MIKA 3:6 - Embimbiliya - Bíblia Sagrada em Umbundu

⁶ Wa va pisa hati, Oco, cu lingili uteke okuti ka ku kala ovitumasuku, cu lingili owelema okuti ka ku kala ovinjoinjoi. Ekumbi li iñilĩla ovaprofeto, kuenje eteke liaco li va tekãvẽla.

MIKA 3:6 Iomraidhean Croise

ISAYA 29:10

Momo Yehova wo sukumuĩli espiritu liotulo, wo patisi ovaso, ene wuvaprofeto; kuenje wa sikĩlĩla ovitue viene, ene wakuavitumasuku.

ISAYA 59:10

Tu papayata vocimano, tua soka ndolomeke. Tu papayata ndava ka va kuete ovaso. Kutanya tu lipundoka ndovoluvumbulu. Pokati kava va pama tua linga ndava va fa.

YEREMIYA 15:9

U wa cita epanduvali wa ambuka, wa tula omuenyo. Ekumbi liaye lia iñila tupu utanya; wa kutisua osõi kuenda wa munihisua. Ava va supa ndi va eca kosipata, lovanyãli vavo va ci mõla. Oco ca popia Yehova.

YEREMIYA 13:16

Imbili Yehova Suku yene ulamba osimbu ka nenele owelema, osimbu olomãi viene ka via lipundukile kolomunda viokaluwumbulu. Osimbu vu sanda ocinyi eye o ci pongolola okuti ci linga ocilembo cokufa, noke ci linga owelema wosito.

OLOSAMO 74:9

Ka tu lete olondimbukiso vietu. Ka ku li vali uprofeto. Pokati ketu ka peli u wa kũlĩha osimbu yaco.

ESEKIELE 7:26

Upongo u lundika kupongo lemumu kemumu. Va sanda ocinjoinjoi kuprofeto, puãi ocihandeleko kocitunda ca pua, lelungulo kovakulu.

AMOSI 8:11

Yehova Suku wa popia hati, Kuiya oloneke eci muisa ofeka onjala, onjala yokulia hayoko, pamue enyona liovava halioko, te onjala yoku yeva olondaka via Yehova.

MIKA 2:6

Va lungula vati, Ko ka popi ovilañele. Ka ca sungulukile oku popia ovina ndevi. Osõi ka yi tu sangi. Apata lia Yakoba, eci he, ci tava oku ci popia?

YEREMIYA 18:18

Oco va linga vati, Tu tumbiki Yeremiya ongombo, momo ocihandeleko ka ci pui handi kocitunda, pamue elungulo kukualondunge, ndaño ondaka yuprofeto. Oco tu u nyõli loku u sokola. Ka tu ka tavi kolondaka viaye ndaño yimosi.

ESEKIELE 13:9

Leka liange li pongolokelamo ovaprofeto va mõla ovinjoinjoi viesanda, loku imba owanji wuhembi. Ka va kala vali vohongele yomanu vange, ndaño oku sonẽhĩwa velivulu liolonduko viepata lia Isareli, ndaño oku iñila vofeka ya Isareli. Kuenje vu limbuka okuti ame ndi Ñala Yehova.