MATEO 7:15 - Embimbiliya - Bíblia Sagrada em Umbundu

¹⁵ Lunguki lovaprofeto vesanda, vana veya kokuene luwalo wolomeme, puãi vokati kavo va linga ovimbungu vi kukulula.

MATEO 7:15 Iomraidhean Croise

I OLOSOMA 13:18

Wa popia laye hati, Ame lamevo nduprofeto ndove. Ungelo umue wa popia lame londaka ya Yehova hati, U tiula konjo yove, a lie ombolo loku nyua ovava. Puãi wo kemba ño.

YEREMIYA 29:21

Oku tukula Ahava, omõla a Kolaya, kuenda Sedekiya, omõla a Maseiya, ava va popia lene vonduko yaye ocitumasuku cuhembi, Yehova Ukualohoka, Suku ya Isareli, wa popia hati, Ndi va eca peka lia Nevukandesa, Soma ya Bavulono. Eye o va ipaila kovaso ene.

YEREMIYA 29:32

oco tala, njambula Siemaya u Nehelami kuenda ombuto yaye. Eye ka kala la kapiñala o tunga pokati komanu ava. Ka mõli evi viwa ndingila omanu vange, momo wa longisa oku ñualelapo Yehova. Oco ca Popia Yehova.

ESEKIELE 13:16

ndokuti ovaprofeto va Isareli, vana va imbaimba owanji wovina viya ko Yerusalãi, haivo va mõla ovinjoinjoi viombembua yalio osimbu ka kuli ombembua. Oco ca popia Nala Yehova.

ESEKIELE 13:22

Momo wa sumuisi lesanda utima wukuesunga una ame sia sumuisile. Wa kolisi ondingãivi okuti ka pambuka konjila yaye yĩvi hã ha kala lomuenyo.

ESEKIELE 22:25

Olosoma viayo vokati kayo via linga ndohosi yi koma koma, yi suyulula eci ca kuatiwa. Vi Ha omanu. Vi punda ukuasi lovina via tĩla. Vi luisa ovimbumba vokati kayo.

ESEKIELE 22:27

Olosoma viayo vokati kayo vi kasi ndolombinji vi suyulula eci ca kuatiwa. Vi pesela osonde loku nyõla omanu ha va limuĩsa ukuasi hawesungako.

DANIELE 11:34

Eci va kupuka, va kuatisiwa naito; puãi valua va litokeka lavo lombambe.

MIKA 3:11

Akulu vaco va tetuluila olondaka lovitukiko. Ovitunda viaco vi longisila ofeto. Ovaprofeto vaco va piluila olombongo, haimo va kunamẽla ku Yehova, kuenda vati, Yehova hẽ, ka kasi pokati ketu? Oco lacimue cĩvi ciya kokuetu.

SAKARIYA 13:4

Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

MATEO 10:17

Lunguki lomanu momo vo pakuila kakanga kuenje vo tipuila volosunangonga viavo.

MATEO 16:11

Nye ka co lombolokeleli okuti hamboloko nda kala loku vangula? Lunguki letumbisa lia va Fariseo leli lia va Sadukeo.

MATEO 16:6

Yesu wa popia lavo hati, Lunguki, kuenda yuvuli etumbisa lia va Fariseo leli lia va Sadukeo.

MATEO 24:11

Ku katuka ovaprofeto vesanda va lua, kuenje va konyuisa va lua.

MATEO 7:14

Puãi ombundi yoku iñila komuenyo ya sukatela, lonjila yaco ya tĩla, kuenje vañamiñami va yi sanga.

LUKA 12:15

Kuenje wa popia lavo hati, Lunguki kuenda liuviki kocipululu cosi, momo omunu, ndaño ohuasi enene, haimo omuenyo waye ko fukile.

LUKA 6:26

Lene vosi, eci omanu vosi vo sivayi, ngongo yene, momo haico vaisiavo va linga lovaprofeto vesanda.

