NEHEMIYA 1:9 - Embimbiliya - Bíblia Sagrada em Umbundu

⁹ Puãi nda wu tiuka kokuange ha wu tati ovihandeleko viange loku vi linga, omanu vene vana va lisandula, ndaño va enda kupãlapãla, haimo ndi ka vopako loku va nena vali kocitumãlo cina nda nolẽla onduko yange.

NEHEMIYA 1:9 Iomraidhean Croise

I OLOSOMA 8:48

nda va kondokela kokuove lutima wavo wosi lomuenyo wavo wosi vofeka yovanyali vavo vana va va tuala kumandekua, kuenje nda va likutilila loku imba ovaso kofeka yavo, yina wa ecele kolosekulu viavo, lokimbo lina wa nola lokonjo nda tungila onduko yove;

I OLOSOMA 9:3

Oco Yehova wa popia laye hati, Nda yeva ohutililo yove lelombelo liove wa lombela kovaso ange. Nda kolisa onjo yilo ove wa tunga, si kapimo onduko yange otembo ka yi pui, kuenje ovaso ange lutima wange vi kalamo ño hũ.

I ASAPULO 16:35

Popi hoti, Tu popele, a Suku yeyovo lietu. Tu ongolole, tu popele kolofeka, ha tu pandula onduko yove yi kola, ha tu ulula loku ku sivaya.

ESERA 6:12

Oco Suku una wa kemalisa onduko yaye vofeka yaco a nyõle osoma yosi pamue ofeka yosi yi seteka oku pongolola ocihandeleko eci, pamue oku nyõla onjo ya Suku yi kasi vo Yerusalãi. Ame, Soma Dariu, ame nda imba oluiya luaco. Cosi ci lingiwe muẽle.

OLOSAMO 106:47

A Yehova, a Suku yetu, tu popele. Tu ongolole loku tu upa kolofeka ha tu pandula onduko yove yi kola, loku ku sivaya lonjolela.

OLOSAMO 107:3

Wa vongolola kolofeka, kutundilo lo kutakelo, ko Norte lo ko Sul.

OLOSAMO 147:2

Yehova o tumbulula Yerusalãi, haeye ongolola va Isareli va takumũha.

ISAYA 11:12

Ikila olofeka epandela ha konguisa va Isareli va tundisilue, loku ongolola va Yuda va sandokalaile kolonẽle vikuãla violuali.

ISAYA 27:12

Keteke liaco Yehova o sasa otiliku yaye tunde kolui Ferati toke kolui lue Egito, kuenje vu nõlĩwa umue, umue, ene a va Isareli.

ISAYA 56:8

Ñala Yehova, u ongolola va Isareli va sandoka, wa popia hati, Ngongoluila kokuaye vakuavo oku va vandeka kuava vongoluiwa ale.

YEREMIYA 12:15

Noke, eci nda va tukũla ale, oco ndi va kuatela ohenda, ndi va nena vali omanu vosi, omunu kocipiñalo caye, omunu kocipiñalo caye, omunu kofeka yavo, omunu kofeka yavo.

YEREMIYA 3:14

Yehova wa popia hati, Amãla vakualukonyo, tiuki, momo ame cime cene. Njupa kimbo umue kimbo umue, kepata vavali kepata vavali, kuenje ndu u tuali ko Siono.

YEREMIYA 31:10

Ene alofeka, yevi ondaka ya Yehova kuenje yi sapuli kolofeka viokokalunga vi kasi kupãla. Popi hoti, U wa sanduile Isareli haeye u wongolola, kuenje u lava ndeci ungombo a lava lava ocunda caye.

YEREMIYA 32:37

Tala, ndi vongolola kolofeka viosi oko nda va sanduilile eci nda temele loku va kuatela onyeño locikumbiti ca lua. Ndi va nena vali kocitumãlo cilo, ndi va tungisa ciwa kuenje va koka.

YEREMIYA 6:22

Ca popia Yehova ceci, hati, Amõla a Siono ukãi, tala, omanu va tunda kofeka yoko Norte vo veya. Ofeka yinene yi katuiwa kasulilo oluali.

ESEKIELE 14:6

Oco popia lepata lia Isareli huti, Ca popia Yehova Suku ceci, hati, Tiuki. Imbipo oviteka viene. Tinduli ovipala viene kovombondo ene osi.

ESEKIELE 36:24

Kuenje ndu wupi pokati kapata. Ndu wongololi kolofeka viosi. Ndu neni vofeka yene muẽle.

OVISILA 26:3

Nda wendaendi lovisila viange loku patekela ovihandeleko viange ho vi lingaingi,

SAKARIYA 8:7

Ca popia Yehova Ukualohoka ceci, hati, Tala! Mopela omanu vange. Ndi vopa kofeka yokutundilo lokofeka yokutakelo.

MATEO 24:31

O tuma ovangelo vaye londaka ya lua yolumbeta, kuenje vongolola ava vaye va noliwa tunde kolofela vikuãla, tunde kesulilo lilu toke kesulilo likuavo.

ESINUMUĨLO 12:21

Nda ocitumãlo Yehova, Suku yove, a nolela onduko yaye, ci kasi kupãla love, ci tava oku upa kovinyama Yehova a ku iha. Ndeci nda ku sapuila, ci tava oku ipaya kocunda cove colongombe pamue kocunda colomeme. Kuenje vovaimbo ene muẽle ci tava oku lia ositu ndeci utima wove u sole.

ESINUMUĨLO 12:5

Puãi pokati kovitumãlo viosi viapata ene osi, vu vanjiliyapo ocitumãlo Yehova, Suku yene, a nola oku tungisilako onduko yaye onjo yoku kala.

ESINUMUĨLO 30:1

Eci ovina viosi viesumũlũho lesiñalo, evi ñasi oku ku sapuila, vi ku wila, leci ove o vivaluka volofeka viosi muna Yehova, Suku yove, a ku sanduila,