MATEO 9:2 - Embimbiliya - Bíblia Sagrada em Umbundu

² Yu vo nenela omunu wa fa ovolu, wa pekela pula. Yesu, oku mola ekolelo liavo, wa popia lu wa fa ovolu hati, Amõlange, kolisako, akandu ove a ecelua.

MATEO 9:2 Iomraidhean Croise

UKUNDI 9:7

Kuende, ka lie okulia kuove lonjolela, kuende, ka nyue ovinyu viove lutima wa sanjuka; momo Suku wa sanjukila ale ovilinga viove.

ISAYA 44:22

Okulueya kuove nda ku takatisa ndelende, kuenda akandu ove ndombundu. Tiuka vali kokuange omo nda ku yovola.

MATEO 14:27

Haico Yesu wa popia lavo hati, Kolisiko, ame, ko ka yokoki.

MATEO 4:24

Oluhimo luaye lua yevala vo Suria yosi kuenje va nena kokuaye vosi va vela, okuti vana va vela ovoveyi aiñi aiñi, lava va liyeya olongembia, lava va kuetiwe lovilũlu, la vakuacinonya, lava va fa ovimatamata ketimba, kuenje wa va sakula.

MATEO 6:12

Tu ecele okulueya kuetu ndeci tu ecaila ava va tu lueyela.

MATEO 8:10

Eci Yesu a ci yeva oco wa komoha, yu wa popia lava vo kuãi, hati, Ocili mopia lene siti, Ndaño ku va Isareli sia sangele ekolelo ndeli.

MATEO 8:16

Koñolosi vo nenela va lua va kuetiwe lovilũlu kuenje wa tundisa ovilũlu viaco londaka, yu wa sakula vosi va vela.

MATEO 9:22

Puãi Yesu wa ñualapo kuenje, oku u mola, wa popia laye hati, Amõlange, kolisako. Ekolelo liove lia ku kayisa. Kuenje ukãi, tunde kola yaco, wa kaya.

MATEO 9:5

Ca lelukapo ci pi? oku popia hati, Akandu ove a ecelua, ale, ele oku popia hati, Votoka, enda?

MATEO 9:6

Puãi, oco vu limbuke okuti Mõlomanu o kasi lomoko yoku ecela akandu kilu lieve,— oco a popia lu wa fa ovolu, hati,— Votoka. Tikula ula wove. Kuende konjo yove.

MARKO 1:32

Koñolosi, eci ekumbi lia iñila, vo nenela vosi va vela lava va kuetiwe lovilũlu.

MARKO 10:49

Yu Yesu wa talama, kuenje, hati, U kovongi. Oco va kovonga omeke, va popia laye vati, Kolisako, votoka, o kasi loku ku kovonga.

MARKO 5:34

Oco Yesu wa popia laye hati, Amõlange, ekolelo liove lia ku popela. Kuende lombembua. Uvei wove wa ku tunda.

MARKO 6:50

Momo vosi vo mola kuenje va yokoka. Puãi haico a popia lavo hati, Kuati utõi! Ame. Ko ka yokoki.

YOANO 16:33

Nda vangula lene ovina evi, oco vokuange vu kale lombembua. Voluali vu sakalaisua, puãi kolisiko, ame nda yula oluali.

YOANO 2:25

omo wa kũlĩha omanu vosi, kuenje ka sukilile okuti umue imbila omunu uvangi. Momo eye muẽle wa kũlĩha eci ci kasi vutima womunu.

YOANO 21:5

Yesu wa va pula hati, Ene amãla, vu kuete okambelela? Vo kumbulula vati, Ndati.

OVILINGA 14:9

Eye wa yeva Paulu eci a kunda. Paulu wo vanja sui kuenje wo limbuka okuti o kasi lekolelo liokuti, ñaya.

OVILINGA 19:12

Oco, alesu latuaya oketimba liaye a tualiwa komanu va vela, kuenje ovovei avo a tunda, laspiritu ãvi a va eca.

OVILINGA 23:11

Uteke wa kuamamo Ñala wa talama kumue la Paulu, kuenje wa popia laye hati, Kolisako. Momo ndeci wa njimbila uvangi ko Yerusalãi haico o njimbilavo uvangi ko Roma.

VA ROMA 5:11

Hacoko lika, puãi tu pandiyi Suku, kuenje Ñala yetu Yesu Kristu, u wa linga Mitakati oku tu muisa okulinala kuaco, o lingavo Mitakati oku pitiya okupandiya kuaco ku Suku.

TIAGO 2:18

Puãi, umue o popia hati, Ove o kuete ekolelo, ame ñuete ovilinga. Ndekise ekolelo liove ka li kuete ovilinga, kuenje ame, lovilinga viange, hu lekisa ekolelo liange.