NEHEMIYA 13:5 - Embimbiliya - Bíblia Sagrada em Umbundu

⁵ wa sokiyila Toviya ohondo yinene muna ale va selakaile ovilumba violomema la insensu, lovikuata, lolonepa viekui violomema, levi viovinyu, levi viulela, vina via handelekelua oku tekula va Lewi lolonjimbi la vakualombundi kuenda vo ovilumba vioku tekula ovitunda.

NEHEMIYA 13:5 Iomraidhean Croise

II ASAPULO 31:11

Oco Hesekiya wa tuma oku angiliya olohondo vonjo ya Yehova, yu va vi angiliya.

II ASAPULO 34:11

Va vi eca kolokalupindelu lokovakuakutunga ha va landi lavio ovawe a songiwa loviti viatokekelo levi vioku linga olohangalo violonjo vina olosoma via Yuda via nyolele.

NEHEMIYA 10:36

Tua tavavo oku tuala konjo ya Suku yetu, okuti, kovitunda vina vi vumba vumba vonjo ya Suku yetu, olonuñulu vietu muẽle levi viovinyama vietu, ndeci ca sonehiwa vovihandeleko, levi vioviunda violomeme lolohombo;

NEHEMIYA 10:37

loku tualavo osema yolomema vionendela, lovilumba vietu, lepako liuti wosi, lovinyu lulela; oku vi tuala kovitunda kolohondo vionjo ya Suku yetu; loku tualavo ku va Lewi onepa yekui yovaima, momo va Lewi ovo va tambola onepa yekui vovaimbo osi omu va lima lima.

NEHEMIYA 10:38

Locitunda, omõla a Arone, o kala la va Lewi eci va Lewi va tambula olonepa viaco viekui; kuenda kolonepa viaco viekui, onepa lonepa, va Lewi va tepako vali onepa yekui, ha va vi tuala konjo ya Suku yetu, kolohondo viombango.

NEHEMIYA 12:44

Eteke liaco va tukula alume va kala kala lupange woku tata olohondo vioku seleka ovilumba lovaima atete lolonepa viekui. Ovo muẽle haivo va tukuiwa oku kongola kovaimbo osi lokovapia aco olonepa via tukuiwa vovihandeleko vioku tekula ovitunda la va Lewi. Momo va Yuda va sanjukila ovitunda la va Lewi va kalako.

NEHEMIYA 13:7

Noke, eci nda pitila vali ko Yerusalãi kuenda nda limbuka ũvi wa linga Eliasivi poku sokiyala Toviya ohondo pokati kolohondo vionjo ya Suku,

ESEKIELE 40:38

Kolongunji violombundi kua kala ohondo yimue lepito liayo. Omo va sukowaila ocilumba coku pia elisi.