MIKA 3:7 - Embimbiliya - Bíblia Sagrada em Umbundu

⁷ Ovaprofeto va kutisua osõi. Vakuakutãha va munihĩsua. Vosi yavo va sitika ovimẽla viavo, momo ku Suku ka kuli ekumbululo.

MIKA 3:7 Iomraidhean Croise

OLOSAMO 74:9

Ka tu lete olondimbukiso vietu. Ka ku li vali uprofeto. Pokati ketu ka peli u wa kũlĩha osimbu yaco.

ETUNDILO 9:11

Vakualumbu ka va tẽlele oku talama kovaso a Mose omo ovipumbu via lua, omo vakualumbu va velavo ovipumbu kumosi la va Egito vosi.

ISAYA 44:25

Ame muẽle natamaisa atutu olohembi, loku sepula vakuakutãha, haime niuwiya vakualondunge okuti olondunge viavo vi linga uveke.

YEREMIYA 18:18

Oco va linga vati, Tu tumbiki Yeremiya ongombo, momo ocihandeleko ka ci pui handi kocitunda, pamue elungulo kukualondunge, ndaño ondaka yuprofeto. Oco tu u nyõli loku u sokola. Ka tu ka tavi kolondaka viaye ndaño yimosi.

ESEKIELE 24:17

Sukoka, puãi ka ci ka yevale. Ku ka sumuĩle ava va fa. Futa ocifuto cove kutue. Wala olohaku viove kolomãi. Ku ka lisitike komela. Ku ka lie ombolo yonambi.

ESEKIELE 24:22

Kuenje vu linga ndeci nda linga ame, ka vu lisitika komẽla, ka vu li ombolo yonambi.

OVISILA 13:45

Ukuailundu o kasi luvei waco o wala olonanga via totoloka, ocifuko caye ci kala onuma, eye o sitika onjembu yokilu, kuenje o vilikiya hati, Nda vĩhĩsua, nda vĩhĩsua.

AMOSI 8:11

Yehova Suku wa popia hati, Kuiya oloneke eci muisa ofeka onjala, onjala yokulia hayoko, pamue enyona liovava halioko, te onjala yoku yeva olondaka via Yehova.

MIKA 3:4

Oco va vilikiya Yehova, puãi eye ka va kumbulula; eteke liaco o va vundisila ocipala caye momo va linga ovilinga vĩvi.

MIKA 7:16

Olofeka vi ci mõla kuenje vi kutisiwila osõi unene wavio. Ovimẽla viavo vi munihĩsua, ovatũi avio a sitikiwa.

SAKARIYA 13:4

Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

I SAMUELE 14:37

Saulu wa pula Suku hati, Ndokila ku va Filisiti ale? Ove o va eca povaka a va Isareli ale? Eteke liaco puãi ko kumbuluile.

I SAMUELE 28:15

Samuele wa pula Saulu hati, Nye wa nduahalisila loku mindula? Saulu hati, Nda sakalala enene. Va Filisiti va ñatukila. Suku wa njanduluka, ka ñumbulula vali ndaño lovaprofeto ndaño lolonjoi. Oco nda ku kovonga siti, Eye o sapuila eci ndinga.

I SAMUELE 28:6

Leci Saulu a pula ku Suku, Suku ko kumbuluile, ndaño lolonjoi, ndaño la Urimi ndaño luprofeto.

I SAMUELE 9:9

Ale ca kaile vo Isareli okuti eci umue a ka pula ku Suku eye o popia hati, Enju, tuende kukuavinjoinjoi momo u va tukola palo vati, Uprofeto, ale vo tukowaile ukuavinjoinjoi.