndingila cimue ca piãla, omo wa ndembeleka, kuenda wa vangula lufeko wove lohenda, ndaño si kasi muẽle ndufeko wove.