MATEO 9:16 - Embimbiliya - Bíblia Sagrada em Umbundu

¹⁶ Lomue o tongela ocitetele conanga ka ya likonyele kuwalo wa kuka, sanga ombandekua yi nala uwalo waco oco kuiya epangu linene.

MATEO 9:16 Iomraidhean Croise

EFETIKILO 33:14

A Ñala yange, va pite ño kovaso yukuenje wove, ame ngenda levando, ñuama vakonjo ovinyama vi enda kovaso, lovolomãi viomãla toke tu pitila ku Ñala ko Seire.

OLOSAMO 125:3

Momo uviali wa vakuevĩho ka u kala ño-o vofeka ya vakuesunga, sanga vakuesunga voluila ovaka avo kekandu.

ISAYA 40:11

O lisa ocunda caye ndungombo, ongolola otumeme vovoko aye, o tu ambatela ponete. O songuila levando evi vi kasi lomãla.

MATEO 9:15

Yesu wa popia lavo hati, Vasandombua hẽ, va tẽla oku lila osimbu sandombua a kasi kumue lavo? Puãi oloneke viya okuti sandombua o vopiwa oco va likandangiya noke okulia.

MATEO 9:17

Pamue ovinyu viokaliye ka va vi longela volonjeke viovipa via kuka sanga olonjeke vi tuika, kuenje ovinyu vi peseka lolonjeke vi nyõleha; puãi va longela ovinyu viokaliye volonjeke viovipa viokaliye oco kavali kavio vi tumala osimbu.

MARKO 2:21

Lomue o tongela ocitetele conanga ka ya likonyele kuwalo wa kuka, sanga ombandekua yi nala kuwalo waco, oco kuiya epangu linene.

LUKA 5:36

Kuenje eye wa va tela olusapo hati, Lomue o towila uwalo wokaliye ocitetele ha ci tongela emañe kuwalo wa kuka. Nda o ci linga, o tola uwalo wokaliye, kuenda ocitetele ci tunda kuwalo wokaliye ka ci soki luwalo wale.

YOANO 16:12

Lopo ñasi lovina via lua vioku popia lene, puãi ku vu tẽla handi oku vi yeva.

I VA KORINDO 13:13

Puãi cilo pa siala ekolelo, lelavoko, locisola, katatu kavio, puãi pokati kavio, ca piãla ocisola.

II VA KORINDO 9:12

Momo okulumba kocilumba caco cocisola ocili ku kuatisa olosandu, puãi hacoko lika, ci koka oku imba ku Suku olopandu via supoka.