MATEO 9:5 - Embimbiliya - Bíblia Sagrada em Umbundu

⁵ Ca lelukapo ci pi? oku popia hati, Akandu ove a ecelua, ale, ele oku popia hati, Votoka, enda?

MATEO 9:5 Iomraidhean Croise

MATEO 9:2

Yu vo nenela omunu wa fa ovolu, wa pekela pula. Yesu, oku mola ekolelo liavo, wa popia lu wa fa ovolu hati, Amõlange, kolisako, akandu ove a ecelua.

MATEO 9:6

Puãi, oco vu limbuke okuti Mõlomanu o kasi lomoko yoku ecela akandu kilu lieve,— oco a popia lu wa fa ovolu, hati,— Votoka. Tikula ula wove. Kuende konjo yove.

MARKO 2:5

Eci Yesu a mola ekolelo liavo oco wa popia lu wa fa ovolu, hati, Amõlange, akandu ove a eciwa.

LUKA 5:20

Eci Yesu a mola ekolelo liavo, wa popia hati, Amunu, akandu ove a ecelua.

LUKA 7:48

Kuenje wa popia lukãi hati, Akandu ove a ecelua.

OVILINGA 3:16

Onduko yaye, kuenda oku kolela onduko yaco, oco ca pamisa undeti vu lete haeye wa kũlĩhi. Ekolelo lia eciwa la Yesu olio lia muisa ulume u uhayele wocili kovaso ene vosi.

OVILINGA 9:34

Petulu wa popia laye hati, A Ainea, Yesu Kristu wa ku kayisa. Votoka. Yalula ula wove, kuenje haico a votoka.