NEHEMIYA 2:13 - Embimbiliya - Bíblia Sagrada em Umbundu

¹³ Uteke nda tundila pombundi yokekungu, nda loña kono ya Mbulu lokombundi yokeyala. Nda vanja ovimbaka via Yerusalãi ndomo via teka, lolombundi viaco ndomo via pia londalu.

NEHEMIYA 2:13 Iomraidhean Croise

II ASAPULO 26:9

Usiya wa tungavo olombonge vo Yerusalãi, kombundi yevindi, lokombundi yocimbota, lokevindi liocimbaka, kuenje wa vi pamisa.

NEHEMIYA 1:3

Yu va sapuila vati, Ava va supapo va kasi vofeka yetu okuti ka va ile kumandekua, va kasi lelamba lohali. Ocimbaka ca Yerusalãi lacovo ca teka, lolombundi via pia londalu.

NEHEMIYA 12:31

Oco nda sapuila asongui va Yuda oku londa kocimbaka. Nda sokiya ovisoko vivali vinene viava va imba olopandu, loku enda vovilala. Catete ca pita kocimbaka konele yondio yombundi yokeyala.

NEHEMIYA 2:12

Noke nda votoka pokati kuteke, lame lalume vamue va kala lame. Sia sapuilile umue eci Suku a ñapa vutima oku linga ko Yerusalãi. Ka kua kaile ocinyama cikuavo te eci lika ame nda endela.

NEHEMIYA 2:15

Oco nda vamba konele yokalui, nda tala ocimbaka. Noke nda tiukila, nda iñilila kombundi yokekungu.

NEHEMIYA 2:17

Nda popia lavo siti, Wu lete ndomo tu kasi cĩvi cĩvi, lomo Yerusalãi ya nyolẽha, lolombundi viaco ndomo via pia londalu. Tu endi, tu ka tungi vali ocimbaka ca Yerusalãi oco ka tu ka yoliwe vali epembe.

NEHEMIYA 2:3

Nda popia la Soma siti, Soma a kale ño hũ lomuenyo! Ocipala cange ka ci sumua ndati osimbu imbo liayambo olosekulu viange lia linga elunda, lolombundi viaco via pia londalu?

YEREMIYA 5:10

Piti voviumbo viaye viayuva, vi nyõli, puãi ko ka nyõli cosi. Teyi ovianja viaye momo havia Yehovako.