YOANO 10:12

Ukuopange o talavayela ño olombongo, okuti heyeko muẽlealomeme viaco, lolomeme viaco haviayeko, nda o lete ombinji yo yiya, oco o sia olomeme kuenje o tila, kuenje ombinji yi vi kuata loku vi sandola.

OVILINGA 13:40

Oco lunguki sanga eci ca popia ovaprofeto ci vu kuata, cokuti,

OVILINGA 13:6

Eci va pita vocifuka cosi va pitila ko Pafu, kuenje oko va sanga ulume umue u Yudea, onduko yaye Bar Yesu, eye uprofeto wesanda, haeye ocimbanda,

VA GALATIA 2:4

Ocili, kua kala vakuetu vamue vakuesanda va liyombekelamo oku lavulula okupanduluka tu kuete vu Kristu Yesu. Ovo va seteka oku tu lingisa vali apika.

VA EFESO 4:14

Oco ka tu lingi vali omãla va punguaiwa lolofela viosi viokulongisa lokulunguka kuomanu, latutu avo oku wengula esanda.

VA EFESO 5:6

Lomue ka ka vu liañe lolondaka viesanda, omo ovina ndovio ovio vi koka onyeño ya Suku yi wila omãla vakuesino.

VA FILIPOI 3:2

Lunguki lolombua. Lunguki la vakuakulinga cĩvi. Lunguki lava va liteta ño.

VA KOLOSAI 2:8

Lunguki sanga umue o nyõla etavo liene lovilongua viesanda liaño. Va sole oku tõlisa ño ovisila viomanu lovihõlo violuali, vina ka via tundile ku Kristu.

II TIMOTEO 3:13

osimbu omanu vãvi lolohembi vamamako loku linga cĩvi haivo va kemba kemba loku kembiwa.

II TIMOTEO 4:3

Momo kuiya oloneke okuti omanu ka va tava kokulongisa kuocili, puãi, omo va kasi lovatui a yua, oco va liongoluila alongisi ndovipango viavo,

II PETULU 3:17

Oco ene, a vakuacisola, omo wa ci kũlĩhi ale osimbu ka ceyile handi, lunguki sanga wambatiwi lokulueya kua vakuakandu, kuenje vu lipumbisa epandi liene.

I YOANO 4:1

A vakuacisola, ko ka tavi kaspiritu osi, puãi seteki aspiritu nda a Suku nda ndati. Momo ovaprofeto vesanda va lua va sandukila voluali.

YUDA 1:4

Momo omanu vamue va iñila ño vekongelo latutu. Episo liavo lia va sokiyiwila ale osimbu. Omanu vaco vakuakutomba Suku, haivo va pengisa ocali ca Suku yetu okuti ca va iha evelo lioku lingainga upuepue, kuenje va likala Yesu Kristu, eye lika Cime cetu, haeye Ñala yetu.

ESITULUILO 16:13

Kuenje nda mola okuti komẽla yocinyoha kua tunda espiritu lĩvi, ndaño komẽla yocinyama, kuenda komẽla yuprofeto wesanda. Aspiritu aco ãvi atatu a setahala ovinonga.

ESITULUILO 17:6

Kuenje nda mola ukãi waco okuti wa kolua osonde yolosandu losonde yolombangi via Yesu. Eci ndo mola nda lisalukako loku komoha ca lua.

ESITULUILO 19:20

Kuenje ocinyama ca kuatiwa kumue luprofeto wesanda, una wa lingila ovilimbu kovaso aco, evi a kembisa lavio ava va kapiwa ondimbukiso yocinyama, haivo va fendela ociñumañuma caco. Kavali kavo va imbiwa lomuenyo vociva condalu ci taima lofuofuo.

ESITULUILO 20:10

Eliapu lia va kembele lia imbiwa vociva condalu lofuofuo, haimo mu kasi ocinyama caco luprofeto wesanda, kuenje va yambuiwa utanya luteke oloneke vi enda ño-o hũ, ka vi pui.