MIKA 1:7 - Embimbiliya - Bíblia Sagrada em Umbundu

⁷ Oviñumañuma viaye viosi vi sasuĩwa, olombanjaile viaye viosi vi yokiwa londalu, loviteka viaye viosi ndi vi inasi; omo wa vi kongela lofeto yocipuepue, kuenje koku feta ocipuepue haiko vi tiukila.

MIKA 1:7 Iomraidhean Croise

II ASAPULO 31:1

Eci ovina evi viosi via pua, oco va Isareli vosi vana veyile, va enda kovaimbo a Yuda, kuenje va nyanyõla oviñumañuma, va timbula Asera kuenda va lundula olonumbuko lovotala oko Yuda yosi la Benjamini, ndaño kEfarimi la Manase, toke va nyõla cosi pe. Noke va Isareli vosi va tiukila kovaimbo avo, omunu omunu kocitumãlo caye.

ISAYA 2:18

Oviteka vimũha.

ISAYA 23:17

Oco, kesulilo liakui epanduvali kanyamo, Yehova ivaluka Turo kuenje Turo o fetika vali oku limuisa, o kala ndocipuepue kolofeka viosi vi kasi kilu lieve.

ISAYA 27:9

Eci ovawe osi ovotala a nyanyoha ndocikela, leci ka kuli vali olongunji vi kola pamue ovotala insensu oco ekandu lia Yakoba li ecelua, kuenje epako liocili liokuimuiwa kuekandu liaye li molẽha.

ESEKIELE 6:6

Kovitungilo viene viosi ovaimbo a linga alunda. Olonumbuko viene viefendelo vi nyõlẽha oco ovotala ene a lunduke loku nyõlẽha. Oviteka viene vi teka teka hã ha vi sulila. Oviteka viene viekumbi vi timbuiwa. Ovilulikilo viene vi imuiwa.

HOSEA 2:12

Ñundula uyuva waye lukuyu waye, vina a tukula, hati, Evi olombanjaile viange vambaisi yange va nyĩhãiha. Ndi vi lingisa usitu, kuenje ovinyama viovusenge vi vi lia.

HOSEA 2:14

Oco ndu tamba. Ndu tuala kekalasoko. Mbangula laye loku omboka.

HOSEA 2:5

Momo inaco wa limba kupuepue. U wa va cita ka kuete osõi. Momo hati, Ngenda ku vambaisi yange, vana va nyihãiha ombolo lovava, luwalo wange wovonya olomeme, lowu welinyu, lulela, levi viange vioku nyua.

HOSEA 8:5

A Samaria, nda pembula onale yove. Onyeño yange ya va wengukila. Oku lipua kua va Isareli kuiya eteke lipi?

HOSEA 8:6

Omunu wa yi tunga, Suku heyeko, Onale ya Samaria yi nyanyuiwa.

YOELI 3:3

Va imbila omanu vange ocela. Va eca okokuenje ha va tambula ocipuepue. Va landisa okofeko lovinyu ha va nyui.

OVISILA 26:30

Nyõla olonumbuko viene loku timbula oviteka viene viekumbi. Nyinasi ovivimbi viene kilu liatimba oviteka viene kuenje utima wange u vu nyehũla.

ESINUMUĨLO 23:18

Ka ci tava oku tuala ovilumbula viupuepue, pamue onganyu yi tunda kuyevo, vonjo ya Yehova, Suku yove, oku lemũlũla ohuminyo yimue; momo kavali kavio vi linga umbondo ku Yehova, Suku yove.

ESINUMUĨLO 9:21

Noke nda nyañula ekandu liene liongombe wa tungili, nda yi yoka vondalu, nda yi keleketa pe loku yi sula toke ya linga ndoneketela. Oneketela yaco nda yimba vokalui ka tunda komunda.

ESITULUILO 18:3

Momo olofeka viosi via fa lovinyu vionyeño yupuepue walio. Olosoma viokilu lieve via linga lalio ukahonga. Vakuakufũla kilu lieve va mola ukuasi lokukukulula kualio.

ESITULUILO 18:9

Kuenje olosoma viokilu lieve, vina via linga lalio ukahonga, haivio via kukulola kumuamue lalio, vi li lila loku tata eci vi mola evonge liokupia kualio.

I SAMUELE 5:4

Puãi omẽle yikuavo, eci va pasuka ociteketeke, tala haico vali, Dagoni wa kupukila posi, wa likuhapo ocipala kovaso yocikasia covisila via Yehova, lutue waye lovaka aye avali o soyoka, a kala posi pulukuki, etimba lika lia supapo.