NEHEMIYA 11:3 - Embimbiliya - Bíblia Sagrada em Umbundu

³ Asongui vofeka va tunga vo Yerusalãi vava: Kovaimbo a Yuda vosi va tunga, omunu posi yaye, omunu posi yaye, kovaimbo avo muẽle, va Isareli lovitunda, la va Lewi loloñuatisi viupange wonembele, lapata apika a Salomone.

NEHEMIYA 11:3 Iomraidhean Croise

ESERA 2:1

Olondaka vi kuãiko vi sapula okutendiwa kuomanu vakuafeka ya Yuda, ava va endele ko Bavulono umandekua okuti vambatiwile la Nevukandesa, Soma ya Bavulono, kuenje noke va tunda ko Bavulono, va tiukila ko Yerusalãi loko Yuda, omunu kimbo liavo, omunu kimbo liavo.

ESERA 2:43

Vakuakuvumba onembele va kala ndomo: Omãla valume va Ciha lomãla valume va Hasufa kuenda omãla valume va Tabaote,

ESERA 2:70

Ovitunda kuenda va Lewi lomanu vamue va noliwa va kala vo Yerusalãi lovovikanjo viayo. Olonjimbi lolondavululi lakuenje vakuakuvumba vonembele va kala vovaimbo avo. Va Isareli vosi va kala vovaimbo avo.

NEHEMIYA 11:20

Ava va supapo ku va Isareli vosi kuenda kovitunda la va Lewi, ovo va kala kovaimbo osi a Yuda, u kocipiñalo caye, u kocipiñalo caye.

NEHEMIYA 11:4

Haimo vamue va Yuda kuenda vamue va Benjamini va tunga vo Yerusalãi. Va Yuda vava: Ataya omõla a Usiya, omõla a Sakariya, omõla a Amariya, omõla a Siefatiya, omõla a Mahalalele. Ovo va tiama kepata lia va Peresi.

NEHEMIYA 7:39

Apata ovitunda ya: Epata lia Yedaya, ukuambuto ya Yesiua, ovita ecea kakui epanduvali la vatatu.

NEHEMIYA 7:43

Va Lewi vava: Epata lia Yesiua la Kadimiyele vakuepata lia Hodewa akui epanduvali la vakuãla.

NEHEMIYA 7:46

Vakuakutata onembele vava: Apata a Ciha la Hasiufa la Tabaote

NEHEMIYA 7:6

Va Yuda va tunda kumandekua, okuti vana va ambatiwile la Nevukandesa, noke va tiuka ko Yerusalãi loko Yuda, u kimbo liavo, u kimbo liavo, vava:

NEHEMIYA 7:7

Ava veya la Seruvavele, vava: Yesiua, Nehemiya, Asariya, Raamiya, Nahamani, Moridekai, Bilisiana, Misiperete, Bigvai, Nehuma la Baana. Omanu vosi va Isareli va soka ndomo:

NEHEMIYA 7:73

Kaliye ovitunda la va Lewi la vakualombundi lolonjimbi lomanu vamue la vakuakutata onembele la va Isareli vosi va kala vovaimbo avo muele. Eci ca tẽla osãi yepanduvali va Isareli vovaimbo avo muẽle haimo va kala.