MATEO 6:5 - Embimbiliya - Bíblia Sagrada em Umbundu

⁵ Eci vu likutilila, ko ka lingi ndeci vakuambambe va lingainga, momo va sole oku talama volosunangonga lo panyaha aluwa oku sanda oku muiwa lomanu. Mopia lene siti, Ocili va sanga ale onima yavo.

MATEO 6:5 Iomraidhean Croise

OLOSAMO 5:2

A Soma yange, a Suku yange, yevelela kondaka nda vilikiya, momo kokuove ndi likutilila.

OLOSAMO 55:17

Loñolosi lomele lekumbi pongunji ndi litetela loku lisiõsiõla, kuenje o yeva ondaka yange.

OLOSAPO 15:8

Yehova o nyale ovilumba violondingakandu, puãi ohutililo yukuesunga oyo a sole.

OLOSAPO 16:5

Yehova o nyale ukuepela, ocili muẽle, ka pumbi oku yambuiwa.

ISAYA 1:15

Eci vu tulika ovoko ene ndu sitikili ovaso ange, leci vu likutilila olohutililo via lua siu yevi, momo ovaka ene a kusuka ngẽ osonde.

YEREMIYA 29:12

Kotembo yaco vu mbilikiya; wiyi oku likutilila kokuange, kuenje ndu yevi.

DANIELE 6:10

Oco eci Daniele a kulĩha okuti ocisonẽhua ca kolisua, oco wa enda vonjo yaye. Olonjanela viohondo yaye via kala upulule haivio via imba ovaso ko Yerusalãi. Yu wa kekamẽla kolongolo viaye olonjanja vitatu veteke, kuenje wa lomba, loku pandula Suku yaye, ndeci a tuwa oku lingainga.

MATEO 21:22

Kuenje nda vu kuete ekolelo, cosi vu pinga poku likutilila vu ci tambula.

MATEO 23:13

Ene a vakuavisonehua, lene a va Fariseo, wakuambambe, ngongo yene! Momo vu yikilako omanu usoma wokilu; ene muẽle ka wiñilamo, lava va yongola oku iñila vu va tateka.

MATEO 23:5

Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

MATEO 23:6

Va sole olomangu viunene kolofesta, lolomangu viokovaso volosunangonga,

MATEO 6:1

Lunguki lovilinga viene viohenda okuti ko vi lingila kovaso omanu oku sanda oku muiwa lavo. Nda oco vu linga, ko sangi vali onima ku Isiene o kasi kilu.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:2

Oco, eci weca oviali kolosuke, ku ka sikile enguena kovaso ove ndeci vakuambambe va lingainga volosunangonga lo valuwa oku sanda oku sivayiwa lomanu. Ocili mopia lene siti, Va sanga ale onima yavo.

MATEO 9:38

Puãi ku Cime cokungula oco a tume olondingupange kokungula kuaye.

MARKO 11:25

Kuenje eci vu tãi oku likutilila, nda vu kuetele umue cimue, u weceli, oco Isiene o kasi kilu a wecelivo ahuku ene.

MARKO 12:38

Kuenje eci a longisa wa linga hati, Lunguki la vakuavisonehua va yongola oku ñuala ñuala luwalo wa lepa, loku lamiwa vovitanda,

LUKA 11:43

A va Fariseo, ngongo yene, momo vu sole olomangu vio kovaso volosunangonga, kuenda ovilamo viovovitanda.

LUKA 18:1

Wa va tela olusapo luoku va vetiya okuti ca va sesamela oku likutalaila ño-o, oku tokoka hacoko.

LUKA 18:13

Puãi ukuakutambula elisimu wa talama okacinãla, ka petuile ovaso aye, puãi wa lipupola ponete kuenje wa likutilila hati, A Suku, ndinge ohenda, ame ndukuakandu.

LUKA 20:47

Va lia lia olonjo viovimbumba, kuenje, oku pipiya, va likutilila ovilañela. Episo liavo li piãla.

LUKA 6:24

Ene puãi alohuasi, ngongo yene, momo wa tambuli ale elembeleko liene.

YOANO 16:24

Toke cilo ka wa pingilili cimue vonduko yange. Pingi, kuenje vu ci tambula, oco onjolela yene yi suepo.

VA EFESO 6:18

Likutilili ve Espiritu olonjanja viosi. Sapuli ku Suku apingilo ene loku a felevela. Pandikisi locituwa caco loku likutililila olosandu viosi.

I VA TESALONIKE 5:17

Kali locituwa coku likutilila.

TIAGO 4:6

Puãi ecaeca ocali ca piãla. Oco via popela viti, Suku o yaka la vakueyengu, puãi ecaeca kambombe ocali caye.