MATEO 6:16 - Embimbiliya - Bíblia Sagrada em Umbundu

¹⁶ Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:16 Iomraidhean Croise

II SAMUELE 12:16

Daviti wa likutililila ku Suku omõlaco. Daviti wa likandangiyavo okulia, wa iñila, wa pekela posi uteke wosi.

II SAMUELE 12:21

Akuenje vaye vo pula vati, Eci wa linga ca lomboloka ndati? Eci omõla a kala lomuenyo ove wa likandangiya okulia kuenda wa lila lila. Cilo omõla wa fa, ove wa pasuka, wa lia okulia.

I OLOSOMA 21:27

Eci Ahava a yeva olondaka evi, wa tola olonanga viaye, wa wala ocikelei ketimba liaye, wa likandangiya okulia, wa pekela pocikelei, kuenje wa enda leli! leli!

NEHEMIYA 1:4

Eci nda ci yeva nda tumala, nda lila loku litetela oloneke vimue. Nda likandangiya okulia loku likutilila ku Suku yokilu.

ESTER 4:16

Kuende, kongolole va Yudea vosi va kasi vo Siusana. Va liñandangiyile okulia, ka va ka lie ndaño oku nyua oloneke vitatu, lutanya luteke. Ame lafeko vange letuvo tu likandangiya okulia ndene. Oco noke ngenda ku Soma, ndaño ocihandeleko citi, Ka ci tava oku enda. Nda fa, fa muẽle.

OLOSAMO 109:24

Olongolo viange via yonga loku likandangiya okulia. Omo ulela lakamue etimba lia kopa.

OLOSAMO 35:13

Ame puãi, eci ovo va vela, nda wala ocikelei. Nda liketisa loku likandangiya okulia. Nda petamisa utue kuenje nda va likutilila,

OLOSAMO 69:10

Eci nda liketisa loku likandangiya okulia oco ca nyiha efuki.

DANIELE 9:3

Oco nda likapela oku vanja ku Yehova Suku, siu sandiliya lalombelo lafelevelo, loku likandangiya okulia loku wala ovikẽlẽyi loku sieketa etiko.

MALAKIYA 3:14

Wa popi hoti, Oku fendela Yehova Suku esanda. Ci silivila nye oku pokola kocihandeleko caye pamue oku endaenda kovaso a Yehova Ukualohoka loku likekemba?

MATEO 6:1

Lunguki lovilinga viene viohenda okuti ko vi lingila kovaso omanu oku sanda oku muiwa lavo. Nda oco vu linga, ko sangi vali onima ku Isiene o kasi kilu.

MATEO 6:2

Oco, eci weca oviali kolosuke, ku ka sikile enguena kovaso ove ndeci vakuambambe va lingainga volosunangonga lo valuwa oku sanda oku sivayiwa lomanu. Ocili mopia lene siti, Va sanga ale onima yavo.

MATEO 6:5

Eci vu likutilila, ko ka lingi ndeci vakuambambe va lingainga, momo va sole oku talama volosunangonga lo panyaha aluwa oku sanda oku muiwa lomanu. Mopia lene siti, Ocili va sanga ale onima yavo.

MARKO 2:18

Kuenje olondonge via Yoano la va Fariseo va kala loku likandangiya okulia. Oco omanu veya kuenje vo pula vati, Olondonge via Yoano levi via va Fariseo vi likandangayaila nye okulia, olondonge viove puãi ka vi likandangiya okulia?

LUKA 18:12

Ndi likandangaiya okulia luvali kosimanu, ndukuakulumba onepa yekui yovipako viange viosi.

LUKA 2:37

yu wa kala ocimbumba toke wa tẽla akui ecelãla kanyamo kanyamo akuãla. Ka tundile vali vonembele puãi wa fendelamo ño-o uteke lutanya loku likandangiya okulia loku likutilaila.

OVILINGA 10:30

Kuenje Korneliu wa linga hati, Konyima yoloneke vikuãla, ola yilo haiyo, nda kala vonjo yange oku likutilila ohutililo yokekumbi. Ocipikipiki, kovaso ange kua moleha ulume wa wala uwalo u nina.

OVILINGA 14:23

Vakongelo osi va nola akulu kuenje va va kundika ku Ñala una va kolela. Va ci linga loku likutilila kuenda oku likandangiya okulia.

I VA KORINDO 7:5

Ko ka litinduki, te nda wa ci likuminyi pokati okasimbu ho pindamui loku likutilila. Noke wu litokeka vali, sanga Satana u yonji mekonda lioloñeyi viene.

II VA KORINDO 11:27

Kupange wosi nda linga nda talavaya lekavo kuenda ekaha. Nda kala kala lonjala lenyona, omo nda kamba kamba okulia. Olonjanja ndandiwa omo sia kaile leci ndi lisikilila.

II VA KORINDO 6:5

ndaño tu tipuiwa loku kapiwa votuyike, ndaño tu kala pokati konjuela lovopange lakaha kuenda onjala, haimo tu pandikisa ño-o.