MATEO 8:16 - Embimbiliya - Bíblia Sagrada em Umbundu

¹⁶ Koñolosi vo nenela va lua va kuetiwe lovilũlu kuenje wa tundisa ovilũlu viaco londaka, yu wa sakula vosi va vela.

MATEO 8:16 Iomraidhean Croise

ETUNDILO 15:26

Wa linga hati, Nda vu yevelela ocili kondaka ya yehova, Suku yene, loku linga eci co sunguluka, loku yevelela kovihandeleko viaye, loku lava ovisila viaye viosi, ovoveyi ana nda vetisa lao va Egito siu vetisi lao ene, momo ame ndi Yehova ndusakuli wene.

MATEO 12:22

Oco vo nenela omunu o kuetiwe locilũlu, haeye omeke, haeye ocitende. Yesu wo kayisa okuti u wa kaile ocitende wa popia kuenda wa letuluka.

MATEO 14:14

Oco, eci a tunda vowato, wa mola owiñi wa lua, kuenje, omo a va kuatela ohenda, wa sakula olombei viavo.

MATEO 8:15

Oco wo kuata peka kuenje ombambi yo weca yu wa pasuka, wa va poka.

MATEO 8:33

Vakuaku vi lisa va tila, oku enda vimbo va sapula cosi, kuenda eci cava va kuatiwile lovilũlu.

MATEO 9:2

Yu vo nenela omunu wa fa ovolu, wa pekela pula. Yesu, oku mola ekolelo liavo, wa popia lu wa fa ovolu hati, Amõlange, kolisako, akandu ove a ecelua.

MARKO 2:3

Kuenje kueya ava vo nenela omunu wa fa ovolu, wa yinjiwa la vakuãla.

MARKO 5:8

Momo Yesu a popia ale laye hati, Acilũlu ca vĩha, weca.

MARKO 9:25

Eci Yesu a mola okuti owiñi wa lupuka oku liongolola oco wa handeleka ocilũlu ca vĩha hati, Acilũlu cutende lusitatui, ha sapuila siti, Weca. Ku ko kuate vali.

LUKA 13:12

Eci Yesu o mola, wo kovonga, kuenje wa popia laye, hati, Okãi, uvei wove wa ku tunda.

LUKA 4:40

Eci ekumbi lia kala loku iñila, vosi va kala lava va vela ovovei aiñi aiñi vo va nenela. Kuenje Yesu wa va imba ovaka vosi yavo, kuenje wa va sakula.

LUKA 4:41

Va lua ovilũlu via va tunda yu via vilikiya viti, Ove vumõla a Suku. Yesu puãi wa vi lemela, ka tavele okuti vi popia omo via kũlĩha okuti eye o Mesiya.

OVILINGA 5:15

okuti va nena ava va vela valuwa, kuenje va va pekelisa kovola lo poviyalo, okuti, eci Petulu a pita, oco ocilelembia caye ci vetapo vamue, ndaño ka va luile.