MATEO 5:4 - Embimbiliya - Bíblia Sagrada em Umbundu

⁴ Ava va lila va sumũlũha, momo va lembiwa.

MATEO 5:4 Iomraidhean Croise

ISAYA 12:1

Keteke liaco o linga hati, A Yehova, hu pandula inomo ndaño wa nemelẽle, haimo okutema kuove kua imũha kuenje wa ndembeleka.

ISAYA 25:8

O takisa olumue okufa, kuenje Ñala Yehova o puenya asuẽlẽla kovipala viosi; kuenda osõi yomanu vaye o yupa kilu lieve liosi; momo Yehova wa popia.

ISAYA 30:19

Momo ene amanu wa tungi vo Siono ko Yerusalãi, ko lili vali. Eye u lingi ohenda eci vu vilikiya. Eci a yeva okuvilikiya kuene o u kumbululi.

ISAYA 35:10

Ava va yowiwa la Yehova va tiuka, veya ko Siono loku imba ovisungo. Kovitue viavo ku kala esanju ka li pui. Va kuata esanju lonjolela, kuenje esumuo loku leñaleña vi va tunda.

ISAYA 57:18

Nda mõla ovituwa viaye, puãi ndu sakula. Ndu songuila, ndu wĩha onima yelembeleko, sovuila ava vo lila epako liomẽla.

ISAYA 66:10

Yoleli kumue la Yerusalãi, yi sanjukili, ene vosi vu yi sole; yi yoleli lonjolela, ene vosi vu yi lilila;

ISAYA 66:2

Ovaka ange a tunga ovina evi viosi, oco ovina evi viosi viange. Oco ca popia Yehova. Puãi omunu mbanja yu wa liketisa, haeye wonjuka vutima, kuenda o lulumĩla ondaka yange.

ESEKIELE 7:16

Ndaño vamue va puluka, va kala kolomunda ndolopomba viovimbota. Vosi va leñaila, omunu evĩho liaye, omunu evĩho liaye.

ESEKIELE 9:4

Oco Ñala wa popia laye hati. Pita vokati kimbo, vokati ka Yerusalãi. Kapa ondimbukiso kolopolo viomanu va lisiõsiõla loku leñaila avĩho osi a lingaiwa vokati kalio.

SAKARIYA 12:10

Ngeca kepata lia Daviti kuenda kolonungi via Yerusalãi utima wohenda kuenda utima woku likutilila, okuti eci va vanja u vo toma vo lilila ndu o lilila omõlaye ongunga. Vo lilila muẽle calua ndu o lilila nuñulu yaye.

LUKA 16:25

Puãi Avirahama wa linga hati, Amolange, ivaluka okuti, cina wa kala lomuenyo, ove wa kala lovina viove viwa, osimbu Lasaru a tala ohali. Cilo puãi, kulo, eye o lembelekiwa osimbu ove o kasi kohali.

LUKA 6:21

Ene vu kasi lonjala cilo, wa sumũlũhi, momo vu kuta. Lene vu lila cilo, wa sumũlũhi, momo vu yola.

LUKA 6:25

Lene wekuti cilo, ngongo yene, momo onjala yene. Lene vu yola cilo, ngongo yene, momo vu lisiõsiõla noke loku lila.

LUKA 7:38

Wa talama konyima, kolomãi viaye, loku lila, kuenje wa fetika oku yulisa olomãi via Yesu lasuelela aye, yu wa vi puenya lesinga liaye, kuenje wa sipula olomãi viaye loku vi waveka onguendu.

LUKA 7:50

Yu wa popia lukãi hati, Ekolelo liove lia ku popela kuende lombembua.

TIAGO 1:12

Omunu o pandikisa lohali wa sumũlũha, momo, eci a yula, o tambula ekolowa liomuenyo lina Suku a likuminya oku eca kuava vo sole.

ESITULUILO 21:4

Eye o puenya asuelela osi kovaso avo. Okufa ka ku kalako vali, ndaño oku lila loku liyula lupongo laviovo ka vi kalako vali. Momo ovina viatete via pita.