MATEO 6:1 - Embimbiliya - Bíblia Sagrada em Umbundu

¹ Lunguki lovilinga viene viohenda okuti ko vi lingila kovaso omanu oku sanda oku muiwa lavo. Nda oco vu linga, ko sangi vali onima ku Isiene o kasi kilu.

MATEO 6:1 Iomraidhean Croise

II OLOSOMA 10:16

kuenje hati, Ha tu ende, oco o tale ombili ñuetele Yehova. Oco wa enda laye vekalu liaye.

II OLOSOMA 10:31

Puãi Yehu oku endela vocihandeleko ca Yehova Suku ya Isareli lutima waye wosi, ka co kuatelele. Ka litepele lakandu a Yerevoama ana a linga loku kokela Isareli oku lueya.

OLOSAMO 112:9

Ecaeca oviali kolosuke. Esunga liaye li enda ño-o, ka li pui. Ombinga yaye yi petuka lulamba.

ESEKIELE 33:31

Oco veya kokuove ndomanu va tuwa oku iya ale, va tumãla kovaso ove ndomanu vange, va yevelela eci o popia, puãi ka va tava oku ci linga, momo va lekisa ocisola calua lovimẽla viavo, ovitima viavo puãi vi lunga kocipululu.

DANIELE 4:27

Oco, a Soma, va tave kelungulo liange. Akandu ove a pue loku linga esunga, kuenda olohole viove vi malusuke loku lingila ohenda olohukũi, oco ombembua yove yameko handi.

SAKARIYA 13:4

Eteke liaco uprofeto wosi o kuatela osõi ovinjoinjoi viaye eci imba owanji nduprofeto. Ka wala vali onanga yovonya oku viaviaya.

SAKARIYA 7:5

Popia lomanu vosi vakuafeka yilo kuenda ovitunda, huti, Eci wa likandangiyi okulia loku lila kosãi yatãlo kuenda kosãi yepanduvali pokati kalima aco akũi epanduvali ame nga, ame muẽle, wa liñandangiyili okulia?

MATEO 16:27

Momo Mõlomanu iya lulamba wa Isiaye kumue lovangelo vaye, kuenje o muisa omanu vosi, omunu ndovilinga viaye, omunu ndovilinga viaye.

MATEO 16:6

Yesu wa popia lavo hati, Lunguki, kuenda yuvuli etumbisa lia va Fariseo leli lia va Sadukeo.

MATEO 23:13

Ene a vakuavisonehua, lene a va Fariseo, wakuambambe, ngongo yene! Momo vu yikilako omanu usoma wokilu; ene muẽle ka wiñilamo, lava va yongola oku iñila vu va tateka.

MATEO 23:5

Cosi va linga va ci lingila oku taliwa lomanu. Va vokinyako kolosilo viavo kuenje va luisa olonjenje violonanga viavo.

MATEO 25:40

Oco Soma o va kumbulula, hati, Mopia lene siti, Ocili, omo wa ci lingili umue wa vakuetu ava va sule, oco wa ci ndingilivo ame.

MATEO 5:16

Ocinyi cene ci taimile ndoco kovaso omanu okuti va mola ovilinga viene viwa kuenje va sivaya Isiene o kasi kilu.

MATEO 5:46

Momo nda vu sole ava vo soli, vu kuete onima ye? Vakuakutambula elisimu hẽ, ka va ci lingaingavo?

MATEO 5:48

Oco ene, pitili koseteko yesunga lia suapo ndeci Isiene o kasi kilu ukuesunga lia suapo.

MATEO 6:16

Eci vu likandangiya okulia ko ka nyumali nda vakuambambe. Momo ovo va vĩhisa ovipala viavo okuti okulikandangiya kuavo okulia ku muiwa lomanu. Mopia lene siti, Ocili va sanga ale onima yavo.

MATEO 6:9

Oco likutilili ndeci, hoti, A Isietu o kasi kilu. Onduko yove yi sumbiwe.

MARKO 8:15

Oco wa va lungula hati, Patuluki! Lunguki sanga vu lueyisiwa letumbisa lia va Fariseo kuenda etumbisa lia Herode.

LUKA 11:35

Oco lunguka, sanga mbi ocinyi covokati kove ci linga owelema.

LUKA 12:1

Osimbu a kala loku popia olohũlũkãi viomanu viongoloka okuti owiñi waco wa liliataila. Oco Yesu wa fetika oku popia tete lolondonge viaye, hati, Lunguki letumbisa lia va Fariseo, olio ombambe.

LUKA 12:15

Kuenje wa popia lavo hati, Lunguki kuenda liuviki kocipululu cosi, momo omunu, ndaño ohuasi enene, haimo omuenyo waye ko fukile.

LUKA 16:15

Puãi eye wa popia lavo hati, Ene vu liyowisila kovaso omanu, puãi Suku wa kũlĩha ovitima viene. Momo eci ca sivayiwa lomanu, oco ku Suku ca linga umbondo.

YOANO 12:43

momo va sola ca lua oku sivayiwa lomanu, oku sivayiwa la Suku ci sule.

YOANO 5:44

Vu kala ndati lekolelo, ene vu liaveli pokati ulamba ene muẽle, kuenje ko sandi ulamba u tunda lika ku Suku?

OVILINGA 3:12

Eci Petulu a ci mola oco wa popia lomanu hati, Alume va Isareli, eci hẽ, wa ci komoheli nye? Nye vu tu vanjela etu, huti ño etu muẽle tua endisa omunu u lunene wetu pamue lokukola kuetu?

VA GALATIA 6:12

Ava va yongola oku posoka ketimba ovo va yongola oku u pangisi oku tetiwa evamba okuti ka va ka kangisiwile ekulusu lia Kristu.

ESINUMUĨLO 24:13

Eci ekumbi liñila u tiuwila muẽle onjeke yaye, okuti o pekela lonanga yaye, kuenje o ku sumũluĩsa. Eci ci ku lingila esunga kovaso a Yehova, Suku yove.

VA HEVERU 11:26

Wa soka okuti oku lavisiwila Kristu oco ukuasi wa lua, ukuasi wosi wo ke Egito u sule, momo wa lavoka onima.

VA HEVERU 2:1

Oco, ca tu sesamela oku lunguka loku yevelela lutate ovina tua yeva sanga tu punguka ha tu vi si.

VA HEVERU 6:10

Momo Suku hokuanyako okuti ivalako upange wene kuenda ocisola wa lekisi loku vumba olosandu vonduko yaye, ndeci vu kasi loku linga toke opo.

II YOANO 1:8

Litati okuti ka vu pesela eci wa talavayeli, puãi vu tambula onima yosi yocili.