MATEO 6:10 - Embimbiliya - Bíblia Sagrada em Umbundu

¹⁰ Usoma wove wiye. Ocipango cove ci lingiwe posi ndeci ci lingiwa kilu.

MATEO 6:10 Iomraidhean Croise

NEHEMIYA 9:6

Esera wa popia hati, Ove, ove lika, u Ñala. Ove wa tunga ilu lilu liovailu, lolombungululu viosi vi kasiko; haive wa tunga oluali lovina viosi vi kasimo, kuenda okalunga lovina viosi vi kasimo. Ove o vi tata tata ha vi kala kala lomuenyo. Avanda osi okilu a ku fendaila.

OLOSAMO 2:6

Nda kapa osoma yange komunda yange yi kola, Siono.

OLOSAMO 40:8

Oku linga ocipango cove, a Suku yange, oco sanjukila. Ovihandeleko viove vi kasi vutima wange.

ISAYA 2:2

Ci kala okuti koloneke viesulilo omunda yonjo ya Yehova yi velapo koku lepa pokati kolomunda viosi, yi pitahãla ovivulu; kuenje omanu volofeka viosi volumũhĩlako.

YEREMIYA 23:5

Yehova hati, Tala. Oloneke viya okuti njovisila Daviti ocinjovelela cesunga kuenje eye o viala ndosoma, o linga lolondunge, kuenje vofeka o tetuluila lesunga kuenda lesunguluko.

DANIELE 2:44

Koloneke violosoma viaco, Suku yokilu o katula usoma, kuenje ka u nyolẽha, ka u tambuiwa lomanu vofeka yiñi; puãi owo u nyõla loku lia ovosoma aco osi, haiwo u kala muẽle hũ oloneke ka vi pui.

DANIELE 4:35

Omanu vosi vokilu lieve hacimueko kovaso aye. Haeye o linga ndeci a panga lolohoka viokilu kuenda pokati komanu vokilu lieve. Kuenje lomue o tẽla oku tateka eka liaye, ndaño oku popia laye hati, O linga nye?

DANIELE 7:13

Nda mõla vovinjonde viuteke, kuenje ota, kovalende okilu kueya umue wa setãhãla omõla omunu. Weya ku Ukuasimbu, kuenje wa lekisua kokuaye.

DANIELE 7:27

Usoma luviali kuenda unene wovosoma osi vemẽhi lilu weciwa kepata liolosandu via Tõlo. Usoma waye ka u pui, kuenje ovoviali osi o vumba loku pokola kokuaye.

SAKARIYA 9:9

Amõla a Siono ukãi, yolela muẽle! Amõla a Yerusalãi ukãi, kaluka lesanju! Momo Soma yove yo, iya kokuove. Eye ukuesunga, haeye upopeli. Wonjuka. Endela kokacimbulu, omõla ocimbulu.

MATEO 12:50

Momo u o linga ocipango ca Tate o kasi kilu eye manjange, haeye mukãi wange, haeye mãi.

MATEO 16:28

Mopia lene siti, Ocili, vamue va tãi kulo ka va mahi okufa toke va mola Mõlomanu iya vusoma waye.

MATEO 26:42

Kuenje wa enda vali, wa likutilila hati, A Tate, nda ka ci tava okuti okopo eyi yi ndomboka, te ndi yi nyua, oco ocipango cove ci ligiwe.

MATEO 3:2

Likekembeli akandu ene momo usoma wokilu u kasi ocipepi.

MATEO 4:17

Tunde opo Yesu wa fetika oku kunda hati, Likekembeli akandu ene, momo usoma wokilu u kasi ocipepi.

MATEO 7:21

Havosiko va popia lame vati, A Ñala, a Ñala, va iñila vusoma wokilu, te u o linga ocipango ca Tate o kasi kilu.

MARKO 11:10

Usoma wa isietu Daviti wiya ndeti u sivayiwe! Kilu va vilikiye vati, Hosana.

MARKO 3:35

U o linga ocipango ca Suku eye manjange, haeye mukãi wange, haeye mai.

LUKA 19:11

Osimbu va kala loku yeva ovina evi, Yesu wa vokiyako oku ta olusapo, omo a kala ocipepi lo ko Yerusalãi, kuenje va soka okuti usoma wa Suku u tukuluka ndopo.

LUKA 19:38

vati, Soma iyilila vonduko ya Ñala a sivayiwe! Kilu ku kale ombembua! Kovailu ku kale ulamba!

LUKA 22:42

hati, A Tate, nda o ci panga, njupe okopo eyi, haimo lumue, ocipango cange ka ci ka lingiwe, te cove ci lingiwa.

YOANO 4:34

Yesu wa popia lavo hati, Okulia kuange oku linga ocipango cu wa numa kuenda oku suisapo upange waye.

