NEHEMIYA 1:6 - Embimbiliya - Bíblia Sagrada em Umbundu

⁶ ovaso ove a vanje; ovatui ove a yevelele hu yevelela ohutililo yukuenje wove ñasi oku likutilila kokuove lutanya luteke. Ñasi oku likutililila va Isareli, akuenje vove, haime ndi litavela akandu a va Isareli tua ku lueyela. Ndaño ame, ndaño epata liolosekulu viange, vosi tua lueya.

NEHEMIYA 1:6 Iomraidhean Croise

I OLOSOMA 8:30

Yeva elombelo liukuenje wove leli liomanu vove va Isareli, eci va likutilila loku imba ovaso konjo yilo. Kocitumãlo cove kilu, tava oku yeva, kuenje eci o yevako, ecela.

I OLOSOMA 8:47

haimo nda vofeka yumandekua wavo va litiulamo ha va pongoloka loku lomba kokuove vofeka yava va va tuala kumandekua, ha vati, Tua linga ekandu, tua lueya, tua linga emande!—

II ASAPULO 28:10

Kaliye va Yuda la va Yerusalãi, wa simi oku va lingisa apika vene valume lava vakãi. Puãi ene muẽle, ka wa lueyeleli hẽ Yehova Suku yene?

II ASAPULO 29:6

Momo olosekulu vietu via lueya, via linga eci cĩvi kovaso a Yehova Suku yetu. Vo yanduluka, ocitumãlo ca Yehova va cimba ekosi kuenda va cimba onyima.

II ASAPULO 6:40

Kaliye, a Suku yange, ovaso ove a patuluke, lovatui ove a yevelele kohutililo yovocitumaĩo cilo.

ESERA 10:1

Osimbu Esera a kala loku likutilila loku litavela loku lila loku likekemba kovaso yonjo ya Suku, owiñi wa va Isareli wongolokela kokuaye, alume lakãi lomãla. Omanu vosi va lila calua.

ESERA 10:11

Cilo kaliye, litaveli ku Yehova, Suku yolosekulu viene. Lingi ocipango caye. Litepi la vakualofeka lakãi vaco.

NEHEMIYA 1:11

A Yehova, etui liove li yevelele ohutililo yukuenje wove leyi yakuenje vove vosi va sole oku sumbila onduko yove. Sumulũisa ukuenje wove etali. U linga ohenda kovaso omunu u. Ca kala okuti kotembo yaco ame ndukuakopo ya Soma.

OLOSAMO 102:17

O yeva ohutililo yolosuke. Ka pembula alombelo avo.

OLOSAMO 106:6

Etu lolosekulu vietu, vosi tua linga akandu. Tulondingohõle, tua linga evi vĩvi.

OLOSAMO 130:2

A Yehova, yeva ondaka yange. Ovatui ove a yevelele kondaka yalombelo ange.

OLOSAMO 32:5

Nda likekembela kokuove ekandu liange. Ongole yange sia yi limbikile. Nda linga siti, Ndi likekembela ku Yehova okulueya kuange, kuenje wa njupa evĩho liekandu liange.

OLOSAMO 34:15

Ovaso a Yehova a vanja vakuesunga, o vonguila ovatui aye kevilikiyo liavo.

OLOSAMO 55:17

Loñolosi lomele lekumbi pongunji ndi litetela loku lisiõsiõla, kuenje o yeva ondaka yange.

OLOSAMO 88:1

A Yehova Suku yange, utanya hu vilikiya okuti o ñuatisa. Luteke le ndi likutilila kokuove.

ISAYA 6:5

Oco nda linga siti, Ngongo yange we, nda nyõlẽha momo ndukuamẽla wevĩho, ame ñasi pokati kavakuavimẽla vievĩho; omo ovaso ange a mõla Soma, Yehova Ukualohoka.

ASIÕSUILO 5:7

VoTate va lingile akandu, yu kaveko vali, letu tua lundikiwa lakandu avo.

DANIELE 9:15

Kaliye a Yehova Suku yetu, ove wopa omanu vove kofeka y'Egito leka lia kola kuenje wa limuĩsa onduko ya kemãla, ndomo ci mõlẽha etali; ocili tua linga ekandu, tuakuevĩho.

DANIELE 9:20

Nda kala handi loku popia loku lomba loku litavela ekandu liange kuenda ekandu liepata liange va Isareli, loku likutilila ku Yehova Suku yange mekonda liomunda yi kola ya Suku yange.

DANIELE 9:4

Nda likutilila ku Yehova Suku yange, nda litavela siti, A Yehova, vu Suku unene haive wa sumbiwa, haive o lemũlũla ocisila lohenda kuava va ku sole loku lava ovihandeleko viove.

DANIELE 9:5

Tua linga ekandu kuenda tua linga olohole. Tuakuevĩho, kuenje tua sina loku pambuka kovihandeleko viove lokoviholo viove.

DANIELE 9:8

A Yehova, kokuetu ku tiamẽla osõi, kolosoma vietu, lokasongui vetu lokovakukululu vetu, momo tua ku lingila ekandu.

LUKA 18:7

Suku hẽ, ka tetuluila lesunga vaye va noliwa, ava vo vilikaiya utanya luteke? O tutuvala ño-o oku va tetuluila lesunga?

LUKA 2:37

yu wa kala ocimbumba toke wa tẽla akui ecelãla kanyamo kanyamo akuãla. Ka tundile vali vonembele puãi wa fendelamo ño-o uteke lutanya loku likandangiya okulia loku likutilaila.

VA EFESO 2:3

Letuvo tua kaile vakuesino eci tua lingaile oloñeyi vietimba. Tua lingainga ocipango cetimba leci covisimilo viutima, okuti letuvo tua sesamelele onyeño ndomanu vakuavo.

I TIMOTEO 5:5

Ocimbumba ca suka ocili, haico ca siala ulika, ci lavoka lika ku Suku, kuenje ci pandikisa lapingilo lolohutililo uteke lutanya.

II TIMOTEO 1:3

Eci hu ivaloka volohutililo viange, mandola Suku, u ñasi loku vumba lutima wa pua eko, ndeci ca linga olosekulu viange.

I YOANO 1:9

Nda tu likekembela akandu etu loku a sapula, eye ukuacili, haeye ukuesunga, o tu ecela akandu etu, kuenje o tu yelisa kavĩho osi.

I SAMUELE 15:11

Nda livela omo nda nola Saulu oku linga osoma, momo wa liweka oku ñuama loku pokola kovihandeleko viange. Samuele yu wa tema kuenje wa likutilila ku Suku uteke wosi.