NEHEMIYA 1:4 - Embimbiliya - Bíblia Sagrada em Umbundu

⁴ Eci nda ci yeva nda tumala, nda lila loku litetela oloneke vimue. Nda likandangiya okulia loku likutilila ku Suku yokilu.

NEHEMIYA 1:4 Iomraidhean Croise

II SAMUELE 12:16

Daviti wa likutililila ku Suku omõlaco. Daviti wa likandangiyavo okulia, wa iñila, wa pekela posi uteke wosi.

II OLOSOMA 22:19

Omo utima wove ka wa sivile kuenje wa liketisa kovaso a Yehova eci wa yeva ondaka nda popela imbo lilo lava va tungamo ndokuti va linga ndelunda lesiñalo, kuenda omo wa tola uwalo wove loku lilila kovaso ange, oco lamevo nda ku yeva. Oco ca popia Yehova.

II ASAPULO 6:13

Salomone wa tungile ocimbulumbumba cosipi. Okulepa kuaco kua soka ovikeya vitãlo, upati waco ovikeya vitãlo, lusovi ovikeya vitatu. Wa ci kapele vokati kocitali, kuenje wa talama kilu liaco, Noke wa kekama kolongolo viaye kovaso ohongele yosi ya Isareli, yu woluĩla ovoko aye vilu,

ESERA 1:2

Ca popia Kuro; Soma yoko Persia, ceci, hati, Yehova, Suku yovailu, wa nyiha olofeka viosi violuali, haeye wa nyihavo ocikele coku u tungila onjo ko Yerusalãi yo vo Yuda.

ESERA 10:1

Osimbu Esera a kala loku likutilila loku litavela loku lila loku likekemba kovaso yonjo ya Suku, owiñi wa va Isareli wongolokela kokuaye, alume lakãi lomãla. Omanu vosi va lila calua.

ESERA 9:3

Eci nda ci yeva nda tola ombinja yange lonanga yange. Nda tukũla ocifuko cange lolonjele viange, kuenje nda tumãla loku saluka.

ESERA 9:5

Kotembo yocilumba coñolosi nda votoka tupu ombinja lonanga via toka ale, kuenje nda kekama kolongolo loku oluila ovaka ku Yehova Suku yange.

NEHEMIYA 2:20

Puãi nda tambulula siti, Suku yokilu eye o tu kuatisa, oco etu tuakuenje vaye tu fetika oku tunga. Ene puãi ka wu kuete cimue, pamue omoko yimue, ndaño onjivaluko, vo Yerusalãi.

NEHEMIYA 2:4

Soma yu wa mula hati, Nye o yongola puãi? Oco nda likutilila ku Suku yokilu.

OLOSAMO 102:15

Olofeka vi sumbila onduko ya Yehova. Olosoma viosi viokilu lieve vi sumbila ulamba wove.

OLOSAMO 136:26

Panduli Suku ukuailu, momo ohenda yaye ka yi pui.

OLOSAMO 137:1

Kolondui via Bavulono oko tua tumãla. Tua lila eci tua ivaluka Siono.

DANIELE 10:2

Koloneke viaco, ame ndi Daniele, nda kala ndocikuluwiya olosemana vitatu ombulu.

DANIELE 2:18

oco va lombe ku Suku yokilu mekonda lielumbu liaco, kuenda oco Daniele la vakuavo ka va ka nyolẽhe kumue lolonoño viosi vikuavo vio ko Bavulono.

DANIELE 9:3

Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

YONA 1:9

Kuenje wa va kumbulula hati, Ame ndu Heveru. Nda sumbila Yehova Suku yovailu, haeye wa tunga okalunga losi.

SOFONIYA 3:18

ndeci keteke liofesta. Ndi ku upa enyõlẽho, oco ku lavisua vali.

VA ROMA 12:15

Yoleli lava va yolela, lili lava va lila.