MIKA 4:1 - Embimbiliya - Bíblia Sagrada em Umbundu

¹ Koloneke via sulako ci kala okuti omunda yonembele ya Yehova oyo yi lepa, olomunda viosi vikuavo vi sule. Koku lepa yi pitahãla oviwulu viosi, kuenje owiñi womanu wamẽla kokuayo.

MIKA 4:1 Iomraidhean Croise

EFETIKILO 49:1

Yakoba yu wa kovonga omãla vaye, wa popia lavo hati, Liongololi okuti ndu sapuili eci cu sangi kovaso.

EFETIKILO 49:10

Ombueti yonanelo ka yi tundi ku Yuda, ndaño onganji kovitumbulukila viaye, toke Ukuambembua iya, kuenje omanu va pokola kokuaye.

OLOSAMO 110:3

Eteke o songola olohoka viove kolomunda vi kola omanu vove va lieca kokuove olumue. Ndokutalala kuowume womele haico ci kasi ongusu yove yokumalehe.

OLOSAMO 22:27

Asukiyo osi oluali a ivaluka, a pongolokela ku Yehova. Apata osi olofeka a fendela kovaso aye.

OLOSAMO 48:1

Yehova onene, haeye wa posokela esivayo lia piãla vimbo lia Suku yetu li kasi vomunda yaye yi kola.

OLOSAMO 86:9

Olofeka viosi wa tunga viya, vi ku fendela, a Yehova. Vi tumbangiya onduko yove.

ISAYA 27:13

Kuenda vali keteke liaco olumbeta lunene lu sikiwa, kuenje ava va nyelelela vofeka ya Asuria lava va takumũhila ve Egito, va tiuka, va fendela Yehova komunda yi kola ko Yerusalãi.

ISAYA 43:6

Mopia la Norte siti, Va eca. Mopia la Sul siti, Ku ka va kuate. Neni omãla vange valume va kasi kupãla, kuenda omãla vange vakãi va kasi kasulilo ongongo.

ISAYA 49:6

eye wa linga hati, Oku linga ukuenje wange okuti o katula apata a Yakoba loku tiula ocisupe ca Isareli, oco ca leluka. Hu lingisavo ocinyi cavakualofeka oco eyovo liange li kale toke kasulilo ongongo.

ISAYA 54:2

Luisa ocitumãlo combalaka yove, ketulũla olonanga vionjo yaco; ku ka lengusule, ovikolo viove vi lepisa, kolisa apanji ove.

ISAYA 56:7

ovo muẽle ndi va nena komunda yange yi kola, kuenje ndi va sanjuisila vonjo yange yoku likutilila. Ovilumba viavo vioku yoka kuenda ovilumba viavo vioku pia elisi vi tavelua kovotala ange; momo onjo yange yi tukuiwa onjo yoku likutilila yomanu vosi.

YEREMIYA 16:19

A Yehova, a Ngusu yange, a Cikolo cange, a Civundilo cange keteke liohali, olofeka viosi, tunde kasulilo okilu lieve, viya kokuove, kuenje vi linga viti, Ovina viosi vaisietu va piñala viuhembi lika, haivio viesanda, ka vi kuatisa cimue.

YEREMIYA 26:18

Mika u Morasiti wa popele ocitumasuku koloneke via Hesekiya, Soma ya Yuda, kuenje wa popia lomanu vosi va Yuda hati, Ca popia Yehova Ukualohoka ceci, hati, Siono yi limiwa ndepia; Yerusalãi yi linga ekundu, kuenda omunda yonembele yi linga ndonumbuko yovesisi.

YEREMIYA 3:17

Koloneke viaco va tukula Yerusalãi vati, Ocalo ca Yehova, kuenje olofeka viosi vi likongelelamo. Vi likongelela vo Yerusalãi londuko ya Yehova. Ka va lingi vali lokusiva kuovitima viavo vĩvi.

YEREMIYA 31:12

Veya ha va imbila ovisungo vomunda ya Siono. Veya loku yolela ovina viwa via Yehova, olomema lovinyu lulela, kuenda otumeme vocunda kuenda olonale. Omuenyo wavo u soka ndocumbo ca tapeliwa. Ka vowuka vali.

YEREMIYA 48:47

Haimo koloneke viesulilo numbulula esumũlũho lia Moavi. Oco ca popia Yehova. Eli olio esulilo liepiso Moavi a pisiwa lalio.

ESEKIELE 38:16

O lamanela komanu vange va Isareli ndeci elende li sitika ofeka. Kefulilo lioloneke vimue hu nena kofeka yange hu yaki layo, oco olofeka vi ñulĩhe eci ndimbukisila kovaso avo okukola kuange pokati kupange ove, a Goge, o ndingila.

ESEKIELE 40:2

Kuenje, vovinjoinjoi via Suku haimo, lia nualela kofeka ya Isareli, lia ñapa kilu liomunda yimue ya lepa calua. Konẽle yoko Sul kua kala cimue ca soka ndocitungilo cimbo.

ESEKIELE 43:12

Ocihandeleko conembele ceci: Osi yosi yokilu liomunda yi kola koku kola. Tala, eci oco ocihandeleko conembele.

