MATEO 5:3 - Embimbiliya - Bíblia Sagrada em Umbundu

³ Vakuosuke wovutima va sumũlũha, momo usoma wokilu wavo.

MATEO 5:3 Iomraidhean Croise

II ASAPULO 33:12

Eci a kala vohali, wa likuambela ku Yehova Suku yaye. Wa liketisila calua kovaso a Suku yolosekulu viaye.

II ASAPULO 33:19

Ohutililo yaye, lomo Suku a tava kokulikuambela kuaye, lakandu aye osi lolongole viaye, lapa a tungile ovotala polonumbuko loku kapapo Asera loviñumañuma, cina ka liketisile handi, tala, via sonehiwa velivulu liavakuavitumasuku.

II ASAPULO 33:23

Ka liketisile kovaso a Yehova ndeci isiaye Manase a liketisile, puãi eye Amoni wa vokaiyako oku luey.

II ASAPULO 34:27

Omo utima wove ka wa sivile, kuenje wa liketisa kovaso a Suku eci a yeva olondaka viaye a popela imbo lilo lava va tungamo, kuenda omo wa liketisa kovaso ange, wa tola uwalo wove loku lilila kovaso ange, oco lamevo nda ku yeva. Oco ca popia Yehova.

II ASAPULO 7:14

oco omanu vange, vana va tukuiwa londuko yange, nda va liketisa loku likutilila kuenda nda va sanda ocipala cange loku tinduka kolonjila viavo vivi, oco ame kilu njevako, kuenje ngecela ekandu liavo, ñayisa ofeka yavo.

YOVI 42:6

kuenje nda linga ocipelekese caño. Ndi litavela kuenje ndi livela oku tumãla voneketela lovetiko.

OLOSAMO 1:1

Wa sumũlũha omunu ka endaenda lalungulo olondingaĩvi, ka talayama vonjila ya vakuakandu, ka tumayala komangu ya vakuakupembula.

OLOSAMO 112:1

Sivayi Yehova. Omunu o sumbila Yehova haeye o yolela ca lua ovihandeleko viaye, eye wa sumũlũha.

OLOSAMO 128:1

Vosi va sumbila Yehova loku endaila volonjila viaye, va sumũlũha.

OLOSAMO 146:5

Omunu o kolela Suku ya Yakoba ndoñuatisi yaye, okuti elavoko liaye li kasi ku Yehova Suku yaye,

OLOSAMO 2:12

Sipuli olomai viaye sanga o tema kuenje vu nyõlẽhela vonjila, omo onyeño yaye yi wenguka lombili. Vosi va wunda kokuaye va sumũlũha.

OLOSAMO 34:18

Yehova yu ocipepi la vakuavitima via teka. O popela ava va kasi lovitima via samba.

OLOSAMO 41:1

U ivaloka olohukui wa sumũlũha. Yehova u popela veteke liohali.

OLOSAMO 51:17

Ovilumba vi sanjuisa Suku utima wa teka. A Suku, ove ku timi utima wa teka, haiwo wa samba.

OLOSAMO 84:12

A Yehova Ukualohoka, omunu wa ku kolela wa sumũlũha.

OLOSAPO 16:19

Ca velapo oku unjuka pokati kolohũkui; oku lianjela la vakuepẽla vimue via pundiwa hacoko.

OLOSAPO 29:23

Epela liomunu liu sepula, puãi u wonjuka o sumbiwa.

OLOSAPO 8:32

Cilo, amãla vange, njeveleli. Va sumũluha ava va lava lava olonjila viange.

ISAYA 30:18

Oco Yehova o talamẽla oku u kuatisi; oco o katuka oku u lingi ohenda. Momo Yehova eye Suku yesunga; ava vo wimbila ovaso va sumũlũha.

ISAYA 57:15

Momo Tõlo, haeye wa piãla, o tumãla ño-o hũ, onduko yaye yi kola eci a popia ceci, hati, Nda tunga vocitumãlo ca lepa haico ci kola. Nungavo kumue lomunu we lipua, haeye wonjuka, okuti numbulula utima wu we lipua, kuenda utima wu wonjuka.

ISAYA 61:1

Espiritu lia Ñala Yehova lia mbuila, momo Yehova wa mbuavekela oku kundila vakuahali ondaka yiwa. Wa numa oku petula ava va teka itima, loku sapula eyovo kolohute loku pandulula ava va pandekua,

ISAYA 66:2

Ovaka ange a tunga ovina evi viosi, oco ovina evi viosi viange. Oco ca popia Yehova. Puãi omunu mbanja yu wa liketisa, haeye wonjuka vutima, kuenda o lulumĩla ondaka yange.

