MIKA 4:2 - Embimbiliya - Bíblia Sagrada em Umbundu

² Kuenje olofeka via lua viya, vi popia, viti, Enjui, tu lamani komunda ya Yehova, konjo ya Suku ya Yakoba, oco a tu longise ovituwa viaye, ha tu endela volonjila viaye. Momo okulonga ku tunda ko Siono, kuenda ondaka ya Yakoba yi tunda ko Yerusalãi.

MIKA 4:2 Iomraidhean Croise

OLOSAMO 110:2

Yehova o tuma epangati liunene wove li tunda ko Siono. Viala muẽle pokati kovanyali vove.

OLOSAMO 119:1

Ava va endela vonjila ya suñama, okuti vonjila yovihandeleko via Yehova, ovo va sumũlũha.

OLOSAMO 119:171

Omela yange yi ku sivaya momo wa ndongisa ovisila viove.

OLOSAMO 122:1

Nda yolela eci va popia lame vati, Tu endi konjo ya Yehova.

OLOSAMO 25:12

Omunu upi o sumba Yehova? Eye imba omunu waco onumbi yonjila a nolapo.

ISAYA 2:3

Olofeka via lua vi popia viti, Enjui, tu lamani komunda ya Yehova, konjo ya Suku ya Yakoba, okuti o tu longisa ovituwa viaye ha tu endaela volonjila viaye. Momo okulongisa ku tunda ko Siono kuenda ondaka ya Yehova yi tunda ko Yerusalãi.

ISAYA 54:13

Omãla vove vosi va longisiwa la Yehova, kuenje okusalala kuomãla vove ku lua.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

YEREMIYA 31:6

Momo kuiya eteke eci vakuakulavulula kolomunda via Efarimi va vilikiya vati, Votoki, tu londi ko Siono, ku Yehova Suku yetu.

YEREMIYA 42:3

Likutilila okuti Yehova, Suku yove, o tu lekisa onjila ya tu sesamela oku endelamo leci ca tu sesamẽla oku linga.

HOSEA 6:3

Tu kũlĩhĩsi Yehova. Tu kuati ombili yoku u kũlĩha. Kokutunda kuaye ka kuli atatahãi, ku sokiyiwa ale ndokutola kuongula, Iya kokuetu ndombela, ndombela yomandavela yina yi yulisa osi.

SAKARIYA 14:16

Kotembo yaco u wosi wa supapo ku vakualofeka, vina via yakisile Yerusalãi, ulima kulima endaenda oku fendela Osoma yinene, Yehova Ukualohoka, loku kala kofesta yolosinge.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

SAKARIYA 9:10

Ame nyõla akãlu ovita a Efarimi, lotuvalu tuovita tua Yerusalãi. Ohonji yoku yaka layovo yi nyõlẽha. Eye o kundila olofeka ondaka yombembua. Uviali waye u kala tunde kokalunga toke kokalunga kuenda tunde ko Lui toke kasukiyo oluali.

MARKO 16:20

Oco va tunda, va kundila kuosi. Ñala wa talavaya lavo kuenje wa kolisa ondaka lovilimbu viaco. Amene.

LUKA 24:47

citivo okulikekembela akandu kuenda okuecelua ku kundilua vonduko yaye kolofeka viosi oku fetikila ko Yerusalãi.

YOANO 6:45

Ca sonehiwa vovaprofeto citi, Kuenje vosi va longisiwa la Suku. Wosi o yeva ku Isia, loku lilongisa kokuange, iya kokuange.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 1:8

Puãi, eci Espiritu Sandu o wili, oco vu kuata unene, kuenje vu linga olombangi viange vo Yerusalãi, lo vo Yudea yosi, lo vo Samária, kuenda toke kasulilo okilu lieve.

OVILINGA 13:42

Eci va kala loku tunda va va pinga, vati, Olondaka evi ene vu tu vi sapuila vali kesambata liyako.

VA ROMA 15:19

lunene wovilimbu, lovikomo, lunene we Espiritu Sandu, Kristu a talavaya lavio viosi, okuti tunde ko Yerusalãi, ñuale-e toke ki Iliriku, nda sapula cosi condaka yiwa ya Kristu.

ESINUMUĨLO 6:1

Cilo ndu lomboluili ocikundi cene covisila lovihõlo Yehova Suku yene a sapuila oku u longisi okuti vu vi linga vofeka oko wendi oku ka yi kuata.