DANIELE 10:14

Kaliye ndeyilila oku ku limbukisa evi vi sanga epata liove koloneke viesulilo. Momo ocinjonde eci ci tiamẽla handi koloneke viaco.

DANIELE 2:28

Puãi kilu kuli Suku ukuakusitulula alumbu, kuenje haeye wa lekisa ku Soma eci ci kala koloneke viesulilo. Onjoi yove lovinjonde wa vi muĩla pula wove vievi:

DANIELE 2:35

Oco utale lotuma losipi lopalata lulu, viosi via nyanyõha, via linga ndovisaikiti pocimbandi kotembo yoku sasa; ofela ya vi pengula, kuenje ka via mõlẽhẽle vali. Puãi ewe lia vetele ociñumañuma lia linga omunda yinene kuenda lia yukisa ilu lieve liosi.

DANIELE 2:44

Koloneke violosoma viaco, Suku yokilu o katula usoma, kuenje ka u nyolẽha, ka u tambuiwa lomanu vofeka yiñi; puãi owo u nyõla loku lia ovosoma aco osi, haiwo u kala muẽle hũ oloneke ka vi pui.

DANIELE 7:14

Kuenje wa ĩhĩwa uviali lulamba kuenda usoma, oco apata osi lolofeka lomanu vakualimi añi añi vo vumbe. Uviali waye ka u pui, ka u piti kuenje usoma waye ka u nyolĩwa.

DANIELE 7:18

Puãi olosandu via Tõlo vi tambula usoma, haivio vi kala hũ lusoma waco oloneke ka vi pui.

DANIELE 7:22

toke Ukuasimbu weya, kuenje kolosandu via Tõlo kua eciwa omoko yolonganji; haico otembo ya pitila eci olosandu via tambula usoma.

DANIELE 7:27

Usoma luviali kuenda unene wovosoma osi vemẽhi lilu weciwa kepata liolosandu via Tõlo. Usoma waye ka u pui, kuenje ovoviali osi o vumba loku pokola kokuaye.

HOSEA 3:5

Noke omãla va Isareli va pongoloka ha va sandi Yehova Suku yavo, la Daviti Soma yavo. Kovaso veya lesumbilo ku Yehova lohenda yaye.

MIKA 3:12

Oco, mekonda liene, Siono li limiwa ndepia. Yerusalãi li linga ekundu, kuenda omunda yonembele yi linga ndonumbuko yovesisi.

SAKARIYA 14:10

Ofeka yosi yi linga etapi tunde ko Geva toke ko Rimone, kombuelo yoko Yerusalãi. Yerusalãi puãi lopo yi tumũha kocitungilo cayo tunde kombundi ya Benjamini toke pana pa kaile ombundi yale, kuenda tunde kombundi yokevindi toke kombonge ya Hanavele, okuti kovikamẽlo via Soma.

SAKARIYA 2:11

Eteke liaco vakualofeka via lua vongolokela ku Yehova. Va linga omanu vange kuenje ame numãla vokati kove.

SAKARIYA 8:3

Yehova hati, Niukila ko Siono. Numãla vokati ka Yerusalãi. Kuenje Yerusalãi yi tukuiwa Imbo liesunga, lomunda ya Yehova Ukualohoka yi tukuiwa Omunda yi kola.

MALAKIYA 1:11

Momo, tunde kutundilo wekumbi toke kutakelo walio onduko yange yi kemãlã pokati kolofeka. Vofeka yosi insensu yi timĩhĩwila onduko yange, locilumba ci ndumbiwila ci yela, momo onduko yange yi kemãlã pokati kolofeka. Oco ca popia Yehova Ukualohoka.

OVILINGA 2:17

Suku hati, Koloneke vi sulako, ndi sukumuila Espiritu liange komanu vosi. Omãla vene valume lomãla vene vakãi va imba owanji. Amalehe vene va mola ovinjoinjoi, lolosekulu viene vi lota olonjoi.

VA HEVERU 1:2

Koloneke vilo via sulako puãi, wa popia letu l'Omõlaye, una a nola ha lingi kapiñala kovina viosi, haeye a lulika laye oluali.

II PETULU 3:3

Tete limbuki okuti, koloneke via sulako, kuiya vakuetombo loku tomba, va enda loloñeyi viavo vietimba,

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.

ESITULUILO 15:4

A Yehova, u ka tava oku ku sumbila loku tumbangiya onduko yove, helie? Momo ove lika o kola. Olofeka viosi viya, vi ku fendela, momo okutetulula kuove kua moleha.

ESITULUILO 20:4

Noke nda mola ovialo, kuenje kovialo viaco kua tumala ava va ihiwa omoko yoku tetulula. Nda molavo ovilelembia viava va topuiwa omo va imbila Yesu uvangi, kuenda va kolela ondaka ya Suku, haivo ka va fendelele ocinyama pamue ociñumañuma caco, kuenje ka va kapiwile ondimbukiso yaco kovipala viavo lo kovaka avo. Ovo va kuata vali omuenyo, kuenje va viala kumue la Kristu ohũlũkãi yanyamo.