MIKA 3:8 - Embimbiliya - Bíblia Sagrada em Umbundu

⁸ Puãi ame, ame nde yuka ongusu. Ñasi le Espiritu lia Yehova, ñasivo lesunga kuenda olohõlo vioku sapuila Yakoba okulueya kuaye, kuenda Isareli ekandu liaye.

MIKA 3:8 Iomraidhean Croise

YOVI 32:18

Momo nda yukililua olondaka. Vutima muli eci ci nalamisa.

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

ISAYA 61:2

loku sapula unyamo wocali ca Yehova kuenda eteke liefetuluinyo lia Suku yetu, loku lembeleka vosi va sumua;

YEREMIYA 1:18

Momo etali nda ku malẽhĩsila ofeka yosi kuenda olosoma via Yuda lolombuale viaco kuenda ovitunda viaco lomanu vofeka, okuti o linga ndimbo lia kolisua, pamue ndongunji yutale, pamue ndovimbaka viosipi.

YEREMIYA 20:9

Nda ndinga siti, Siu tukula vali. Si imbi vali owanji vonduko yaye,— oco vutima wange mu kala ca soka ndondalu yi taima ya yikiwila vakepa ange. Nda kava loku likandangiya oku ci sapula. Oku cuhila vali si ci tẽla.

YEREMIYA 6:11

Oco nde yuka onyeño ya Yehova, nda kava oku yi tutuiya. Ca popia Yehova ceci, hati, Yi itila komãla vokololo, kuenda kovisukungu viakuenje. Ulume lukai waye va kuatiwila kumuamue, lekongo kumue lukulu.

ASIÕSUILO 2:14

Ovaprofeto vene vo muĩli ovinjoinjoi viuhembi, haivio viesanda. Ka vo lomboluilili okupenga kuene, hã ho sumulũhi vali. Vo lomboluili puãi ovitumasuku viuhembi viu pengisi.

ESEKIELE 16:2

A Mõlõmunu, limbukisa Yerusalãi ovombondo aye.

ESEKIELE 20:4

O va pisa hẽ, a Mõlõmunu, o va pisa? Nda oco, va limbukisa ovombondo olosekulu viavo.

ESEKIELE 22:2

Ove, a Mõlõmunu, o pisa hẽ? O pisa hẽ imbo liosonde? Nda oco, li sapuila ovombondo alio osi.

ESEKIELE 23:36

Yehova wa popia lame hati, A Mõlõmunu, o pisa hẽ Ohola la Oholiba? Nda oco va sapuila ovombondo avo.

ESEKIELE 3:14

Oco espiritu lia njelula kuenje lia ngambata, yu nda enda lesumuo lutima wa feluka. Leka lia Yehova lia mbuila longusu.

ESEKIELE 43:10

Love, a Mõlõmunu, lomboluila epata lia Isareli onembele loku molẽha kuayo loseteko yayo, oco va kutisue osõi yolohole viavo.

MATEO 7:29

momo wa va longisa ndu o kuete omoko, handavakuavisonehua vavoko.

MARKO 3:17

kuenda Tiago omõla a Sebedeo, la Yoano manja a Tiago vana a luka va Boanarges, ca lomboloka Mãlavondindimo,

I VA KORINDO 2:4

Upopi wange lokukunda kuange ka kua kaile lolondaka violondunge vioku longola, te lesituluilo lie Espiritu, kuenda unene,