MATEO 6:2 - Embimbiliya - Bíblia Sagrada em Umbundu

² Oco, eci weca oviali kolosuke, ku ka sikile enguena kovaso ove ndeci vakuambambe va lingainga volosunangonga lo valuwa oku sanda oku sivayiwa lomanu. Ocili mopia lene siti, Va sanga ale onima yavo.

MATEO 6:2 Iomraidhean Croise

OLOSAMO 112:9

Ecaeca oviali kolosuke. Esunga liaye li enda ño-o, ka li pui. Ombinga yaye yi petuka lulamba.

OLOSAMO 37:21

Ondingaĩvi yi levala kuenje ka yi feti vali. Ondingesunga puãi yi linga ohenda, yecaeca ocali.

OLOSAPO 19:17

U o linga olosuke ohenda wondika Yehova, kuenje Yehova u tiuwila oviali viaye.

OLOSAPO 20:6

Omanu valua va tukola, u ohenda yaye, u ohenda yaye, helie puãi wa la sanga omunu ukuekolelo lia miuha?

UKUNDI 11:2

Eca olombanjo viove komanu epanduvali pamue ecelãla; momo kua kũlĩhile eci cĩvi ciya kilu lieve.

ISAYA 10:6

Ndu tuma kofeka ya tomba Suku, kuenje ndu kundikila omanu vonyeño yange ondaka okuti o kuata ocikumba, kuenda ohute, loku va kosa ndonata yovoluwa.

ISAYA 58:7

Haku liamuĩlako okulia kuove la vakuanjala? Haku nenako konjo yove olosuke lolohukui? Haku walisako u wa sanga lepẽle? Haku yuvulako oku nyehũla vakuasonde yove?

ISAYA 9:17

Oco Ñala ka sanjukila ipombokuenje viavo, ndaño olosiwe viavo kuenda ovimbumba viavo ka vi kuetele ohenda; momo vosi va likala Suku, haivo vakuevĩho. Omẽla wosi u popia popia esanda. Haimo onyeño yaye ka ya imũhĩle kuenje eka liaye lopo liõlõha.

HOSEA 8:1

Kapa olumbeta komela wove momo ongonga yulombo ya loña konjo ya Yehova, momo va nyõla ocisila cange haivo va siñala ovihandeleko viange.

MATEO 15:7

A vakuambambe, Isaya wo wimbili owanji wocili eci a popia hati,

MATEO 16:3

Omẽle hoti, Etaili ombela, omo kilu ku kusuka kuenda kua sitika. Wa kũlĩhi oku limbuka eci ci li kilu puãi ko tẽla oku limbuka olondimbukiso viovina vi lingiwa.

MATEO 22:18

Puãi Yesu, oku limbuka ukuse wavo, wa linga hati, A vakuambambe, vu njonjela nye?

MATEO 23:5

Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

MATEO 23:6

Va sole olomangu viunene kolofesta, lolomangu viokovaso volosunangonga,

MATEO 24:51

Oco cime caye u yambula kuenje u kapa kumue la vakuambambe. Oko omanu va lila loku likeleketa ovayo.

MATEO 5:18

Ocili, mopia lene siti, Toke ilu longongo vi takata okatosi pamue okotayo kovihandeleko ka ka takata te ovina viosi vi lingiwa.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:3

Puãi eci weca oviali kolosuke, epĩli liove ka li ka kũlĩhe eci ci linga ondio yove

MATEO 6:5

Eci vu likutilila, ko ka lingi ndeci vakuambambe va lingainga, momo va sole oku talama volosunangonga lo panyaha aluwa oku sanda oku muiwa lomanu. Mopia lene siti, Ocili va sanga ale onima yavo.

MATEO 7:5

Okuambambe! tete upa ohangalo viso liove, noke o mola ciwa oku upa okacinene viso liukuẽle.

MARKO 12:39

loku tumala kolomangu via velapo volosunangonga lo kolofesta.

MARKO 7:6

Yu wa popia lavo hati, A vakuambambe, Isaya wo wimbili owanji wocili eci o soneheli hati, Omanu ava va sumbila ño lovimela viavo, puãi ovitima viavo vi kasi ocipãla lame.

LUKA 11:41

Ca velapo, yelisi tete vokati. Kovaso yaco ovina viosi vi yela kokuene.

LUKA 11:43

A va Fariseo, ngongo yene, momo vu sole olomangu vio kovaso volosunangonga, kuenda ovilamo viovovitanda.

LUKA 12:33

Landisi evi vu kasi lavio. Ecaeci kolosuke. Litungili ovipete ka vi vuli. Kali lukuasi ko pui kilu oko ocimunu ka ci pitila ndaño ombunji ka yi nyõli.

LUKA 12:56

A vakuambambe, wa kũlĩhi oku limbuka ovina vio posi levi vio kilu. Ci kasi ndati okuti ka wa kũlĩhili oku limbuka ovina viotembo yilo?

