MIKA 3:5 - Embimbiliya - Bíblia Sagrada em Umbundu

⁵ Yehova wa pisa ovaprofeto ava va lueyisa omanu vaye, haivo, eci ve kuta, va kunda vati, Cosi ci kasi lombembua, puãi va wenguila ovita u ka kapi okulia vovimẽla viavo.

MIKA 3:5 Iomraidhean Croise

OLOSAPO 28:21

Oku amela omunu hakuwako puãi ũvi waco vamue vo lingila oku tambula okacimalañanya kombolo.

ISAYA 3:12

Omanu vange we! Omãla va va talisa ohali, akãi va va viala. Amanu vange we! Ava vo songuili ovo vo lueyisi, kuenje va nyõla olonjila viene.

YEREMIYA 23:27

Lolonjoi viavo va vi lisapowaila va soka oku ivalisa omanu vange onduko yange, ndeci olosekulu viavo via ivalele onduko yange yu va tava ku Baale.

YEREMIYA 23:32

Namãlãla muẽle lava va sapola olonjoi viuhembi, kuenje va kembisa omanu vange luhembi wavo letutu liavo liesanda, osimbu hameko nda va tuma, hameko nda va ĩha ocikundi caco. Oco ca popia Yehova. Oco ka va kuatisa omanu ava ndaño naito. Oco ca popia Yehova.

YEREMIYA 6:14

Epute liomanu vange va li sakula leselula, vati, Ombembua, ombembua,— puãi ombembua ka ku li.

YEREMIYA 6:4

U kongeli ovita. Votoki. Tu u yakisi ekumbi pongunji! Ngongo yetu we, ekumbi lia enda, ovilembo via lepa ale.

ASIÕSUILO 2:14

Ovaprofeto vene vo muĩli ovinjoinjoi viuhembi, haivio viesanda. Ka vo lomboluilili okupenga kuene, hã ho sumulũhi vali. Vo lomboluili puãi ovitumasuku viuhembi viu pengisi.

ESEKIELE 13:9

Leka liange li pongolokelamo ovaprofeto va mõla ovinjoinjoi viesanda, loku imba owanji wuhembi. Ka va kala vali vohongele yomanu vange, ndaño oku sonẽhĩwa velivulu liolonduko viepata lia Isareli, ndaño oku iñila vofeka ya Isareli. Kuenje vu limbuka okuti ame ndi Ñala Yehova.

HOSEA 4:5

Utanya o lilondoka. Uteke o lilondokaila pamosi luprofeto. Nyõla muẽle inene.

YOELI 3:9

Imbi oluiya pokati kolofeka. Kolisi ovita. Votoli asualali. Alume vosi vakuavita veye, va wile vonjila.

MIKA 2:11

Nda umue wa ñuala ñuala oku kunda olondaka viesanda luhembi hati, Ndu kundili olondaka viovinyu levi vi koluisa,— eye nda wa sesamela oku linga uprofeto womanu ava!

MIKA 3:11

Akulu vaco va tetuluila olondaka lovitukiko. Ovitunda viaco vi longisila ofeto. Ovaprofeto vaco va piluila olombongo, haimo va kunamẽla ku Yehova, kuenda vati, Yehova hẽ, ka kasi pokati ketu? Oco lacimue cĩvi ciya kokuetu.

MALAKIYA 2:8

Ene puãi wa pambuki vonjila. Wa tatamisi va lua lokulongisa kuene, kuenje ocihandeleko ca va lingila ocilondokua. Wa liweki oku tata ocisila ca Lewi. Oco ca popia Yehova Ukualohoka.

MATEO 15:14

Va kale ño. Ovo olomeke, haivo ovasongui volomeke. Nda omeke yi songuila omeke kavali kavo va fa vocitunyu.

MATEO 7:15

Lunguki lovaprofeto vesanda, vana veya kokuene luwalo wolomeme, puãi vokati kavo va linga ovimbungu vi kukulula.

VA ROMA 16:18

Momo ava va linga ndava hakuenje va Ñala Kristuko, puãi apika vovaimo avo muẽle. Va tamba ovitima viomãla vamãle lolondaka viavo viusosele lombambe.