MATEO 7:25 - Embimbiliya - Bíblia Sagrada em Umbundu

²⁵ Ombela ya loka, andunde eya, ofela ya sika, kuenje ya veta onjo, onjo yaco puãi ka ya kupukile omo ya tungiwila vohanda.

MATEO 7:25 Iomraidhean Croise

OLOSAPO 10:25

Eci ehunguhungu li pita ondingaĩvi kayiko vali, ukuesunga puãi o kala hũ.

MALAKIYA 3:3

O tumãla ndu o setaika opalata ha yi yelisa, kuenje o yelisa omãla va Lewi. O va yelisa muẽle londalu ndeci va yelaisa ulu lopalata, oco va lumbe ocilumba ku Yehova lesunguluko.

MATEO 16:18

Oco hu sapuila, siti, Ove ove Petulu. Pohanda yaco nungilapo ekongelo liange, kuenje olohõlo vionjembo ka vi li yuli.

MATEO 7:24

Wosi o yeva olondaka evi viange kuenje o vi linga wa soka ndomunu wa lunguka wa tungila onjo yaye vohanda.

MATEO 7:26

Wosi o yeva olondaka evi viange kuenje ka vi lingi wa soka ndomunu ka lungukile, yu wa tungila onjo yaye veseke.

MATEO 7:27

Ombela ya loka, andunde eya, ofela ya sika, ya veta onjo kuenje ya kupuka, okunyõleha kuayo kua lua.

OVILINGA 14:22

Va kolisa ovitima violoñame. Va va vetiya vati, Lamelẽli ketavo, momo ka tu iñila vusoma wa Suku te lohali ya lua.

VA EFESO 3:17

Ndi likutililavo okuti, omo vu kasi lekolelo, oco Kristu o kala vovitima viene, lomo wa tuameli loku sevetiwa vocisola,

VA KOLOSAI 2:7

Olombombo viene vi tuamele vokuaye. Amamiko oku kula vokuaye loku pamisua vekolelo ndeci wa longisiwi. Olopandu viene vi lue.

TIAGO 1:12

Omunu o pandikisa lohali wa sumũlũha, momo, eci a yula, o tambula ekolowa liomuenyo lina Suku a likuminya oku eca kuava vo sole.

I PETULU 1:5

Omo vu kasi lekolelo, oco unene wa Suku u vu lava toke vu piñala epopelo li tãilili ale oku situluiwa koloneke via sulako.

I PETULU 1:7

Vu nyikiwila okuti okusuapo kuekolelo liene ku vu muisa esivayo lulamba kuenda ekemalo eci Yesu Kristu a tukuluka. Ulu, ndaño u nyõleha, haimo u tẽla oku nyikiwa londalu, puãi okusuapo kuekolelo liene kua velapo vali, okuti ulu u sule.

I YOANO 2:19

Va tunda pokati ketu puãi ka va kaile vetu, momo, nda va kaile vetu, nda va tumalale letu, puãi va tunda oco va molehe okuti vosi havetuko.