MIKA 2:7 - Embimbiliya - Bíblia Sagrada em Umbundu

⁷ Espiritu lia Yehova li konyõha hẽ? Evi hẽ, ovio ovilinga via Yehova? Olondaka viange hẽ ka vi kuatisa u endaenda loku sunguluka?

MIKA 2:7 Iomraidhean Croise

OLOSAMO 119:65

A Yehova, wa linga ciwa lukuenje wove, ndeci ca tukula ondaka yove.

OLOSAMO 119:68

Ove uwa, o lingainga ciwa. Ndongise ovisila viove.

OLOSAMO 15:2

Yu omuenyo waye wa pua eko, haeye o lingainga esunga, vutima waye mu tunda olondaka viocili,

OLOSAMO 18:26

Ku wa yela o lilekisa okuti wa yela. Ku wa puiya o lilekisa okuti wa puiya.

OLOSAMO 84:11

Momo Yehova Suku eye ekumbi haeye ombindikiyo. Yehova ecaeca esumũlũho lekemainyo, Lacimue ciwa o ci limĩla ava va endaenda ca sunguluka.

OLOSAPO 10:29

Yehova eye ocikolo ca vakuesunga, haeye unyõli wolondingaĩvi.

OLOSAPO 10:9

U endaenda lesunga o koka, u puãi o pengisa olonjila viaye o limbukiwa.

OLOSAPO 14:2

U endaenda ca suñama o sumbila Yehova; ukuanjila ya penga u pembula.

OLOSAPO 2:7

O solekela ava va sunguluka olondunge viocili, haeye ombindikiyo yolondingesunga.

OLOSAPO 28:18

U endaela vesunga o popeliwa, Puãi u endaela volonjila via vĩha o kupukila vocitunu.

ISAYA 50:2

Eci ndeya, nye sia sangelele omunu? Eci nda kovonga, nye ka kua kaililile u o ñumbulula? Eka liange nga lia tepuluka okuti ka li tẽla oku yovola? Si kuete hẽ ongusu yoku popela? Tala, ñukutisa okalunga lokututuiya kuange, olondui ndi vi pongolola ekango, olõsi viavio vi lẽha, omo ka mu li ovava vi fa lenyona.

ISAYA 58:1

Vilikiya, ku ka liweke, kaluka londaka ya lua ndolumbeta. Sapuila omanu vange okulueya kuavo, kuenda onjo ya Yakoba akandu avo.

YEREMIYA 15:16

Olondaka viove via sangiwa kuenje nda vi lia. Olondaka viove via linga onjolela yange, havio esanju liutima wange. Momo nda tukuiwa londuko yove, a Yehova, a Suku yolohoka.

YEREMIYA 2:4

Anjo ya Yakoba, apata osi onjo ya Isareli, yeveleli ondaka ya Yehova.

HOSEA 14:9

Wosi ukualondunge, ovina evi viu lomboloke. Wosi wa loñolõha, a vi limbuke. Momo olonjila via Yehova via suñama kuenje vakuesunga va endelamo. Olondingãivi puãi vi kupukilamo.

MIKA 3:9

Cosi eci ci yeveleli, ene, akulu vepata lia Yakoba, lene alombiali viepata lia Isareli, haene vu nyãle esunga kuenje vu pongolola cosi ca sunguluka.

SAKARIYA 4:6

Oco wa popia lame hati, Ondaka ya Yehova ku Seruvavele yeyi, hati, Halokuyakako, pamue lunene, te le Espiritu liange. Oco ca popia Yehova Ukualohoka.

ATENDELO 11:23

Oco Yehova wa popia la Mose hati, Eka lia Yehova nga lia linga limbumbũlu? Kaliye o mõla ondaka yange nda yi lingiwa nda ndati.

MATEO 3:8

Imi apako a sungulukila epongoloko liutima.

YOANO 8:39

Vo kumbulula vati, Isietu Avirahama. Yesu wa popia lavo hati, Nda wa kaili omãla va Avirahama nda vu lingainga ovilinga via avirahama.

VA ROMA 7:13

Oco hẽ, ca lomboloka okuti eci ciwa oco ca nenela okufa ale? Hacoko. Eci ca nenela okufa ekandu, kuenje ca ku nena poku talavaya leci ciwa. Ca lingiwila ndomo okuti ekandu li moleha ocili ndekandu, kuenda okuti ekandu, omo li likuatisa locihandeleko, oco li piãla vali enene.

II VA KORINDO 6:12

Nda kuli oku seleka cimue ci kasi kokuene, ka ci kasi kokuetu.

II TIMOTEO 3:5

Va limolehisa nda vakuekolelo lioku kolela Suku, puãi va likala unene walio. Oco litepa lavo.