NEHEMIYA 1:10 - Embimbiliya - Bíblia Sagrada em Umbundu

¹⁰ Ava, ovo akuenje vove, haivo omanu vove vana wa yovola lunene wove wa lua leka liove lia pama.

NEHEMIYA 1:10 Iomraidhean Croise

OLOSAMO 136:12

leka lia pama, lokuokuo kuoloha, momo ohenda yaye ka yi pui.

OLOSAMO 74:2

Ivaluka omanu vove wa limuisa konahulu, haivo wa va yovola ha va lingi epata liocipiñalo cove. Ivaluka omunda Siono omu wa tunga.

OLOSAMO 89:14

Esunga loku sunguluka ovio ociseveto cocalo cove. Ocisola ka ci pui kuenda ocili vi ku pitaila kovaso.

ETUNDILO 13:14

Noke kovaso, eci omõla a pula hati, Eci ca lomboloka ndati? ove unjali u lomboluila huti, Yehova wa tupa ve Egito, vonjo yupika, leka lia pama.

ETUNDILO 13:16

Ci linga ndondimbukiso yopeka liove pamue ndonjivaluko yokocipala cove. Momo Yehova wa tu upa ve Egito leka lia pama.

ETUNDILO 13:3

Mose yu wa popia lomanu vaco hati, Ivaloki eteke lietaili omo olio eteke wa tundi vofeka ye Egito, vonjo yupika, momo Yehova wo wupimo longusu yeka liaye. Ka ci tava oku lia ombolo yi kuete etumbisa.

ETUNDILO 13:9

Cu lingili ndondimbukiso yopeka pamue ndonjivaluko yokocipala, okuti ocihandeleko ca Yehova ci kala vovimẽla viene. Omo Yehova wo wupili ve Egito leka lia pama.

ETUNDILO 15:13

Wa songuila locisola ka ci pongoloka omanu wa yovola. Wa va endisa longusu yove toke kocitungilo cove ci kola.

ETUNDILO 32:11

Puãi Mose wa livondela la Yehova, Suku yaye, hati, A Yehova, onyeño yove yi wengukilila nye omanu vove wopa vofeka ye Egito lolohõlo via lua leka lia pama?

ETUNDILO 6:1

Yehova yu wa popia la Mose hati, Kaliye o mõla eci ndinga ku Fareo; momo o sĩlĩhiwa oku va eca loku va tundisa longusu vofeka yaye.

ETUNDILO 6:6

Oco ondaka yange ku va Isareli, yeyi, Ame ndi Yehova, kuenje ndu wupi ovitele via va Egito. Nyimũla upika waco, ndu yovoli lokuokuo kuolõha lolonimbu via tua.

ETUNDILO 6:7

Ndu tambuli okuti vu linga omanu vange kuenje ame ndinga Suku yene. Vu kulĩha okuti ame ndi Yehova Suku yene u wo wupi ovitele via va Egito.

ISAYA 64:9

Ku ka teme ca lua, a Yehova, ku ka ivaluke ño-o hũ evĩho. Tala, tu ku pinga tuti, Vanja, etu vosi tumanu vove.

ESINUMUĨLO 15:15

Wivaluka okuti lovevo wa kaile upika vofeka ye Egito, kuenje Yehova, Suku yove, wa ku yovola. Oco nda ku handelekela ndoco etaili.

ESINUMUĨLO 9:29

Momo ovo omanu vove haivo ocipiñalo cove. Wa cupa lunene wove wa lua lokuokuo kuove kuolõha.