LUKA 13:15

Oco Ñala wo kumbulula, hati, A vakuambambe! Kuli hẽ umue umosi pokati kene okuti keteke liesambata ka kutulula ongombe yaye, pamue ocimbulu caye vocimanga, oku ka ci nyuisa?

LUKA 20:46

Lunguki la vakuavisonehua. Va sole oku ñuala ñuala loku wala uwalo wa lepa. Va sole oku lamiwa vovitanda loku tumala kolomangu via velapo volosunangonga lo kolofesta.

LUKA 6:24

Ene puãi alohuasi, ngongo yene, momo wa tambuli ale elembeleko liene.

LUKA 6:42

O popia ndati lukuẽle huti, A ngandiange, linga hu fele okacinene ka kasi viso liove, osimbu ove muẽle ku lete ohangalo yi li viso liove? Okuambambe! handi upa ohangalo yi kasi viso liove oku o mola ciwa oku upa okacinene ka kasi viso liukuẽle.

YOANO 13:29

Omo Yuda eye o kasi lombango oco vamue va sima okuti Yesu wo sapuila hati, Kuende, ka lande ovina tu sukila kofesta, pamue hati, Avela cimue kolosuke.

YOANO 5:41

Si tambula ulamba komanu.

YOANO 5:44

Vu kala ndati lekolelo, ene vu liaveli pokati ulamba ene muẽle, kuenje ko sandi ulamba u tunda lika ku Suku?

YOANO 7:18

U o popia ño eye muẽle, o sanda ulamba waye, puãi u o sanda ulamba wu wo tuma eye wocili. Vokuaye ka muli uhembi.

OVILINGA 10:2

Eye omunu wa sunguluka, wa sumbila Suku kumue la vakuanjo yaye vosi, wa eca eca oviali komanu, kuenje wa tuwa oku likutilila ku Suku.

OVILINGA 10:31

Wa popia lame hati, A Korneliu, ohutililo yove ya yevala, loviali viove via ivalukiwa kovaso a Suku.

OVILINGA 10:4

Korneliu, oku u tunguila ovaso wa lisalukako, oco hati, A Ñala, nye oco? Ungelo wa popia laye hati, Olohutililo viove loviali viove via pitila kilu ndonjivaluko kovaso a Suku.

OVILINGA 11:29

Oco olondonge via likapela oku eca omunu omunu ndeci a tẽla, loku tuma otumbongo tuoku kuatisa vakuetavo va kala vo Yudea.

OVILINGA 24:17

Eci pa pita anyamo a lua ndeya oku nenela ofeka yange ombango yolosuke kuenda ovilumba.

OVILINGA 9:36

Vo Yopa mua kala ondonge yimue yukãi, onduko yaye Tavita, ca lomboloka citi, Kambambi. Eye wa kala ukuahenda, kuenje wa kuatisa va lua.

VA ROMA 12:8

nda oku lungula, a lungule, nda oku lumba vombango, ka ka lumbe ndofufi, nda oku songuila vakuavo, a songuile lombili, nda oku linga ohenda, a yi linge lesanju.

I VA KORINDO 13:3

Ndaño nganjela ovikuata viange viosi si tekula lavio olosuke, ndaño ngeca etimba liange ha li yokiwa, puãi si kuete ocisola, ka ci sumũlũisa.

VA GALATIA 2:10

Cimosi lika va tu kisika cokuti, tu ivaloka olosuke. Eci nda kalale lutima woku ci linga.

VA EFESO 4:28

U wa ivaile ka ka ive vali, puãi a linge upange wocili lovaka aye okuti o sanga coku kuatisa laco olosuke.

I VA TESALONIKE 2:6

Ndaño, nda tua yonguile, nda tua tẽlele oku kisika esumbilo li sesamela ovapostolo va Kristu, haimo ka tua sandele oku pandiyiwa lomanu, ndaño lene, ndaño la vakuavo.

I TIMOTEO 6:18

Vi lungula okuti vi linga ohenda ha vi kuata ukuasi wovilinga viwa. Vi ecaece lombili ku vakuavo loku va kuatisa,

FILEMONE 1:7

Momo a manjange, ocisola cove ci sanjuaisa ca lua, haico ci ndembalaeka omo ovitima violosandu vi tumbuluaiwa love.

VA HEVERU 13:16

Ko ka ivaliko oku lingainga ciwa, loku lia vela pokati, momo Suku o sanjukila ovilumba ndevi.

I PETULU 4:11

Wosi o popia, a popie ndu o sapula olondaka viovitumasuku. Wosi o vumba a vumbe ndu o talavaya longusu yo wiha Suku. Ci lingiwe okuti kovina viosi Suku o muisua ulamba la Mitakati Yesu Kristu. Kokuaye ku tiama ño-o hũ ulamba kuenda uviali. Amene.

I SAMUELE 15:30

Saulu wa popia hati, Nda linga ekandu, haimo lumue sumbile kovaso akulu vomanu vange kuenda kovaso a va Isareli. Tu tiukile oco ha fendele Yehova Suku yove.