NEHEMIYA 1:3 - Embimbiliya - Bíblia Sagrada em Umbundu

³ Yu va sapuila vati, Ava va supapo va kasi vofeka yetu okuti ka va ile kumandekua, va kasi lelamba lohali. Ocimbaka ca Yerusalãi lacovo ca teka, lolombundi via pia londalu.

NEHEMIYA 1:3 Iomraidhean Croise

I OLOSOMA 9:7

oco Isareli vofeka nda va ihĩle, ndu sonjamo, kuenda onjo yilo yina nda kolisila onduko yange, ndi yi takumula kovaso ange, londuko ya Isareli yi linga ndolusapo kuenda ndepembe pokati kolofeka viosi.

II OLOSOMA 25:10

Olohoka viosi via va Kaldea, vina via kala la kesongo kasualali velombe, via leñula ovimbaka viosi via Yerusalãi.

II ASAPULO 36:19

Va yoka onjo ya Suku, va kupula ocimbaka ca Yerusalãi, kuenje ayemba aco osi va a imba ondalu, loku nyõla ovikuata viosi via tĩla.

ESERA 2:1

Olondaka vi kuãiko vi sapula okutendiwa kuomanu vakuafeka ya Yuda, ava va endele ko Bavulono umandekua okuti vambatiwile la Nevukandesa, Soma ya Bavulono, kuenje noke va tunda ko Bavulono, va tiukila ko Yerusalãi loko Yuda, omunu kimbo liavo, omunu kimbo liavo.

ESERA 5:8

A Soma, tua tuma oku ku sapuila okuti etu tuaile kofeka ya Yuda, konjo ya Suku o kola. Onjo yaco yi kasi loku tungiwa lovawe anene. Lovinendele vi kasi loku kapiwa kovimano. Upange waco u kasi loku lingiwa lombili, u kasi loku amako muẽle povaka avo.

NEHEMIYA 11:3

Asongui vofeka va tunga vo Yerusalãi vava: Kovaimbo a Yuda vosi va tunga, omunu posi yaye, omunu posi yaye, kovaimbo avo muẽle, va Isareli lovitunda, la va Lewi loloñuatisi viupange wonembele, lapata apika a Salomone.

NEHEMIYA 2:13

Uteke nda tundila pombundi yokekungu, nda loña kono ya Mbulu lokombundi yokeyala. Nda vanja ovimbaka via Yerusalãi ndomo via teka, lolombundi viaco ndomo via pia londalu.

NEHEMIYA 2:17

Nda popia lavo siti, Wu lete ndomo tu kasi cĩvi cĩvi, lomo Yerusalãi ya nyolẽha, lolombundi viaco ndomo via pia londalu. Tu endi, tu ka tungi vali ocimbaka ca Yerusalãi oco ka tu ka yoliwe vali epembe.

NEHEMIYA 2:3

Nda popia la Soma siti, Soma a kale ño hũ lomuenyo! Ocipala cange ka ci sumua ndati osimbu imbo liayambo olosekulu viange lia linga elunda, lolombundi viaco via pia londalu?

NEHEMIYA 7:6

Va Yuda va tunda kumandekua, okuti vana va ambatiwile la Nevukandesa, noke va tiuka ko Yerusalãi loko Yuda, u kimbo liavo, u kimbo liavo, vava:

ESTER 1:1

Soma Ahasuero wa viala tunde ki India toke ke Etiopia. Wa viala olofeka ocita lukui avali lepanduvali.

OLOSAMO 79:4

Tua linga ovisepeleyi kuava va lisungue letu. Ava va tu ñuala va tu fuanguila loku tu yola epembe.

OLOSAPO 25:28

Omunu ka tẽla oku likandangaya wa soka ndimbo lia papuluka, ka li kuete ocimbaka.

ISAYA 43:28

Oco nda liñisa ovasongui vocitumãlo ci kola, nda ecele Yakoba okuti o nyolẽha pe, kuenda Isareli okuti o pembuiwa.

ISAYA 5:5

Kaliye ndu sapuili eci ndinga locumbo cange cayuva. Njupako olumbo luaco kuenje ci liwa; ngulumũla ocimbaka caco kuenje ci kosiwa.

YEREMIYA 24:9

Ndi va lingisa vakualuhimo lu yokokisa ovosoma osi okilu lieve, okuti va pembuiwa, va sepuiwa, va linga ongombe yomãla kuenje va siñaliwa volofeka viosi omu ndi va sanduila.

YEREMIYA 29:18

Ndi va hanga losipata kuenda onjala lefengi. Ndi va lingisa vakualuhimo lu yokokisa olofeka viosi viokilu lieve. Va siñaliwa okuti va yokokisa kuosi. Va yoliwa epembe loku kutisua osõi lolofeka viosi oko nda va sanduila.

YEREMIYA 39:8

Va Kaldea va yoka londalu onjo ya Soma lolonjo viomanu, kuenje volumula ovimbaka via Yerusalãi.

YEREMIYA 42:18

Momo, ca popia Yehova Ukualohoka, Suku ya Isareli, ceci, hati, Ndeci onyeño yange kuenda ocikumbiti cange via peseliwila kolonungi via Yerusalãi, haico ocikumbiti cange cu pesiliwili nda wendi ke Egito. Kuosi wendi vu koka onyanya. Oluhimo luene luvi lu yokokisa vosi. Vu siñaliwa loku yoliwa epembe. Ka vu mõli vali ocitumãlo cilo.

YEREMIYA 5:10

Piti voviumbo viaye viayuva, vi nyõli, puãi ko ka nyõli cosi. Teyi ovianja viaye momo havia Yehovako.

YEREMIYA 52:14

Kuenje olohoka viosi via va Kaldea via kala lakesongo liavakuakulava via papulula ovimbaka viosi via ñuala Yerusalãi.

ASIÕSUILO 1:7

Keteke liolohali viayo lupongo wayo Yerusalãi wa ivaluka ovina viaye via posoka, vina a kala lavio tunde nunde. Eci omanu vaye va kuatiwa lovanyãli, kuenje oñuatisi ka kua kaile, oco ovanyãli vaye vo yola epembe; eci a kupuka vo fuãnguila.

ASIÕSUILO 2:9

Olombundi viaco via nyolẽha. Wa teya olomimbiliko viaco loku vi nyõla. Soma yavo lomãla vaye va sandokaila kolofeka viñi viñi. Ocihandeleko ca imũha. Ovaprofeto ka va mõli vali ovinjoinjoi via Yehova.

ASIÕSUILO 3:61

Wa yeva, a Yehova, okufuãngula kuavo, lomo va numbaika olongombo.

ASIÕSUILO 5:1

Ivaluka, a Yehova, eci tua pita laco. Tala hu vanji epembe lia tu sanga.

OVISILA 26:31

Ndingisa ovaimbo ene alunda. Nyõla ovitumãlo viene vi kola kuenda si tava oku lehũla uwa walemba ene.

OVISILA 26:33

Kuenje ndu sanduili volofeka loku vu polela osipata. Ofeka yene yi linga ekalasoko, lovaimbo ene alunda.