YOANO 6:40

Momo ocipango ca Tate ceci, okuti, wosi o limbuka Mõla loku u kolela, o kala lomuenyo ko pui, kuenje ame ndu pindula keteke lia sulako.

YOANO 7:17

Nda umue wa panga oku linga ocipango caye, eye o kũlĩha okulonga kuaco, nda hẽ kua Suku, ele nda ci popia ño ame muẽle.

OVILINGA 13:22

Eci a vopako oco wa katula Daviti ha lingi Soma yavo, yu wo wimbila uvangi hati, Nda sanga Daviti, omõla a Jese, haeye ulume ukuotima wange, o lingainga ocipango cange cosi.

OVILINGA 21:14

Omo ka ca tavele oku u tiula oco tua liwekako, tuti, Ocipango ca Ñala ci lingiwe.

OVILINGA 22:14

Yu wa linga hati, Suku yolosekulu vietu wa ku nola okuti o kũlĩha ocipango caye loku mola Ukuesunga, kuenda oku yeva ondaka komela waye.

VA ROMA 12:2

Kuenje ko ka lisetahaisi loluali lulo, puãi kuati ovitima viokaliye okuti ovimuenyo vi pongoluiwa, kuenje vu limbuka ndeci ci kasi ocipango ca Suku, okuti ciwa, ca sunguluka, ca pua eko.

VA EFESO 6:6

Haku vumbako ño osimbu vo leti, ndava va sanjuisa omanu, puãi te oku tuwa ndakuenje va Kristu, loku linga ocipango ca Suku lutima wosi.

VA KOLOSAI 1:13

Wa tu popela kuviali wowelema. Wa tu sondoluila kuviali w'Omõlaye wa soliwa.

VA KOLOSAI 1:9

Oco, tunde keteke tua ci yeva, ka tua la liweka oku vu likutilila. Tu pinga ku Suku okuti o vu yukisa ukũlĩhiso wocipango caye poku wihi uloño lolondunge viocili, vina vi Espiritu,

I VA TESALONIKE 4:3

Momo ocipango ca Suku ceci okuti, vu kola. Kuenje okukola ku kisika oku yuvula ukahonga,

I VA TESALONIKE 5:18

Pokati kovina viosi, imbaimbi olopandu, momo oco ocipango ca Suku vu Kristu Yesu co kokuene.

VA HEVERU 1:14

Havosiko hẽ, aspiritu vakuakuvumba va tumiwila oku vumba ava va piñala eyovo?

VA HEVERU 10:36

Momo vu sukila epandi okuti, eci wa lingi ale ocipango ca Suku, oco vu tambula eci co likuminyiwi.

VA HEVERU 10:7

Oco nda linga siti, A Suku, ndeya oku linga ocipango cove, ndeci ca sonehiwila ame vociña celivulu.

VA HEVERU 13:21

eye a vu malehise ovina viosi viwa ho lingi ocipango caye, haiye a talavaye vovitima viene la Mitakati Yesu Kristu oku linga eci co sungulukila. Kokuaye ku kale ulamba toke koloneke ka vi pui. Amene.

I PETULU 2:15

Momo Suku wa panga okuti wimuli onumbi yaveke lovilinga viene viwa.

I PETULU 4:2

Wa a sila okuti otuneke tuo sialelapo oku kala vetimba ka endaenda vali loloñeyi vietimba te locipango ca Suku.

ESITULUILO 11:15

Oco ungelo wepanduvali wa sika olumbeta, kuenje kilu kua yevala olondaka vinene, viti, Uviali woluali wa linga uviali wa Suku yetu kuenda wa Kristu waye. Eye o viala oloneke vi enda ño-o hũ, ka vi pui.

ESITULUILO 12:10

Oco, nda yeva ondaka yinene kilu, ya linga yiti, Cilo kua tukuluka epopelo lunene luviali wa Suku yetu lomoko ya Kristu waye. Momo omindiki ya vamanjetu ya tundisiwa, una o va lundaila ño-o ku Suku yetu lutanya luteke.

ESITULUILO 19:6

Oco nda yeva cimue ca soka ndonjuvungo yowiñi wa lua, pamue ndokuõla kuovava a lua, pamue ndondaka yovilemĩlo via piãla, ya linga yiti, Aleluya! Momo Ñala Suku yetu Tõlo, o kasi loku viala.

ESITULUILO 20:4

Noke nda mola ovialo, kuenje kovialo viaco kua tumala ava va ihiwa omoko yoku tetulula. Nda molavo ovilelembia viava va topuiwa omo va imbila Yesu uvangi, kuenda va kolela ondaka ya Suku, haivo ka va fendelele ocinyama pamue ociñumañuma caco, kuenje ka va kapiwile ondimbukiso yaco kovipala viavo lo kovaka avo. Ovo va kuata vali omuenyo, kuenje va viala kumue la Kristu ohũlũkãi yanyamo.