NEHEMIYA 1:5 - Embimbiliya - Bíblia Sagrada em Umbundu

⁵ Nda popia siti, A Yehova, Suku yokilu, ove Suku enene, haive o kola, haive o telãisa ocisĩla cove cohenda kokuava vosi va ku sole haivo va lingainga ovihandeleko viove;

NEHEMIYA 1:5 Iomraidhean Croise

I OLOSOMA 8:23

kuenje wa popia hati, A Yehova Suku ya Isareli, ndaño kilu ndaño posi ka kuli Suku wa lisoka love, wukuakulava ocisila, haive wukuahenda ka yi pongoloka lovakuenje vove vana va endaila kovaso ove lutima wavo wosi.

I ASAPULO 17:21

Kilu lieve epata li pi lia lisoka lomanu vove va Isareli, vana Suku a endele oku va yovola ha va lingi omanu vaye, onduko yove ha yi kemala lovikomo viene vi koka usumba, loku tundisa olofeka kovaso omanu vove vana wa yovola kEgito?

ESERA 1:2

Ca popia Kuro; Soma yoko Persia, ceci, hati, Yehova, Suku yovailu, wa nyiha olofeka viosi violuali, haeye wa nyihavo ocikele coku u tungila onjo ko Yerusalãi yo vo Yuda.

NEHEMIYA 2:4

Soma yu wa mula hati, Nye o yongola puãi? Oco nda likutilila ku Suku yokilu.

NEHEMIYA 4:14

Kuenje eci nda limbuka okuti va kasi lusumba oco nda vangula lomanu vanene lasongui lomanu vosi, siti, Ko ka va yokokeli. Ivaluki Yehova okuti onene, haeye o kola, oco wu yakeliko vamanjene lomãla vene valume lomãla vene vakãi lakãi vene lolonjo viene.

NEHEMIYA 4:8

kuenje va tumbila pamosi ehala lioku iya oku yakisa Yerusalãi loku tatamisa upange waco.

NEHEMIYA 9:32

Kaliye, a Suku yetu, wu Suku ukuonene, o linga usumba, haive o tẽlaisa ocisila cocisola ka ci pongoloka, ku ka tende ndocina cimue citito ohali yaco yalua ya tu veta, etu lolosoma vietu lolombuale vietu lovitunda vietu lovaprofeto vetu lolosekulu vietu kuenda omanu vove vosi, tunde koloneke violosoma via Asuria toke ketali lilo.

OLOSAMO 47:2

Momo Yehova Tõlo o linga usumba, haeye osoma yinene yi viala oluali luosi.

OLOSAMO 76:8

Kilu o kasi wa yevalisa onimbu yove, Oluali lua yokoka kuenje luoha,

OLOSAMO 89:2

Nda linga siti, Ocisola ka ci pui ci kolisua ñ-o hũ. Kilu o kolisa ocili cove.

OLOSAMO 89:3

Nda likuminya ohuminyo lu nda nola. Nda lisinga lukuenje wange Daviti,

OLOSAMO 89:8

A Yehova Suku yolohoka, helie wa lisoka love kunene, a Yehova? Ocili cove ca ku ñuala.

ETUNDILO 20:6

puãi sola locisola ka ci pongoloka olohulukãi viava va sole haivo va linga ovihandeleko viange.

ESINUMUĨLO 7:12

Kuenje omo vu yeva oviholo evi oku vi lava loku vi linga oco Yehova Suku o vu lemũlũila ocisila a lisila lolosekulu viene, kuenje o tẽlisa ohuminyo yaye yoku vu sola locisola ka ci pongoloka.

ESINUMUĨLO 7:21

Ka vu va kuatela vali ohele momo Yehova, Suku yene, o kasi lene. Suku yene eye Suku ukuonene, haiye o lingisa cimue usumba.

ESINUMUĨLO 7:9

Oco limbuki okuti Yehova Suku yene, eye muẽle Suku, eye Suku o kolelua haeye Suku o lemũlũla toke kohulũkãi yovitumbulukila ocisila a lisila lava vo sola loku lava ovihandeleko viaye, kuenje haeye Suku o va sola locisola ka ci pongoloka.