MIKA 4:3 - Embimbiliya - Bíblia Sagrada em Umbundu

³ O tetuluila pokati komanu vakualofeka via lua, o tetuluila olofeka vinene vi kasi kupãla; kuenje va tela olosipata viavo ha vi lingi olosungu violosaluwa, lolonjelia viavo ha vi lingi otutana. Ofeka ka yi tikuila vali ofeka yikuavo osipata, ka va lilongisa vali ovita.

MIKA 4:3 Iomraidhean Croise

OLOSAMO 46:10

Liwekipo, limbuki okuti ame Suku, Ñemãla pokati kolofeka, ñemãla kilu lieve.

OLOSAMO 46:9

Imola ovita toke kesukiyo liongongo. O teya ohonji. O teta pokati onjelia. O yoka akãlu vondalu.

OLOSAMO 72:3

Esunga li muise omanu ombembua. Yi tunde kolomunda lokoviwũlu.

OLOSAMO 72:7

Kovava aye esunga li amameko, lombembua yi lue toke osãi yimuha.

OLOSAMO 82:8

Votoka, a Suku, tetuluila oluali, momo olofeka viosi vi tiamela kokuove.

OLOSAMO 96:13

kovaso a Yehova, momo iya, momo iya oku tetuluila oluali, O tetuluila olofeka lesunga, lomanu locili caye.

OLOSAMO 98:9

kovaso a Yehova, momo iya oku tetuluila olofeka. O tetuluila oluali lesunga, kuenda olofeka lolonimbu via sunguluka.

ISAYA 2:4

Eye o tetuluila pokati kolofeka, haeye o tetela omanu va lua olonimbu. Va tẽla olosipata viavo ha vi lingi atemo olosaluwa, kuenda ovonga avo ha a lingi otutana. Olofeka ka vi likatukila vali losipata, ndaño ovita ka va vi lilongisa vali.

ISAYA 25:3

Oco omanu va pama va ku muĩsa ulamba, limbo liomanu va linga usumba liu ku sumbila.

ISAYA 51:5

Epopelo liange li li ocipepi, eyovo liange lia katuka, ovimãlẽho viange vi tetulula vakualofeka; olofeka viokokalunga vi njimba ovaso, kuenje vi kolela okuokuo kuange.

ISAYA 60:12

Momo ofeka kuenda omanu ka va tava oku ku vumba va nyolẽha. Olofeka ka vi tava oku ku vumba vi nyolĩwa.

ISAYA 65:25

Ombinji kuenda omõla omeme vi lila kumuamue, ohosi yi lialia owangu ndongombe; oneketela yi linga okulia kuonyõha. Ka va lingi cĩvi pamue oku nyõla vomunda yange yi kola yosi. Oco ca popia Yehova.

ISAYA 9:7

Okuamamako kuviali waye loku kuombembua ka ku fulila, kocalo ca Daviti kuenda kusoma waye, oku u kolisa kuenda oku u kuatisa lesunguluko kuenda esunga, tunde cilo toke otembo ka yi pui. Ombili ya Yehova Ukualohoka yi ci linga

DANIELE 2:44

Koloneke violosoma viaco, Suku yokilu o katula usoma, kuenje ka u nyolẽha, ka u tambuiwa lomanu vofeka yiñi; puãi owo u nyõla loku lia ovosoma aco osi, haiwo u kala muẽle hũ oloneke ka vi pui.

HOSEA 2:18

Eteke liaco hu inãlĩsa lovinyama viovusenge lolonjila viovilu kuenda evi vi yaila posi. Vofeka nyimũlamo ohonji losipata lovita. Hu tumãlĩsa ciwa oko kua koka.

HOSEA 2:20

Hu kuela muẽle locili, kuenje ove o kũlĩha Yehova.

YOELI 3:2

oco ngongolola vakualofeka vosi. Ndi va lowisila vocimbota ca Yehosiafata, kuenje omo ndi va sombisila mekonda liomanu vange, haivo ocipiñalo cange Isareli, momo va va sanduila pokati kolofeka kuenje va litepela ofeka yange.

MIKA 5:15

Kuenda fetuluinya lonyeño lekaka olofeka ka via pokuile.

SAKARIYA 14:3

Noke Yehova o tunda ha yaki lolofeka viaco ndeci a tuwa oku yaka keteke liovita.

SAKARIYA 8:20

Ca popia Yehova Ukualohoka ceci, hati, Ciya okuti omanu veya muẽle, ndaño olonungi viovovaimbo alua.

SAKARIYA 9:10

Ame nyõla akãlu ovita a Efarimi, lotuvalu tuovita tua Yerusalãi. Ohonji yoku yaka layovo yi nyõlẽha. Eye o kundila olofeka ondaka yombembua. Uviali waye u kala tunde kokalunga toke kokalunga kuenda tunde ko Lui toke kasukiyo oluali.

OVILINGA 17:31

momo wa tukula eteke lioku tetuluila oluali lesunga, kuenje wa nola ale ulume o linga onganji yaco. Poku pindula ulume waco ku vakualufa opo a lekisila komanu vosi okuti ondaka yaye yocili.

ESITULUILO 19:11

Oco nda mola ilu lia yuluka, kuenje, tala, okavalu ka yela! U wa endelako wa tukuiwa Kolelua, kuenda Ukuacili, kuenje o tetulula lesunga, ndaño ovita o katukilavo lesunga.

I SAMUELE 2:10

Ovanyãli va Yehova va sasoha. O va lemilila vilu. Yehova o tepisila ovikanjo viosi violuali. Eca olohõlo kosoma yaye, kuenje o luisa unene wombuavekua yaye.