MIKA 4:8 - Embimbiliya - Bíblia Sagrada em Umbundu

⁸ Ambonge yocunda! Amunda yomõla a Siono ukãi! Uviali wosimbu u tiuka, wiya kokuove, haiwo usoma womõla a Yerusalãi ukãi.

MIKA 4:8 Iomraidhean Croise

EFETIKILO 35:21

Isareli wa amako lungende waye, wa tamũlula ombalaka yaye, konẽle yikuavo yombonge ye Edere.

II SAMUELE 5:7

Haimo lumue Daviti wa kuata ocikolo caco ca Siono haico imbo lia Daviti.

NEHEMIYA 3:25

Palala, omõla a Ucai, wa semulula onepa ya imba ovaso kocihondoloka, haiko kohondo ya pama ya tongihinyiwa konjo yokilu ya Soma kuenda konjo yolondavululi. Kovaso yaco Pedaya, omõla a Parosi,

OLOSAMO 24:7

Petuli ovitue viene, alombundi. Petuki, apito onahulu. Kuenje Soma yulamba iñilamo.

OLOSAMO 48:3

Vovikolo vialio Suku wa lilekisa okuti eye ombindikiyo yocili.

OLOSAMO 61:3

Momo ove vucitililo cange, haive vumbonge ya kola yoku puluka kunyali.

OCISUNGO CA SALOMONE 4:4

Osingo yove ya soka ndelavelo lia Daviti, hailio ociseleko covimalẽho, muna mua nyoñamela ohulukãi yolosipata kuenda olotevele violonoi kovita.

ISAYA 1:26

Numbulula olonganji viove ndeci via kala ale; numbulula olondunguli viove ndeci viosimbu. Noke o tukuiwa imbo liesunga, imbo lia kolelua.

ISAYA 10:32

Etali muẽle o talama ko Nove; o lipañela eka liaye komunda yomõla a Siono ukãi oyo owulu wa Yerusalãi.

ISAYA 5:2

Wa ci senda kuenda wongololamo ovawe. Wa ci kũla ayuva a nõlĩwa. Vokati kaco wa tungamo elavelelo. Wa sokotola vewe ocikulungu covinyu. Wa lavokaile okuti cima ayuva vocili, puãi ca ima injuanjua.

DANIELE 2:44

Koloneke violosoma viaco, Suku yokilu o katula usoma, kuenje ka u nyolẽha, ka u tambuiwa lomanu vofeka yiñi; puãi owo u nyõla loku lia ovosoma aco osi, haiwo u kala muẽle hũ oloneke ka vi pui.

DANIELE 7:18

Puãi olosandu via Tõlo vi tambula usoma, haivio vi kala hũ lusoma waco oloneke ka vi pui.

OVADIYA 1:21

Ovapopeli va londa komunda Siono ha va viala omunda ye Esau. Kuenje Yehova o viala.

MIKA 2:12

A Yakoba, ocili ndu kongeli ene vosi, ñongela ocisupe ca Isareli; ndi va kapa pamuamue ndolomeme vocunda, ndocunda colomeme vocililo cavio; va yuela ca lua omo owiñi wavo walua.

SAKARIYA 9:10

Ame nyõla akãlu ovita a Efarimi, lotuvalu tuovita tua Yerusalãi. Ohonji yoku yaka layovo yi nyõlẽha. Eye o kundila olofeka ondaka yombembua. Uviali waye u kala tunde kokalunga toke kokalunga kuenda tunde ko Lui toke kasukiyo oluali.

SAKARIYA 9:12

Ene alohute vielavoko, tiukili kombonge yene. Ndu sapuili etali, siti, Ndu piñainyalĩpo luvali.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

ATENDELO 24:19

Yakoba o yula ovanyali vaye, ndaño ocisupe covovaimbo anene o ci kundula.

MATEO 21:33

Yeveleli olusapo lukuavo. Kua kala omunu muẽleonjo, wa tuika ocumbo cayuva, wombako ongumbu, wa kulungulamo ocikulungu covinyu, wa tungamo onjo yoku lavela, kuenje wa ci kundika kolongunja, yu wa enda kofeka yikuavo.

MARKO 12:1

Kuenje wa fetika oku popia lavo lolosapo hati, Omunu umue wa tuika ocumbo cayuva, wombako ongumbu, wa felamo ocitunyu ha ci lingi ocikulungu covinyu, yu wa tungamo onjo yelavelo, kuenje wa ci pindikisa kolongunja, yu wa enda kofeka yikuavo.

VA EFESO 1:21

Wo kapa kilu liuviali wosi, lomoko yosi, lunene wosi, lusoma wosi, londuko yosi, ndaño eyi ya tukuiwa ale otembo yilo, ndaño eyi yi laika oku tukuiwa volotembo viya.

ESITULUILO 22:5

Ka ku kala vali uteke. Ocinyi condiyelo ka ci yonguiwa, ndaño utanya wekumbi, momo Ñala Suku eye o linga ocinyi cavo, kuenje va viala oloneke vi enda ño-o hũ, ka vi pui.