MIKA 6:8

Amunu, Suku wa ku lekisa eci ciwa, Yehova o yongola nye kokuove, hateko oku linga esunga, loku sola ohenda kuenda oku endaenda la Suku yove lesuluviko?

MATEO 11:25

Eteke liaco Yesu wa tuala hati, A Tate, a Cime cilu losi, hu sivaya omo wa sitikila ovina evi kolonoño la vakualondunge kuenje wa vi situluila komãla.

MATEO 11:6

Kuenje u ka sangi kokuange eci cu tatamisa wa sumũlũha.

MATEO 13:16

Puãi ovaso ene a sumũlũha momo a lete, lovatui ene haico momo a yeva.

MATEO 19:14

Puãi Yesu hati, Omãla va kale, ko ka va tutuiyi oku iya kokuange, momo Usoma wokilu wava va lisoka lavo.

MATEO 24:46

Ukuenje waco wa sumũlũha nda cime caye, eci eya, u sanga oku linga ndeci a kundikiwa.

MATEO 25:34

Oco Soma o popia lava va kasi kondio yaye hati, Enjui ene wa sumũlũisui la Tate, ndo piñali usoma wo wangiliyilui tunde koku seveta oluali.

MATEO 3:2

Likekembeli akandu ene momo usoma wokilu u kasi ocipepi.

MATEO 8:11

Mopia lene siti, Va lua va tunda kutundilo kuenda kutakelo, veya kuenje va tumala kumue la Avirahama la Isake kuenda Yakoba vusoma wokilu,

MARKO 10:14

Puãi eci Yesu a ci mola oco wa tema, kuenje wa popia lavo hati, Omãla veye ño kokuange, ko ka va tutuiyi, momo usoma wa Suku wava va linga ndava.

LUKA 11:28

Yesu puãi wa kumbulula hati, Oco muẽle, puãi ava va yeva ondaka ya Suku kuenje va yi pokola ovo va sumũlũha ca velapo.

LUKA 18:14

Ndu sapuili siti, Eye wa lokila tupu konjo yaye wa tendiwa ndukuesunga, ukuavo heyeko. Momo wosi o liamisa kunene amisua kutito, puãi u o liamisa kutito amisua kunene.

LUKA 22:29

Oco, ndeci Tate a nukuila usoma haico ndu tukuili usoma okuti

LUKA 22:30

vu lila loku nyuila komesa yange vusoma wange, kuenje vu tumala kovialo oku tetuluila apata ekui la avali a Isareli.

LUKA 4:18

Espiritu lia Yehova lia mbuila, momo lia mbuaveka. Lia numa oku kundila olosuke ondaka yiwa, loku sakula ava va teka kovitima. Lia numa oku sapula eyovo kolohute, kuenda eletuluko kolomeke. Lia numa oku pandulula ava va pandekua

YOANO 20:29

Yesu wo pula hati, Wa tavela omo wa mola? Ava ka va muile puãi haimo va tava, ovo va sumũlũha.

ESINUMUĨLO 8:2

Ivaluka ndomo Yehova Suku yove a ku songuila vekalasoko anyamo aco akuĩ akuãla oku ku ketisa, kuenda oku ku nyika. Wa ci lingila okuti o kulĩha eci ca kala vutima wove, nda hẽ wa panga oku pokola kovihandeleko viaye nda ndati.

TIAGO 1:10

lohuasi yi lipande eci yi ketisua, momo uwuka ndoneleho yovusenge.

TIAGO 1:12

Omunu o pandikisa lohali wa sumũlũha, momo, eci a yula, o tambula ekolowa liomuenyo lina Suku a likuminya oku eca kuava vo sole.

TIAGO 2:5

A vamanjange va soliwa, yeveleli. Suku he, ka nolelele olosuke violuali okuti vi linga olohuasi viekolelo loku lingavo vakapiñala kusoma a likuminya oku eca kuava vo sole?

ESITULUILO 19:9

Oco ungelo wa popia lame hati, Soneha. Ava va lalekua kondalelo yofesta yuvala wa Kameme va sumũlũha. Oco a popia lame hati, Evi olondaka viocili via Suku.

ESITULUILO 22:14

Ava va sukula olonanga viavo okuti va tẽla oku pitila kuti womuenyo loku pita vombundi ha va iñila vimbo, va sumũlũha.

ESITULUILO 3:17

Momo o linga huti, Ndihuasi, haime nda salala, kuenje lacimue nda suka, osimbu kua kũlĩhile okuti wa sekuka, haive wumumbe, wusuke, wumeke, haive wenda epõlõla.