MATEO 8:13 - Embimbiliya - Bíblia Sagrada em Umbundu

¹³ Kuenje Yesu wa popia la kesongo hati, Ndeci wa kolela ci kale love. Oco, vola yaco haico, ukuenje wa sakuiwa.

MATEO 8:13 Iomraidhean Croise

UKUNDI 9:7

Kuende, ka lie okulia kuove lonjolela, kuende, ka nyue ovinyu viove lutima wa sanjuka; momo Suku wa sanjukila ale ovilinga viove.

MATEO 15:28

Oco Yesu wo kumbululula hati, Okãi, ekolelo liove lia lua! Ci ku lingilue ndeci wa yongola. Kuenje omõlaye ukãi, kekumbi liaco muẽle, haico a kaya.

MATEO 17:20

Yesu wa kumbulula hati, Ka wa ci tẽleli omo ekolelo liene litito. Momo mopia lene siti, Nda vu kasi lekolelo ndolumema lusalata, nda vu popia lomunda eyi hoti, Kulo tundako, sondolokela oko, kuenje yi sondoloka. Ka kuli eci ka vu tẽla.

MATEO 8:4

Oco Yesu wa popia laye hati, Tala, ku ka ci sapuile umue, puãi kuende, ka lilekise kocitunda, ka lumbe ocilumba Mose a handeleka oku lumba nduvangi woku yelisua.

MATEO 9:22

Puãi Yesu wa ñualapo kuenje, oku u mola, wa popia laye hati, Amõlange, kolisako. Ekolelo liove lia ku kayisa. Kuenje ukãi, tunde kola yaco, wa kaya.

MARKO 7:29

Oco Yesu wo kumbulula hati, Omo wa popia ondaka oyo, kuende, omõlove ocilũlu co weca.

MARKO 9:23

Oco Yesu wa popia laye hati, Nda ndi ci tẽla! Ovina viosi vi tẽliwa lu o kolela.

YOANO 4:50

Yesu wa popia laye, hati, Kuende, omõlove o kasi lomuenyo. Omunu waco wa kolela ondaka Yesu a popia laye, oco wa enda.