MIKA 7:7 - Embimbiliya - Bíblia Sagrada em Umbundu

⁷ Puãi ame, ame njimbila Yehova ovaso, nalamẽla Suku yeyovo liange. Suku yange o njeva.

MIKA 7:7 Iomraidhean Croise

EFETIKILO 49:18

Eyovo liove, a Yehova, nda limbila ovaso.

OLOSAMO 109:4

Ocisola cange va ci niuwila lalundi osimbu ame ndi va likutilila.

OLOSAMO 130:5

Njimba ovaso Yehova. Utima wange wa imba ovaso. Kondaka yaye oko ndavoka.

OLOSAMO 25:5

Ngendise vocili cove loku ndongisa, momo ove Suku yeyovo liange. Nda ku imbila ovaso eteke liosi.

OLOSAMO 37:7

Imba ovaso Yehova, u felevela lepandi. Ku ka lisakalaise mekonda liu wa salala, pamue mekonda liomunu o lingainga evi vĩvi.

OLOSAMO 38:15

Momo kokuove, a Yehova, oko nda imba ovaso. Ove muẽle o nambulula, a Yehova, Suku yange.

OLOSAMO 50:15

kuenje mbilikiye keteke liohali. Ame hu popela, love o mandula.

OLOSAMO 65:2

Ove, okuakuyeva ohutililo, kokuove ku kokela omanu vosi.

OLOSAMO 85:5

O tu temela hẽ oloneke viosi? Wendaisa ño onyeño yove hẽ, kovitumbulukila viosi?

ISAYA 12:2

Tala, Suku eye eyovo liange. Ñolela kuenje si kuata usumba momo Suku Yehova eye ongusu yange, haeye ocisungo cange kuenje wa linga eyovo liange.

ISAYA 17:7

Keteke liaco omanu va imba ovaso ku Usovoli wavo, kuenje ovaso avo a sumbila U o kola wa Isareli.

ISAYA 25:9

Keteke liaco ci popiwa citi, Tala, u eye Suku yetu, eye tua felevela okuti o tu popela. U, Yehova, eye tua imba ondunge. Tu sanjuki loku yolela okupopela kuaye.

ISAYA 45:22

Asukiyo oluali, njimbi ovaso ho popeliwa. Momo ame ndi Suku, ka ku li yikuavo.

ISAYA 8:17

Njimba ovaso ku Yehova u o kasi loku wundisila ocipala caye onjo ya Yakoba. Elavoko liange li kala kokuaye.

ASIÕSUILO 3:24

Utima wange u popia, hati, Yehova onepa yange, eye njimba ondunge.

DANIELE 3:17

Nda oco, Suku yetu una tu vumbavumba o tẽla oku tu popela kelungulungu liondalu vofolono; kuenje haeye o tu popela peka liove, a Soma.

HOSEA 12:6

hati, Oco, tiukila ku Suku yove. Linga ohenda lesunga. Imba ovaso ku Suku yove olonjanja viosi.

YOELI 1:19

Kokuove, oko mbilikiya, a Yehova, momo ondalu ya lia ovililo viokekalasoko, kuenda ovilienge via yoka oviti viosi viovusenge.

HAVAKUKI 2:1

Ñala ño-o kutala wange woku lavela. Ndavekela vombonge. Njimba ovaso si limbuka ndeci o popia lame, leci o ñumbulula kokulisiõsiõla kuange.

HAVAKUKI 2:3

Momo ocitumasuku eci ci kuete muẽle otembo yaco. Ci yayula oku lingiwa. Ka ci kembi. Ndaño ci tutuvala, ove o ci talamẽla. Ciya muẽle, ka ci cilua.

ATENDELO 5:28

Puãi nda ukãi ka livĩhĩsile kuenje wa yela, o yovoka, o kuata omãla.