MIKA 2:2 - Embimbiliya - Bíblia Sagrada em Umbundu

² Va livela ovapia kuenje va a kuata. Va livela olonjo kuenje va vi tambula. Va talisa ohali omunu lonjo yaye. Va nyõla omunu lovipako viaye.

MIKA 2:2 Iomraidhean Croise

I OLOSOMA 21:1

Kaliye, Navote u Yesirele wa kala locumbo cayuva, vo Yesirele, ocipepi leyemba lia Ahava, Soma ya Samaria.

II OLOSOMA 9:26

Yehova hati, Ocili hela nda mõla osonde ya Navote kuenda osonde yomala vaye. Yehova hati, Hu fetuluinyila vepia lilo. Oco u yelula, wimba vepia ndondaka ya Yehova.

YOVI 31:38

Nda osi nda lima ya mindikile loku misa, nda ovipanga viayo via lililile kumuamue,—

ETUNDILO 20:17

Ku ka livele onjo yokuẽle, ku ka livele ukãi wokuẽle, pamue upika waye ulume, pamue upika waye ukãi, pamue ongombe yaye, pamue ocimbulu caye. Cosi cokuẽle ku ka ci livele.

ISAYA 3:14

Yehova wa yalela ekanga olosekulu viomanu vaye kuenda olosoma viavo, hati, Ene wa li ocumbo cayuva; ovikuata violosuke vi kasi volonjo viene.

ISAYA 5:8

Ene vu vokinyi ño-o olonjo lovapia,— ngongo yene! Vu ci linga ño-o toke ka ku li vali osi, kuenje vu tunga ulika pokati kofeka.

YEREMIYA 22:17

Puãi ovaso ove kuenda utima wove vi lete lika ovipako vioku limuisila leliaño, kuenda oku pesela osonde yava ve lipua, loku talisa ohali kuenda oku kangisa.

ESEKIELE 18:12

o kangisa olohukuĩ lolosuke, ivaiva, kondolola vali onjeke, o petuila ovaso aye koviteka, o linga umbondo,

ESEKIELE 22:12

Vokati kove mũli ava va tambola ovitukiko ha va pesela osonde. O kapa kapa osindike lombandeke. O talaisa vakuẽle ohali locipululu cove, puãi ame wa njivala. Oco ca popia Ñala Yehova.

ESEKIELE 22:13

Oco nda pandula peka poku komoha ocipululu cove losonde ya peselua vokati kove.

ESEKIELE 33:26

Vu kuata kuata osipata, vu lingainga ovombondo, omunu omunu vu vĩhĩsa ukãi wokuavo, haimo vu piñala ofeka?

ESEKIELE 45:9

Ca popia Ñala Yehova ceci, hati, Ci tẽla, alosoma via Isareli. Liweki kungangala kuenda koku punda. Lingi ocili lesunga. Liweki oku tundisa omanu vange kolonjo viavo. Oco ca popia Ñala Yehova.

ESEKIELE 46:18

Osoma ka yi tambula cimue cocipiñalo comanu oku va tundisa kocitumãlo cavo. Upa kukuasi waye muẽle ha eci ocipiñalo komãla vaye ndokuti lomue pokati komanu vange o tundisua vali kocitumãlo caye.

ESEKIELE 8:17

Oco a popia lame hati, Wa ci mõla, A Mõlõmunu? Ka ci lingi cimue hẽ kepata lia Yuda okuti va lingainga ovombondo ndeci va linga kulo, okuti va yukisa ofeka lungangala, loku nemisa vali? Tala va kapa olunavi kanyũlu avo.

AMOSI 2:7

Haivo va kosela voneketela yoposi ovitue violosuke, kuenje va pambuisa ambombe vonjila. Omõla ulume la isiaye va pekela lufeko umuamue kuenje onduko yange yi kola yi vĩhĩsua laco.

AMOSI 4:1

Yeveleli ondaka eyi, ene alomange violongombe via Basiane vu kasi vomunda ya Samaria, haene vu kangisa olohukũi loku keleketa olosuke, haene vu tuma vaveyene hoti, Neni. Tu nyui.

AMOSI 8:4

Yeveleli ondaka eyi, ene vu yongola oku kosa olosuke loku takatisa olohũkũi viofeka,

MIKA 3:9

Cosi eci ci yeveleli, ene, akulu vepata lia Yakoba, lene alombiali viepata lia Isareli, haene vu nyãle esunga kuenje vu pongolola cosi ca sunguluka.

MIKA 6:12

Olohuasi viove vie yuka oku punda; lolonungi viove vi popia ño uhembi. Alimi ovovimẽla viavo a kasi lelimbi.

MALAKIYA 3:5

Kuenje ndu wamẽli siu tetuluili lesunga. Ndinga ombangi yombili yoku pisa vakuakutãhã, lavakahonga, lava va lisila lesanda, kuenda ava va punda ofeto yolondingupange viavo, lava va punda kocimbumba losiwe, lava va linga cĩvi ukombe, kuenda ava ka va ñuetele usumba. Oco ca popia Yehova Ukualohoka.

MATEO 23:13

Ene a vakuavisonehua, lene a va Fariseo, wakuambambe, ngongo yene! Momo vu yikilako omanu usoma wokilu; ene muẽle ka wiñilamo, lava va yongola oku iñila vu va tateka.

I TIMOTEO 6:10

Momo ocisola coku sola olombongo oco olumbombo luavĩho osi. Vamue oku pindamua laco va yapuka vekolelo, kuenje va litoma lohali ya lua.