MIKA 3:2 - Embimbiliya - Bíblia Sagrada em Umbundu

² —ene, vu nyãle eci ciwa, haene vu sole eci cĩvi; vu yuva ekova liomanu vange, vu suvulula ositu yavo kakepa;

MIKA 3:2 Iomraidhean Croise

I OLOSOMA 21:20

Ahava wa popia la Eliya hati, Wa sanga, onyali wange? Leye wa kumbulula hati, Nda ku sanga, momo wa lilandisa ove muẽle oku linga eci cĩvi kovaso a Yehova.

II ASAPULO 19:2

Yehu omõla ukuavitumasuku Hanani wa tunda oku ñualẽhela laye, kuenje wa popia la Soma Yehosafata, hati, Ca ku sesamẽla hẽ oku kuatisa ondingaivi loku sola ava va suvuka Yehova? Oco onyeño ya Yehova ya ku wengukilila.

OLOSAMO 15:4

O pembula ondingaĩvi, puãi o sumbila ava va sumba Yehova. O likuminya eci cu valula, haimo lumue ka tiukamo.

OLOSAMO 53:4

Vakuevĩho, ava va lia lia omanu vange ndomo va lia lia iputa, haivo ka va vilikiya Suku, ka va kuete hẽ olondunge vioku ci limbuka?

OLOSAPO 28:4

Ava va yanduluka ovihandeleko ovo va sivaya olondingaĩvi, puãi ava va lava lava ovihandeleko ovo va yaka lavio.

ISAYA 3:15

Wa keleketeli nye omanu vange loku sasõla ovipala violosuke? Oco ca popia Ñala Yehova Ukualohoka.

ISAYA 5:20

Ava va tukula cĩvi vati, Ciwa, lava va tukula ciwa vati, Cĩvi, ngongo yavo! Ocinyi va ci lingisa owelema, kuenda owelema vo lingisa ocinyi. Ci sõsa va ci lingisa ci lula, kuenda ci lula va ci lingisa ci sõsa.

ISAYA 57:12

Ndi sapula esunga liove kuenda ovilinga viove; puãi ka viu ku kuatisa cimue.

ESEKIELE 11:7

Oco, Ñala Yehova hati, Ava va pondiwa haivo wa kapi vokati kalio, ovo ositu yaco, imbo olio ombia yaco, puãi wupiwi vokati kalio.

ESEKIELE 22:27

Olosoma viayo vokati kayo vi kasi ndolombinji vi suyulula eci ca kuatiwa. Vi pesela osonde loku nyõla omanu ha va limuĩsa ukuasi hawesungako.

ESEKIELE 24:4

Kapamo ovinumba viositu, ovinumba viosi viwa, viovikalo lapepe. Yi yukisa lakepa awa.

ESEKIELE 34:3

Vu lialia via neta. Vu liwalisa olonanga viovonya olomeme. Wipayi otumeme tua netisua, puãi ka vu lisa lisa olomeme.

AMOSI 4:1

Yeveleli ondaka eyi, ene alomange violongombe via Basiane vu kasi vomunda ya Samaria, haene vu kangisa olohukũi loku keleketa olosuke, haene vu tuma vaveyene hoti, Neni. Tu nyui.

AMOSI 5:15

Suvuki evĩho. Soli esunga. Kali lesunga kolombundi, sanga Yehova Suku yovailu o linga ohenda ocisupe ca Yosefe.

MIKA 2:8

Ene puãi wa lingi ndovanyãli va katukila omanu vange. Vu lula olonanga viomanu va pita ño lombembua, haivo va enda ño lonjila yavo, ohele mbu, ka va la sima ovita.

MIKA 7:2

Ukuakufendela Suku wa taka vofeka. Pokati komanu ka pali u wa sunguluka. Vosi va lavekela oku pesela osonde. Omunu omunu o seteka oku kuata manjaye lowanda.

MIKA 7:3

Ovaka avo a yayulako oku linga cĩvi. Ci kale osoma, ci kale onganji, vosi va yongola ovitukiko. Omunu unene o pangisa ndonjongole yĩvi yutima waye. Kuenje va likuta pamosi.

SOFONIYA 3:3

Asongui valio vokati kalio va linga olohosi vi kumbakumba. Olonganji vialio olombinji vi ñuala ñuala koñolosi; lacimue vi ci sila omẽle.

LUKA 19:14

Puãi vakuafeka yaye vo suvuka, kuenje va tuma olomunga oku u landula, vati, Ka tu yongola okuti ulume u o tu viala.

YOANO 18:40

Oco va vilikiya vali vati, Omunu u heyeko, te Baraba. Baraba yaco ocingumba.

YOANO 7:7

Oluali ka lu tẽla oku u suvuki, ame puãi lu suvuka omo njimba uvangi okuti ovilinga vialuo via vĩha.

VA ROMA 1:32

Ndaño va kũlĩha ndomo Suku a tetulula lesunga, okuti ava va lingainga ovina viaco va sesamela okufa, haimo, haku vi linga ko lika, puãi va pandulavo ava va vi linga.

VA ROMA 12:9

Ocisola ci kale cocili. Nyehuli eci cĩvi. Kakateli eci ciwa.

II TIMOTEO 3:3

ka va kuete ocikembe la vangandiavo. Va linga vakuamanya, vakualundi, haivo ka va tẽla oku likandangiya, va linga olongangala, ka va sole eci ciwa,