MATEO 7:6 - Embimbiliya - Bíblia Sagrada em Umbundu

⁶ Ko ka eci eci ci kola kolombua, ndaño olomota viondongo ko ka vi imbi kolongulu sanga vi vi kosa kuenje vi ñualapo oku vu kanya.

MATEO 7:6 Iomraidhean Croise

OLOSAPO 11:22

Ndeci ocinunga culu kupinyo wongulu, haico ci kasi ukãi wa posoka nda ka kuete olondunge.

OLOSAPO 23:9

Ku ka vanguile kovaso eveke, momo o tomba olondunge violondaka viove.

OLOSAPO 26:11

Ndeci ombua yi tiukila vali kosanjo yayo, haico eveke li tongeka luveke walio.

OLOSAPO 26:4

Ku ka tambulule eveke nduveke waye, sanga lovevo o lisoka laye.

MATEO 15:26

Yesu wa kumbulula hati, Ka ca posokele oku nyañula ombolo yomãla loku yimba kolombua.

MATEO 24:10

Oco va lua va konyoha, va lipakula loku lisuvuka.

MATEO 7:5

Okuambambe! tete upa ohangalo viso liove, noke o mola ciwa oku upa okacinene viso liukuẽle.

II VA KORINDO 11:26

Nda endaenda ovongende alua. Poku yoka olondui nda kala kala lohele. Olonjanja nda yokokela ovingumba. Olonjanja va Yudea va yongola oku ndinga cĩvi, olonjanja vakualofeka. Kuosi nda pita nda enda enda lohẽle, ci kale vovaimbo, ci kale vakalasoko, ci kale vokalunga. Vakuetu vokocipala olonjanja va seteka oku ndinga cĩvi.

VA FILIPOI 3:2

Lunguki lolombua. Lunguki la vakuakulinga cĩvi. Lunguki lava va liteta ño.

VA HEVERU 10:29

Wa simi ndati? U wa lavisa Omõla a Suku hẽ, haeye wa pembula osonde yocisila a kolisua layo, haeye wa fũkĩlisa Espiritu liocali, eyambulo a sesamela ka li piãla vali enene?

VA HEVERU 6:6

nda va konyoha, ka ci tẽliwa oku va tiula vali koku likekembela akandu avo. Momo vovitima viavo va valela Omõla a Suku kekulusu onjanja yavali, kuenje vo pembuisa.

II PETULU 2:22

Ca pita lavo ndolusapo luocili okuti, Mbua o tiukila kosanjo yaye. Ngulu wa lisukula kuenje o tiukila kocilivombelo.

ESITULUILO 22:15

Kofeka ku siala olombua lolonganga la vakuokahonga kuenda olomondi la vakuaviteka la vosi va sole uhembi loku kemba.