MATEO 5:8 - Embimbiliya - Bíblia Sagrada em Umbundu

⁸ Ava va yela vutima va sumũlũha, momo va mola Suku.

MATEO 5:8 Iomraidhean Croise

EFETIKILO 32:30

Oco Yakoba a lukila onduko yusenge waco Penuele, ndokuti, Suku ndo mõla liso liange muẽle, haimo omuenyo wange wa popeliwa.

II SAMUELE 22:27

Ku wa yela o yela. Ku wa puiya o puiya.

OLOSAMO 15:2

Yu omuenyo waye wa pua eko, haeye o lingainga esunga, vutima waye mu tunda olondaka viocili,

OLOSAMO 18:26

Ku wa yela o lilekisa okuti wa yela. Ku wa puiya o lilekisa okuti wa puiya.

OLOSAMO 24:4

U o kasi lovaka a yela lutima wa pua evĩho. U ka tiamisile utima waye kuhembi. U ka likuminyile lesanda.

OLOSAMO 51:10

Sovuile utima u yela, a Suku. Kapa vokati kange espiritu liokaliye liesunga.

OLOSAMO 51:6

Tala, ove o yongola esunga liovutima, oco ndongise olondunge viovutima.

OLOSAMO 73:1

Ocili Suku o linga va Isareli ohenda, ava va yela vutima, o va linga ohenda.

OLOSAPO 22:11

U o sole onjelo yutima haeye ukuakuvangula lutate, eye o linga ekamba liosoma.

OVILINGA 15:9

Eye ka pañuile pokati ketu lavo, puãi wa yelisa ovitima viavo lekolelo.

I VA KORINDO 13:12

Momo cilo tu vanja vanja volumuĩlo lua vuvala, puãi noke tu limola ocipala kocipala. Cilo nda kũlĩha ocinimbu, puãi noke ñulĩha ocili ndomo nda kũlĩhiwa.

II VA KORINDO 7:1

A vakuacisola, omo tu kuete olohuminyo evi, oco tu liyelisi kovina viosi vi vĩhisa etimba levi vi vĩhisa utima. Tu suisipo okukola kuetu loku sumbila Suku.

TITO 1:15

Kuava va yela ovina viosi vi yela, puãi, ku vakuevĩho kuenda kuava ka va kuete ekolelo, lacimue ci yela. Ndaño olondunge viavo, ndaño ovitima viavo, viosi via liña.

VA HEVERU 10:22

oco tu ameliko lovitima viocili haivio via kolisua lekolelo. Tuamelako tupu ovitima vietu via nyiliwa okuti ka vi tu vetisa evelo, latimba etu a sukuiwa lovava a yela.

VA HEVERU 12:14

Kolisiko oku kala lombembua lomanu vosi. Sandiliyi okukola momo lomue o mola Ñala nda ka ku kuete.

VA HEVERU 9:14

siti, ca piãla vali enene, osonde ya Kristu yi yelisa ovitima viene, okuti vi pua ovilinga viokufa ene ho vumbi Suku o kasi lomuenyo? Espiritu ka li pui lia linga Mitakati eci Kristu a lilumba ku Suku, kuenje wa lilumba tupu wa pua eko.

TIAGO 3:17

Puãi olondunge viokilu, tete via pua evĩho, vali viombembua, haivio vionjuka kuenda via sunguluka, haivio vie yuka ohenda lapako awa, kuenda via pua atatahãi lelimbi.

TIAGO 4:8

Ameli ku Suku kuenje eye amela kokuene. A vakuakandu, yelisi ovaka. A vakuavitima vivali, puisi ovitima viene evĩho.

I PETULU 1:22

Cilo, omo okupokola kuene k'Ocili kua yelisa ovitima viene okuti vu tẽla oku sola vakuẽle locisola cocili, oco lisoli pokati lovitima vi yela.

ESITULUILO 22:4

Ovo va vanja vanja kocipala caye, londuko yaye yi kala kovipolo viavo.