NEHEMIYA 13:1 - Embimbiliya - Bíblia Sagrada em Umbundu

¹ Eteke liaco va tangela omanu velivulu lia Mose yu va sanga okuti mua sonehiwa okuti va Amoni la va Moavi lalimue eteke va tẽla oku iñila vekongelo lia Suku,

NEHEMIYA 13:1 Iomraidhean Croise

II OLOSOMA 23:2

Kuenje Soma wa lamanela vonjo ya Yehova kumue lalume vosi va Yuda lolonungi viosi via Yerusalãi, lovitunda, lovaprofeto, lomanu vosi vatito lava vanene. Yu wa va tangela olondaka viosi vielivulu liocisila lina lia sangiwa vonjo ya Yehova.

NEHEMIYA 13:23

Koloneke viaco haivio nda mõla va Yuda va kala loku kuela akãi va Asidode la va Amoni la va Moavi.

NEHEMIYA 2:10

Sambalata puãi una u Horoni, kuenda ukuenje Toviya u Amoni eci va ci yeva, va ci suvuka ca lua, okuti umue weya oku kuatisa va Isareli.

NEHEMIYA 2:19

Haimo Sambalata u Horoni, la Toviya, upika u Amoni, la Geseme u Arabia, eci va ci yeva, va tu fuanguila loku tu yola epembe. Va pula vati, Nye eci wu kasi loku linga? Anga wu ñualelapo Soma?

NEHEMIYA 4:3

Kuenje Toviya u Amoni wa kala laye, yu wa popia hati, Ocili muẽle, leci va kasi loku tunga ndeti nda ombulu yaño yi londako yundumula lulelu ocimbaka cavo covawe.

NEHEMIYA 8:2

Oco eteke liatete kosãi yepanduvali ocitunda Esera wa tumbika ovihandeleko kovaso ohongele yalume lakãi la vosi va kuete ale olondunge vioku yeva.

NEHEMIYA 9:3

Va votoka kuenje va tanga velivulu liovihandeleko via Yehova Suku yavo. Va tepisa eteke olonepa vikuãla. Onepa yimue va tanga velivulu lia Yehova Suku yavo. Onepa yikuavo va litavela loku fendela Yehova Suku yavo.

ISAYA 34:16

Vanjiliyi velivulu lia Yehova loku tangamo. Pokati kevi viosi lacimue cimosi ci kambapo; lacimue ci kamba ukuavo. Momo omẽla wa Yehova wa ci handeleka, kuenje Espiritu liaye lia vi ongolola.

YEREMIYA 48:1

Owanji waimbiwila Moavi. Ca popia Yehova Ukualohoka, Suku ya Isareli, ceci, hati, Nevo lia nyõlẽha, ngongo yalio! Kiriyatayi lia kutisua osõi, kuenje lia kuatiwa. Ombonge ya kutisua osõi kuenje ya teyiwa.

AMOSI 1:13

Ca popia Yehova ceci, hati, Mekonda liolohole vitatu viomãla va Amone, ndaño vikuala, oku tiula eyambulo lialio si kuatako. Momo va tola olomisi via va Gileada ha va amisako ongave yavo muẽle.

ATENDELO 22:5

Wa tuma olomunga oku kovonga Baliame, omõla a Beore, ko Petore, imbo li kasi ocipepi l' Olui vofeka ya va Amoni. Wa popia hati, Tala, kueya, omanu va tunda ve Egito, lofeka yosi ye yuka omanu vaco. Oku tunga va suñama lame.

LUKA 10:26

Yesu wo kumbulula, wo pula hati, Vovihandeleko he, mua sonehiwa nye? O tangamo ndati?

OVILINGA 13:15

Kovaso yoku tanga ovihandeleko lovaprofeto oco akulu vosunangonga va tuma kokuavo vati, Akuetu, nda vu kuete ondaka yoku lungula, kundi ño.

OVILINGA 15:21

Momo, tunde kosiahũlu, vovaimbo osi, mua kala kala ava va lombolola Mose, momo ovisonehua viaye vi tangiwa volosunangonga asambata osi.